1 तीमुथियुस 6:5 - सादरी नवाँ नियम

⁵ आउर उमन केर माझे में बेकार झगरा शुरु होवेला, जेमन केर बुद्धि बिगइड़ जाय हे आउर उमन सच्चाई से भटइक जाय हैं, जेमन समझैना कि परमेश्‍वर केर बारे में सिखाएक रुपया कमाएक केर जरिया हेके।

1 तीमुथियुस 6:5 Iomraidhean Croise

मत्ती 12:33

अगर गाँछ के बेस कहबा, तो उकर फार के हों बेस कहा, या गाँछ के निकम्मा कहबा, तो उकर फार के हों निकम्मा कहा, काले कि गाँछ अपन फार से हें चिन्हाय जायला। एहे लेखे तोहरे फैसला करा कि जे काम मोंय करोना उ बेस अहे कि निहीं।

मत्ती 21:13

आउर यीशु उमन से कहलक, “पवितर किताब में लिखल अहे, ‘मोर घर प्रार्थना केर घर कहाई’, मगर तोहरेमन इके डाकू मनक अड्डा बनाथा।”

मत्ती 23:13

हे ढोंगी मूसा केर नियम के सिखाएक वाला आउर फरीसी दल केर आदमीमन, तोहर उपरे हाय! तोहरेमन आदमीमन केर लगिन स्वरग राइज केर दुरा के बंद काइर देवाला, तोहरेमन खुद हें उकर में नी ढूकाला आउर जेमन ढूकेक खोजैना ओहोमन के ढूकेक नी देवाला।

1 कुरिनथियनमन 11:16

मगर, अगर केऊ सोचेला कि जे मोंय कहाथों उ गलत हेके, तो इ जानोक कि ना हमरे केर आउर ना परमेश्‍वर केर कलीसियामन में इके छोइड़ आउर कोनों नियम अहे।

2 थिस्सलुनीकियनमन 3:6

हे भाईमन, हमरे अपन प्रभु यीशु मसीह केर उ अधिकार से जेके हमरे के देई हे तोहरेमन के आगया देवीला, एइसन केऊवे बिसवासी भाई-बहिन से जुदा रहा जेमन आलसी अहैं, आउर उ आगयामन के नी मानैना जेमन के हमरे तोहरेमन के सिखाय ही।

1 तीमुथियुस 1:6

झूठा सिखाएक वालामन इ सोउब चीजमन के छोइड़ देई हैं, आउर सिरिफ बेकार चीजमन केर बारे में गोठियायना।

1 तीमुथियुस 3:3

उ पियंक्कड़ आउर मार पीट करेक वाला आउर लड़ाई झगरा करेक वाला आउर धन केर लोभ करेक वाला नी होवेक चाही, मगर नरम स्वभाव वाला होवेक चाही।

1 तीमुथियुस 3:8

कलीसिया केर सेवकमन के हों एइसन आदमी होवेक चाही, जेकर आदमीमन आदर करैना, उके ईमानदार होवेक चाही, उके पियंक्कड़ आउर अपन फायदा केर लगिन कोनोवें काम करेक वाला नी होवेक चाही।

1 तीमुथियुस 4:7

अशुद्ध आउर झूठा कहानीमन में अपन समय के ना गवाँव, मगर परमेश्‍वर के आदर देवेक वाला जिंदगी जी के, खुद के लगातार सिखाते रह।

1 तीमुथियुस 4:8

काले कि काया केर साधना से थोरके फायदा होवेला, मगर परमेश्‍वर केर भक्ति से सोउब गोइठमन लगिन फायदा होवेला, काले कि इकर से एखन इ जिंदगी में आउर पाछे आवेक वाला जिंदगी में हों इनाम केर करार करल जाय हे।

1 तीमुथियुस 6:6

मगर हमरे अपन जिंदगी के परमेश्‍वर के खुश करेक नियर जियिला आउर जे कोनों हमरे ठिना अहे उकरे में संतोष करिला।

2 तीमुथियुस 3:5

उमन खुद एइसन देखाबैं जइसन कि परमेश्‍वर केर सेवा करैना, मगर उकर शक्ति के नी मानबैं, जे उमन केर जिंदगी के बदलेक पारेला, तोंय एइसन आदमीमन से दूर रहबे।

2 तीमुथियुस 3:8

झूठा सिखाएक वालामन मसीह केर सच्चा संदेश के परचार करेक से रोकेक केर कोशिश करैना, जइसन यन्नेस आउर यम्ब्रेस मूसा केर बिरोध काइर रहैं। उमन केर बुद्धि भ्रष्ट होई जाय हे, आउर उमन मसीह उपरे बिसवास नी करैना।

तीतुस 1:11

इमन के सिखाएक केर आगया ना दे, काले कि जब इमन उ गोइठमन के सिखायना जेके नी सिखाएक चाही, तब उमन पूरा परिवार केर आदमी मन केर बिसवास के मेटाय देवैना। उमन एइसन रुपया कमाएक लगिन करैना।

2 पतरस 2:15

उमन भला काम करेक छोइड़ देई हैं आउर उमन ओहे लेखे केर बुरा काम करेक शुरु काइर देई हैं, जे कि बओर केर बेटा बिलाम ढेइर समय पहिले काइर रहे। उके गलत काम काइर के पइसा कमाएक बेस लगत रहे।

2 पतरस 2:3

इमन के पढ़ाएक वालामन लालची होबैं, आउर उमन बना-बनाल कहनीमन के सुनाय के तोहरे के धोखा देबैं ताकि तोहरे से पैसा कमाएक पारबैं। परमेश्‍वर ढेइर समय पहिलेहें फैसला काइर रहे कि उ उमन के दंड देवी आउर उ एइसन करेक लगिन तेयार अहे। उ पक्का उमन के नाश काइर देवी।

यहूदा 1:11

उमन केर उपरे हाय! उमन आदम केर बेटा कैन नियर चाल चलैना, जे अपन भाई के माइर मोराय रहे। रुपया केर लोभ केर खातिर उमन खुद उइसनेहें काम करैना जइसन बिलाम काइर रहे। उमन कोरह बंश केर आदमीमन नियर नाश होई जबैं, जेमन बिरोध काइर रहैं।

प्रकाशितवाक्य 18:13

आउर दालचीनी, मसाला, धूप, सेंट, लोबान, मदिरा, तेल, मैदा, गोहोम, गाय-गारु, भेड़ीमन, छगरीमन, घोड़ामन, रथ, आउर सेवक आउर आदमीमन केर जान।

प्रकाशितवाक्य 18:3

काले कि उकर ब्यभिचार केर कड़ुवा नशा से सोउब जाइत केर आदमीमन गिर गेलैं, आउर धरती केर राजामन उकर संगे ब्यभिचार काइर रहैं, आउर धरती केर बेपारीमन उकर भोग-बिलास केर भरपूरी केर खातिर धनवान होई रहैं।”