2 कुरिनथियनमन 1:3 - सादरी नवाँ नियम

³ हमरे केर प्रभु यीशु मसीह आउर आबा परमेश्‍वर केर धन्यबाद होवोक, जे दया करेक वाला आबा आउर सोउब रकम केर दुःख में दिलासा देवेक वाला परमेश्‍वर हेके।

2 कुरिनथियनमन 1:3 Iomraidhean Croise

यूहन्ना 10:30

मोंय आउर आबा परमेश्‍वर एके हेकी।”

यूहन्ना 20:17

यीशु उकर से कहलक, “मोके धाइर के ना रोक काले कि मोंय एखन तक आबा परमेश्‍वर ठिना स्वरग नी जाय हों। मगर तोंय मोर चेलामन ठिना जा, आउर उमन से इ कहबे कि मोंय अपन आबा, आउर तोहर आबा, आउर अपन परमेश्‍वर आउर तोहर परमेश्‍वर ठिना स्वरग जाथों।”

2 कुरिनथियनमन 11:31

प्रभु यीशु केर परमेश्‍वर आउर आबा जे सोउब बेरा धाइन अहे, जानेला कि मोंय झूठ नी कहोना।

2 कुरिनथियनमन 7:6

फिन भी दुःखी आदमीमन के शांति देवेक वाला परमेश्‍वर, तीतुस केर आवेक से हमरे के शांति देलक।

इफिसियनमन 1:17

मोंय प्रार्थना करोना कि हमर प्रभु यीशु मसीह केर आबा परमेश्‍वर जे महिमा से भरल अहे, तोहरेमन के आत्मिक बुद्धि आउर समझ देवी जेकर से तोहरे उके आउर बढ़ियाँ से जानेक पारबा।

इफिसियनमन 1:3

हमर प्रभु यीशु मसीह केर आबा परमेश्‍वर केर धन्यबाद होवोक कि उ मसीह केर द्वारा हमरे के स्वरग केर सोउब रकम केर आत्मिक आशीषमन के देई हे।

फिलिप्पियनमन 2:11

आउर परमेश्‍वर आबा केर महिमा लगिन सोउब मनवा जाइत माइन लेवोक कि यीशु मसीह हें प्रभु हेके।

कुलुसियनमन 1:3

जब हमरे तोहर लगिन प्रार्थना करिला, तब हमरे अपन प्रभु यीशु मसीह केर आबा मतलब परमेश्‍वर केर धन्यबाद करिला।

1 पतरस 1:3

हमर प्रभु यीशु मसीह केर आबा आउर परमेश्‍वर केर धन्यबाद होवोक, जे अपन बड़का दया से आउर प्रभु यीशु मसीह केर मोरल में से जी उठेक केर द्वारा से हमरे के नवाँ जिंदगी देई हे, आउर जुग-जुग केर जिंदगी केर आसरा देई हे।

2 यूहन्ना 1:4

मोंय इ सुइन के ढेइर खुशी होलों कि तोर थोरेक छउवामन सच्चाई केर डहर में चलाथैं, जइसन कि हमरेमन के आबा परमेश्‍वर बटले आगया मिल हे।

2 यूहन्ना 1:9

जे केऊ मसीह केर शिक्षा से भटइक जायला आउर उकर में बनल नी रहेला उकर ठिना परमेश्‍वर नखे। जे केऊ मसीह केर शिक्षा केर मोताबिक चलेला उकर ठिना आबा परमेश्‍वर आउर उकर बेटा यीशु दुयो अहैं।