1 तीमुथियुस 6:3 - सादरी नवाँ नियम

³ अगर केऊ झूठा शिक्षा देवेला, आउर उ सही शिक्षामन से सहमत नी होवेला जे परमेश्‍वर के आदर देवेला, आउर जेके हमर प्रभु यीशु मसीह देई रहे।

1 तीमुथियुस 6:3 Iomraidhean Croise

मत्ती 22:21

उमन यीशु से कहलैं, “महाराजा केर।” तब यीशु उमन से कहलक, “जे महाराजा केर हेके, उके महाराजा के आउर जे परमेश्‍वर केर हेके, उके परमेश्‍वर के देवा।”

मत्ती 28:20

आउर उमन के सोउब गोइठमन के जे मोंय तोहरेमन के आगया देई हों, मानेक लगिन सिखावा: आउर देखा, मोंय दुनिया केर अंत तक सोउब बेरा तोहरेमन केर संगे अहों।”

रोमानियनमन 16:17

अब हे बिसवासी भाईमन, मोंय तोहरेमन से बिनती करोना कि जेमन एक दोसर से झगरा लाडै़ना, आउर जेमन एइसन काम करैना जेकर से बिसवासीमन ठोकर खायना, उमन के जाइन लेवा आउर उमन से दूर रहा।

1थिस्सलुनीकियनमन 4:8

इ लगिन जे इ नियममन केर मोताबिक जियेक से इनकार करेला, उ आदमी के निहीं मगर परमेश्‍वर के इनकार करेला, जे अपन पवितर आत्मा के तोहरेमन के देवेला।

1 तीमुथियुस 1:10

ब्यभिचारीमन, मरद-मरद केर संग ब्यभिचार करइयामन, आदमीमन के चोराय के गुलाम केर रूप में बेचाइयामन, झूठ बोलेक वालामन, आउर सच बोलेक केर किरिया खाय के हों झूठ बोलेक वालामन लगिन, आउर इकर अलावा, सही शिक्षा जे काम के करेक ले सिखायला, उके करेक से मना करेक वालामन लगिन हों ठहराल जाय हे।

1 तीमुथियुस 1:3

हे तीमुथियुस जइसन कि तोंय जानिसला कि इफिसुस शहर में थोरेक एइसन आदमीमन अहैं, जेमन गलत शिक्षा देवैना। उमन लगातार झूठा कहानीमन आउर पुरखामन केर लम्बा बंशावली के सिखायना, जब मोंय इफिसुस शहर से मकिदुनिया परदेस में जाएक लगिन तेयार रहों, तो मोंय तोके इफिसुस शहर में हें रहेक लगिन कहलों आउर उ आदमीमन के इ बताएक लगिन कहलों कि उमन एइसन शिक्षा ना देवोक। जब उमन एइसन गोइठ के सिखायना तो आदमीमन उमन केर बारे में बक-झक करैना। इकर नतीजा इ हेके कि उ सिखाएक वालामन उ काम के नी कराथैं, जेके परमेश्‍वर उमन के करेक ले देई रहे, उ काम के उमन सिरिफ परमेश्‍वर उपरे भरसा काइर के हें करेक पारैना।

1 तीमुथियुस 1:6

झूठा सिखाएक वालामन इ सोउब चीजमन के छोइड़ देई हैं, आउर सिरिफ बेकार चीजमन केर बारे में गोठियायना।

2 तीमुथियुस 1:13

से लगिन उ सच्चा शिक्षा के याइद रख, जेके तोंय मोर से सुइन हिस, आउर इ सोउब तोंय बिसवास आउर प्रेम से काइर के नमूना बान, काले कि तोंय यीशु मसीह केर संगे जुड़ल अहिस।

2 तीमुथियुस 4:3

काले कि एइसन समय आवी कि आदमीमन खरा उपदेस के सुनेक नी खोजबैं, मगर उमन अपन मन केर इच्छा मोताबिक चलबैं आउर ढेइर सिखाएक वालामन के खोइज लेबैं। जेमन ओहे गोइठमन के बताबैं जेके उमन सुनेक खोजैना।

तीतुस 1:1

इ चिट्ठी मोंय पौलुस बटले हेके, मोंय परमेश्‍वर केर दास आउर यीशु मसीह केर चुनल खास चेला हेकों। मोके परमेश्‍वर केर चुनल आदमीमन केर बिसवास के मजबूत करेक आउर यीशु मसीह केर सच्चा शिक्षामन के जानेक में मदइत करेक लगिन ठहराल जाय हे, ताकि उमन एइसन जिंदगी जिओक जे परमेश्‍वर के खुश करेला।

तीतुस 1:9

आउर उके मसीह केर बारे में बिसवास लाएक संदेश उपरे पोक्ता बिसवास करेक चाही जेके हमरे सिखाय ही। ताकि उ दोसरमन के सही शिक्षा केर पालन करेक ले उसकायक पारी, आउर जेमन सही शिक्षा केर बिरोध करैना उ उमन के गलत ठहराएक पारी।

तीतुस 3:8

इ गोइठ सच हेके आउर मोंय चाहोना कि तोंय इ गोइठमन केर बारे में बिसवासीमन के पोक्ता से सिखाबे, इ लगिन कि जेमन परमेश्‍वर उपरे बिसवास काइर हैं, उमन भला काममन के करते रहेक में धेयान देवोक, इ गोइठमन बेस आउर आदमीमन लगिन फायदा केर हेके।