1 तीमुथियुस 6:19 - सादरी नवाँ नियम

¹⁹ एइसन काइर के उमन अपन बेस काममन के अपन लगिन एगो खजाना नियर जोड़बैं, जे आवेक वाला दिन में स्वरग में उमन लगिन एगो मजबूत नेव नियर होवी, आउर उमन सच्चा जिंदगी के पाबैं, जे सोउब दिन लगिन होवी।

1 तीमुथियुस 6:19 Iomraidhean Croise

मत्ती 19:21

यीशु उकर से कहलक, “अगर तोंय सिद्ध होवेक चाहिसला, तो जा, अपन ठिना जे कुछ अहे, सोउब के बेइच के गरीबमन के देई देबे, तब तोके स्वरग में धन मिली। इकर पाछे मोर चेला बाइन जा।”

लूका 12:33

अपन सम्पति बेइच के गरीब आदमीमन के दान काइर देवा। आउर भला काम काइर के अपन लगिन स्वरग में धन जमा करा जे कहियो नी घटेला। उके ना तो घून खायना आउर ना तो चोरमन चोरायना।

लूका 16:25

मगर अब्राहम कहलक, ‘हे बेटा, याइद कर कि तोके अपन जिंदगी में सुख हें सुख मिललक, मगर लाजर के दुःख हें दुःख मिललक। अब इके हिंयाँ शांति मिलाथे आउर तोंय तड़पाथिस।

लूका 16:9

से लगिन मोंय तोहर से कहाथों कि दुनिया केर धन-दौलत से अपन लगिन संग बनाय लेवा, जेकर से मोरेक केर पाछे जब धन-दौलत सिराई जाई तो उमन जुग-जुग ले रहेक लगिन घर में तोहर स्वागत करबैं।

लूका 18:2

“एगो नगर में एगो न्याय करेक वाला हाकिम रहत रहे, उ ना तो परमेश्‍वर से डरात रहे आउर ना कोनों आदमी केर परवाह करत रहे।

लूका 18:22

इ गोइठ सुइन के यीशु उकर से कहलक, “तोर में एखन हों एगो गोइठ केर घटी अहे। अपन सोउब कुछ बेइच के गरीबमन के बाँइट दे, अगर तोंय एइसनेहें करबे तो स्वरग में धन मिली, इ काममन के काइर के मोर पिछे होई ले आउर मोर चेला बाइन जा।”

गलातियनमन 5:6

अगर तोहरे मसीह यीशु केर चेलामन हेका तो इकर से कोनों फरक नी पड़ेला कि तोहरे केर खतना होई हे या निहीं। मगर खास गोइठ इ हेके कि हमरे मसीह उपरे बिसवास करिला, आउर परमेश्‍वर आउर दोसर आदमीमन से प्रेम करिला।

इफिसियनमन 3:17

आउर बिसवास से मसीह तोहर भीतरे डेरा करोक जइसन कि तोहरेमन उकर में भरसा कराला, मोंय प्रार्थना करोना कि परमेश्‍वर लगिन आउर दोसरमन लगिन तोहर प्रेम तोहरे के मजबूत बनाओक आउर भटकेक से बचाओक।

फिलिप्पियनमन 3:12

मोंय इ दावा नी कराथों कि इ सोउब चीजमन के पहिलेहें पाय लेई हों, या सिद्ध होई चुइक हों मगर मोंय कोशिश करते आगे बढ़ते जाथों कि मोके उ मिल जाओक, जेकर लगिन यीशु मसीह मोके चुइन हे।

फिलिप्पियनमन 3:14

मोंय निशाना बटे कूदते जाथों, ताकि उ इनाम के पामूँ, जेके देवेक लगिन परमेश्‍वर मोके स्वरग बोलाय हे आउर जेकर लगिन मसीह यीशु अपन जान के देई हे।

1 तीमुथियुस 6:12

लड़ाई में एगो बेस पलटन नियर जे हार नी मानेला, तोके हों परमेश्‍वर केर उपरे भरसा करेक आउर उकर आगयामन के मानेक नी छोड़ेक चाही, तोंय उ जुग-जुग केर जिंदगी के मजबूती से धाइर ले जेकर लगिन तोंय बोलाल जाय हिस, आउर तोंय ढेइर गवाहमन केर सामने मजबूती से कइह रहिस कि मसीह केर उपरे भरसा करिसला।

2 तीमुथियुस 1:1

इ चिट्ठी मोंय पौलुस बटले हेके। परमेश्‍वर मोके इ लगिन चुइन हे कि मोंय यीशु मसीह केर खास चेला बनमूँ, ताकि मोंय उ संदेश केर परचार करेक पारमूँ कि परमेश्‍वर जुग-जुग केर जिंदगी देवेक केर करार काइर हे, जे मसीह यीशु उपरे बिसवास करेक से मिलेला।

2 तीमुथियुस 2:19

फिन भी परमेश्‍वर केर आदमीमन एगो नेव नियर अहैं, जे नी हिलेला। उ नेव उपरे इ लिखल रहेला, “प्रभु जानेला कि उकर आदमीमन केमन हेकैं” आउर एहो जानेला “जे केऊ परमेश्‍वर केर आराधना करेला उके बुराई करेक नी चाही।”

1 पतरस 1:4

हमरे उ जयजाद के पावेक केर आसरा कराथी, जेके परमेश्‍वर हमर लगिन तेयार काइर हे, जे चीजमन के केऊ कहियो नाश करेक नी पारी। आउर उ कहियो पुरना नी होवी, परमेश्‍वर उ चीजमन के स्वरग में हमरे लगिन राइख हे।