1 तीमुथियुस 6:2 - सादरी नवाँ नियम

² आउर जेमन केर मालिकमन बिसवासी हेकैं, उमन के बिसवासी भाई होवेक केर चलते उचित आदर मिलोक, बल्कि उमन केर काम आउर बढ़ियाँ से करेक चाही, काले कि काम करवाएक वाला बिसवासी भाई हेके जे उमन के प्रेम करेला। इ गोइठमन के पालन करेक लगिन समझाते रह।

1 तीमुथियुस 6:2 Iomraidhean Croise

मत्ती 23:8

मगर तोहरेमन गुरु ना कहाबा, काले कि तोहर एके गो गुरु अहे: आउर तोहरेमन सोउब भाई-बहिन नियर अहा।

मत्ती 25:40

तब मोंय राजा उमन के जबाब देमूँ, ‘मोंय तोहर से सच कहाथों कि तोहरेमन जे मोर इ छोट से छोट चेलामन में से केऊ एगो केर संगे एइसन करला, तो तोहरेमन मोर हें संगे करला।’

मत्ती 6:24

केऊवे आदमी एके बेरा में दूई गो मालिक केर सेवा करेक नी पारी। उ चाहे तो एगो से बैर आउर दोसर से प्रेम करी, चाहे एगो के माइन करी आउर दोसर के तुच्छ करी। एहे नियर तोहरेमन एके बेरा में परमेश्‍वर आउर धन दुयो केर सेवा नी करेक पारबा।

खास चेलामन केर काम 1:15

ओहे दिनमन में जब लगभग एक सौ बीस बिसवासी भाई-बहिनमन जमा होई रहैं, तब पतरस उमन केर माझे ठड़ाय के कहेक लगलक,

रोमानियनमन 11:17

इसराइली आदमीमन बेस जैतून गाँछ केर डाइरमन नियर आउर अब्राहम केर बंश हेकैं, इसहाक आउर याकूब गाँछ केर जाइरमन नियर हेकैं। जे नियर जंगली जैतून गाँछ केर डाइर के बेस जैतून गाँछ केर डाइर में कलम काइर के साटल जाएक से बेस जैतून केर डाइर बनेक केर फायदा मिलेला, ओहे नियर परजाइत आदमीमन के हों इसराइलीमन के मिलेक वाला फायदा मिलेला।

रोमानियनमन 8:29

काले कि जेमन के उ पहिले से चुइन लेई हे, उमन केर लगिन पहिले से फैसला हों काइर लेई हे कि उमन उकर बेटा नियर बाइन जाबैं, ताकि उकर बेटा ढेइर भाईमन में पहिलौठा बनोक।

गलातियनमन 5:6

अगर तोहरे मसीह यीशु केर चेलामन हेका तो इकर से कोनों फरक नी पड़ेला कि तोहरे केर खतना होई हे या निहीं। मगर खास गोइठ इ हेके कि हमरे मसीह उपरे बिसवास करिला, आउर परमेश्‍वर आउर दोसर आदमीमन से प्रेम करिला।

इफिसियनमन 1:1

इ चिट्ठी के मोंय पौलुस जे परमेश्‍वर केर इच्छा से यीशु मसीह केर चुनल खास चेला हेकों, उ पवितर आउर मसीह यीशु में बिसवासी आदमीमन केर नाँव में लिखाथों। जेमन इफिसुस शहर में अहैं।

इफिसियनमन 1:15

इ सोउब केर चलते जे परमेश्‍वर काइर हे, जब से मोंय प्रभु यीशु उपरे तोहर बिसवास के आउर पवितर आदमीमन केर लगिन तोहर प्रेम के सुइन हों।

इफिसियनमन 3:6

मतलब परमेश्‍वर केर योजना इ हेके कि यीशु मसीह में जुड़ल जाएक केर चलते परजाइत आदमीमन हों ओहे आशीष के पाबैं, जेके यहूदीमन लगिन देवल जाय हे। अब उमन एके काया मतलब कलीसिया केर अंग होई गेलैं। आउर परमेश्‍वर केर करार जेके यहूदीमन लगिन देवल जाय रहे, उकरो हकदार होई गेलैं।

कुलुसियनमन 1:2

मोंय इ चिट्ठी मसीह केर पवितर आदमीमन के आउर बिसवास लायक भाईमन के लिखाथों, जेमन कुलुस्से शहर में रहैना। हमर आबा परमेश्‍वर बटले तोहरेमन के किरपा आउर शांति मिलते रहोक।

