1 तीमुथियुस 6:9 - सादरी नवाँ नियम

⁹ मगर जेमन धनी होवेक चाहैना उमन सोउब रकम केर पाप करेक लगिन सहजे धोखा खाय जायना, आउर एगो शिकार नियर शिकारी केर फँसरी में फाँइस जायना। उमन एइसन चीजमन के करेक खोजैना जे बेकार आउर नोकसान करेक वाला हेके, जे उमन के बरबाद आउर नाश काइर देवी।

1 तीमुथियुस 6:9 Iomraidhean Croise

मत्ती 13:22

एहे लेखे काँटा झूँड़ से भरल भूंई उ आदमी नियर अहे जेकर उपरे बिहीन गिरलक, उ बचन के सुनेला मगर दुनिया केर चिंता-फिकिर, आउर धन केर मोह-माया उकर मन में भाइर जायला आउर बचन के दबाय देवेला आउर बेगर फार केर जिंदगी जियेला।

मत्ती 19:22

मगर उ जवान इ गोइठ सुइन के उदास होई के चाइल गेलक, काले कि उ ढेइर धनी रहे।

मत्ती 26:15

“अगर मोंय यीशु के तोहरे केर हाँथ में धरुवाय देमूँ तो मोके का देबा?” उमन उके तीस गो चाँदी केर सिक्का तवइल के देलैं।

मत्ती 6:19

दुनिया में अपन लगिन धन जमा ना करा, जहाँ घून खायना आउर चिती लगेला, आउर चोरमन घर केर भीत के टोका काइर के चोराय लेवैना।

मरकुस 4:19

मगर दुनिया केर चिंता-फिकिर, आउर धन केर मोह-माया, आउर चीज-बसूत केर लोभ, उ मनक मन में भाइर जायला आउर बचन के दबाय देवेला, आउर उमन बेगर फार केर जिंदगी जियैना।

लूका 12:21

एइसनेहें उ आदमी केर संगे हों होवी, जे अपन लगिन सम्पति जमा करेला, मगर परमेश्‍वर केर सेवा करेक लगिन अपन लियाकत आउर सम्पति के खरचा नी करेला, उ परमेश्‍वर केर नजइर में गरीब अहे।”

लूका 21:35

काले कि उ दिन गोटा दुनिया में रहेक वाला सोउब आदमी मनक उपरे एहे नियर आवी।

खास चेलामन केर काम 8:20

मगर पतरस उकर से कहलक, “तोर रुपया तोर संगे नाश होवोक, काले कि तोंय परमेश्‍वर केर दान के रुपयामन से किनेक केर बिचार करले।

इफिसियनमन 4:22

से लगिन तोहरेमन पिछला चाइल-चलन आउर पुरना पापी स्वभाव के छोइड़ देवा, जे तोहरे के बुरा इच्छामन में फँसाय के धोखा देलक आउर तोहर जिंदगी के बरबाद काइर देलक।

1 तीमुथियुस 1:9

इ जाइन के कि मूसा केर नियम धरमी आदमीमन लगिन निहीं मगर अधरमीमन आउर अत्याचारीमन, भक्तिहीनमन आउर पापीमन, अपवितरमन आउर अशुद्ध आदमीमन, आयो-आबा के मोराएक वालामन आउर हत्यारामन,

1 तीमुथियुस 3:7

आउर उकर बारे में कलीसिया से बाहरे केर आदमीमन के हों कहेक चाही कि उ ठीक आदमी हेके, ताकि उकर बदनामी ना होवोक आउर उ शैतान केर जाल में ना फँसोक।

1 तीमुथियुस 6:10

धन केर लोभ सोउब रकम केर बुराईमन केर जाइर हेके, थोरेक आदमीमन एहे धन के पावेक केर कोशिश करते धीरे-धीरे मसीह केर शिक्षामन केर उपरे बिसवास करेक छोइड़ देलैं आउर उमन बरने-बरन केर दुःख से पीड़ित अहैं, एगो एइसन आदमी नियर जे खुद के एगो हँथियार से बेइध लेई हे।

1 तीमुथियुस 6:17

इ दुनिया केर धनी आदमीमन के आगया दे कि उमन घमंडी ना बनोक आउर जल्दी सिराएक वाला धन उपरे आसरा ना राइख के परमेश्‍वर उपरे आसरा रखोक, जे हमर सोउब जरुरत केर चीजमन के भरपूर देवेला।

2 तीमुथियुस 2:26

आउर इकर से उमन होस में आय जाबैं, आउर शैतान केर कब्जा से बचेक पारबैं। जे उमन के धोखा से अपन इच्छा पूरा करवाएक लगिन कब्जा काइर हे।

तीतुस 2:12

आउर अपन किरपा से परमेश्‍वर हमरे के सिखायला कि हमरे ओइसन ब्यवहार करेक छोइड़ देवब जे उके खुश नी करेला। आउर जे चीजमन केर इच्छा अबिसवासीमन करैना उकर इच्छा हमरे नी करब, आउर जबकि हमरे एखन इ दुनिया में हें अही, तो बुद्धिमानी आउर भक्ति केर संग इ नियर काम करब जे परमेश्‍वर के खुश करेला।

2 पतरस 2:3

इमन के पढ़ाएक वालामन लालची होबैं, आउर उमन बना-बनाल कहनीमन के सुनाय के तोहरे के धोखा देबैं ताकि तोहरे से पैसा कमाएक पारबैं। परमेश्‍वर ढेइर समय पहिलेहें फैसला काइर रहे कि उ उमन के दंड देवी आउर उ एइसन करेक लगिन तेयार अहे। उ पक्का उमन के नाश काइर देवी।

यहूदा 1:11

उमन केर उपरे हाय! उमन आदम केर बेटा कैन नियर चाल चलैना, जे अपन भाई के माइर मोराय रहे। रुपया केर लोभ केर खातिर उमन खुद उइसनेहें काम करैना जइसन बिलाम काइर रहे। उमन कोरह बंश केर आदमीमन नियर नाश होई जबैं, जेमन बिरोध काइर रहैं।