कुलुसियनमन 1:4

काले कि हमरे सुइन ही कि मसीह यीशु उपरे तोहर बिसवास अहे, आउर सोउब पवितर आदमीमन से प्रेम कराला।

कुलुसियनमन 4:1

हे मालिकमन, अपन-अपन गुलाममन केर संगे न्याय आउर ठीक-ठीक ब्यवहार करा, इ समइझ के कि स्वरग में तोहर हों एगो मालिक अहे।

2 थिस्सलुनीकियनमन 1:3

हे भाईमन, तोहर बारे में हमरे के लगातार परमेश्‍वर के धन्यबाद देवेक चाही, एइसन करेक हमरे लगिन उचित अहे, इ लगिन कि तोहरे प्रभु यीशु मसीह में ढेइर बिसवास कराला, आउर एक दोसर केर लगिन तोहर प्रेम ढेइर बगरा बढ़ते जाथे।

1 तीमुथियुस 4:11

बिसवासीमन के इ गोइठमन के सिखाव, ताकि उमन इकर पालन करोक।

1 तीमुथियुस 5:1

केऊ बूढ़ा आदमी के बेइज्जत करेक नियर ना गरियाव, मगर उके अपन आबा नियर समइझ के सलहा दे, आउर जेमन तोर से छोट अहैं उमन के भाई समइझ के सलहा दे।

तीतुस 2:1

मगर हे तीतुस, तोर लगिन इ ठीक हेके कि बिसवासीमन के तोंय सिरिफ ओहे सिखाव, जे यीशु मसीह केर बारे में सच्चा शिक्षा हेके।

तीतुस 2:15

से लगिन हे तीतुस, मोंय चाहोना कि तोंय क्रेते टापू केर बिसवासीमन के इ गोइठमन के सिखाव, जेमन के मोंय तोके सिखाय हों आउर उके करेक लगिन उसकाव। जहाँ जरुरत होवी हूवाँ उमन के सुधराव, तोके एइसन करेक केर पूरा अधिकार अहे। जे कोनों तोंय सिखाइसला उके केऊ अनदेखा ना करोक।

तीतुस 3:8

इ गोइठ सच हेके आउर मोंय चाहोना कि तोंय इ गोइठमन केर बारे में बिसवासीमन के पोक्ता से सिखाबे, इ लगिन कि जेमन परमेश्‍वर उपरे बिसवास काइर हैं, उमन भला काममन के करते रहेक में धेयान देवोक, इ गोइठमन बेस आउर आदमीमन लगिन फायदा केर हेके।

इब्रानीमन 3:1

हे मोर संगी बिसवासी भाईमन जेमन परमेश्‍वर केर हेका, तोहरेमन स्वरग में उकर से मिलेक लगिन बोलाल जाय हा, यीशु मसीह उपरे धेयान देवा जे हमर लगिन परमेश्‍वर केर शुभ समाचार केर दूत आउर महापुरोहित हेके।

इब्रानीमन 3:14

काले कि अगर हमरे आखरी तक मजबूती से अपन पहिले जइसन बिसवास में बनल रहब, तो हमरे मसीह केर संगे हिस्सेदार बाइन जाइला।

1 पतरस 5:1

थोरेक गोइठमन एइसन अहे जेके मोंय तोहरे जेमन हूवाँ केर कलीसिया केर अगुवामन हेका कहेक चाहोना, काले कि मोंय हों तोहरे जइसन कलीसिया केर अगुवा हेकों। मोंय खुद उ दुःखमन के देइख हों जे ढेइर समय पहिले मसीह साइह रहे, तो मोंय हों उकर महिमा में भागीदार होमूँ, जब उ फिन से इ दुनिया में घूइर आवी। मोंय तोहरे से बिनती करोना कि

2 पतरस 2:10

खास काइर के परमेश्‍वर उ झूठा पढ़ाएक वाला आदमीमन के दंड देवी, जे अपन बुरा काममन केर लालसा केर मोताबिक काम करैना आउर जे अपन उपरे परमेश्‍वर केर अधिकार के नी मानैना। उमन ढींठ आउर घमंडी अहैं, उमन महिमा से भरल स्वरगदूतमन केर बारे में बुरा कहेक से हों नी डरायना।

यहूदा 1:8

ओहे लेखे बिसवास केर देखावा करेक वाला अधरमी आदमीमन इ दावा करैना कि परमेश्‍वर उमन के दर्शन में देखाय हे कि उमन अपन काया के गंदा काम काइर के अशुद्ध करेक पारैना। उमन परमेश्‍वर केर अधिकार के तुच्छ जानैना आउर स्वरग दूतमन केर बारे में बुरा भला कहैना।