1 तीमुथियुस 6:17 - सादरी नवाँ नियम

¹⁷ इ दुनिया केर धनी आदमीमन के आगया दे कि उमन घमंडी ना बनोक आउर जल्दी सिराएक वाला धन उपरे आसरा ना राइख के परमेश्‍वर उपरे आसरा रखोक, जे हमर सोउब जरुरत केर चीजमन के भरपूर देवेला।

1 तीमुथियुस 6:17 Iomraidhean Croise

मत्ती 12:32

जे केऊ मोंय आदमी केर बेटा केर बिरोध में कोनों गोइठ कही, उकर इ गुन्हा क्षमा करल जाई। मगर केऊ पवितर आत्मा केर बिरोध में कोनों कही, तो उकर गुन्हा, ना तो इ दुनिया में आउर ना परमेश्‍वर केर राइज में क्षमा करल जाई।

मत्ती 19:23

तब यीशु अपन चेलामन के कहलक, “मोंय तोहरे से सच कहाथों कि धनी आदमी के स्वरग राइज में ढूकेक कठिन अहे।

मत्ती 25:16

तब जेके पाँच गो सोना केर सिक्का मिल रहे, उ तुरते जाय के उकर से लेन-देन करलक आउर पाँच गो सोना केर सिक्का आउर कमालक।

मत्ती 27:57

तेयारी केर दिन हें साँझ होवेक से आगे अरिमतियाह गाँव केर एगो धनी आदमी आलक। उकर नाँव यूसुफ रहे, जे खुद हें यीशु केर चेला रहे।

मत्ती 6:32

इ सोउब चीजमन केर खोजार तो उमन करैना, जेमन परमेश्‍वर के नी जानैना। लेकिन तोहरेमन के इ सोउब चीजमन चाही, सेके तोहर स्वरगीय आबा परमेश्‍वर जानेला।

मरकुस 10:24

चेलामन उकर इ गोइठमन से ढेइर ताजुब होलैं। (काले कि उमन मानत रहैं कि परमेश्‍वर धनी आदमीमन केर उपरे दयालु अहे, इ लगिन अगर उमन स्वरग राइज में नी ढूकेक पारबैं तो आउर केऊ हों नी ढूकेक पारबैं।) मगर यीशु उमन के सिखालक, “हे भाईमन, जे आदमीमन धन केर उपरे भरसा रखैना, उमन लगिन परमेश्‍वर केर राइज में ढूकेक ढेइर कठिन अहे।

लूका 19:2

हूवाँ जक्कई नाँव केर एगो धनी आदमी रहे, जे मालगुजारी लेवेक वालामन केर सोउब से बाड़ अधिकारी रहे।

लूका 3:11

यूहन्ना बपतिस्मा जल संस्कार देवेक वाला उमन के जबाब देलक, “जेकर ठिना दूई गो झुला अहे, उ एगो के उके देई देवोक, जेकर ठिना नखे आउर जेकर ठिना खाएक अहे ओहो एइसनेहें करोक।”

खास चेलामन केर काम 14:17

हलांकि तोहरे उ परमेश्‍वर के तो नी जानाला फिन भी उ भलाई करते रहलक आउर उ आदमीमन के इ देखाते रहलक कि उ ओहे हेके जे तोहर लगिन आकाश से पानी बरसायला आउर ठहराल मौसम में अन्न उपजायला, उ अन्न देई के तोहर आदमीमन के खुशी से भाइर देवेला।”

खास चेलामन केर काम 14:27

हूवाँ पोंहइच के उमन कलीसिया केर आदमीमन के जमा करलैं आउर बतालैं कि परमेश्‍वर हमर संगे होई के कइसन बड़का-बड़का काम काइर हे! आउर उ कइसन परजाइत आदमीमन लगिन यीशु मसीह केर उपरे बिसवास करेक लगिन दुरा खोइल देई हे।

खास चेलामन केर काम 17:25

उके कोनों चीज केर जरुरत नखे आउर ना केऊ आदमी केर सेवा केर जरुरत अहे, काले कि ओहे सोउब के जिंदगी, साँस आउर जरुरत केर सोउब चीजमन के देवेक वाला हेके।

रोमानियनमन 11:20

इ ठीक अहे, उमन तो अबिसवास केर चलते बेस जैतून केर गाँछ से टुटाल गेलैं, मगर तोहरेमन बिसवास से बनल रहाला, इ लगिन घमंडी ना होवा मगर परमेश्‍वर से डरावा।

इफिसियनमन 5:5

काले कि तोहरेमन अच्छा से जानाला कि केऊ ब्यभिचारी आदमी, या अशुद्ध आदमी, या लोभी आदमी जे मूर्ति पूजा करेक केर बराबइर अहे, उ मसीह आउर परमेश्‍वर केर राइज में हिस्सेदार नी होवी।

कुलुसियनमन 3:16

मसीह केर बचन के अपन मन में भरपूरी से बसेक देवा। आउर सिद्ध गेयान सहित एक दोसर के सिखाते आउर चेताते रहा। आउर अपन-अपन मन में धन्यबाद देते परमेश्‍वर लगिन आराधना आउर स्तुति गान आउर आत्मिक गीत गाते रहा।

1थिस्सलुनीकियनमन 1:9

काले कि उमन खुद हें दोसरमन के बतायना कि जब हमरे तोहर ठिना आली तो तोहरेमन कइसन हमरे केर स्वागत करला। आउर तोहरे कइसन मूर्तिमन से दूर होई के परमेश्‍वर बटे घुरला, ताकि जिंदा आउर सच्चा परमेश्‍वर केर सेवा करबा।

1 तीमुथियुस 1:3

हे तीमुथियुस जइसन कि तोंय जानिसला कि इफिसुस शहर में थोरेक एइसन आदमीमन अहैं, जेमन गलत शिक्षा देवैना। उमन लगातार झूठा कहानीमन आउर पुरखामन केर लम्बा बंशावली के सिखायना, जब मोंय इफिसुस शहर से मकिदुनिया परदेस में जाएक लगिन तेयार रहों, तो मोंय तोके इफिसुस शहर में हें रहेक लगिन कहलों आउर उ आदमीमन के इ बताएक लगिन कहलों कि उमन एइसन शिक्षा ना देवोक। जब उमन एइसन गोइठ के सिखायना तो आदमीमन उमन केर बारे में बक-झक करैना। इकर नतीजा इ हेके कि उ सिखाएक वालामन उ काम के नी कराथैं, जेके परमेश्‍वर उमन के करेक ले देई रहे, उ काम के उमन सिरिफ परमेश्‍वर उपरे भरसा काइर के हें करेक पारैना।

1 तीमुथियुस 3:15

कि अगर मोर आवेक में देरी होवी, तो तोंय जाइन ले कि परमेश्‍वर केर परिवार केर दोसर सदस्यमन केर संगे कइसन ब्यवहार करेक चाही। इ परिवार उ सोउबमन से मिल के बाइन हे जेमन यीशु मसीह उपरे बिसवास करैना, आउर जेके कलीसिया कहैना। इ बिसवासीमन सच्चा शिक्षामन के स्थिर रखेक में मदइत करैना, जइसन नेव आउर पाया मिल के घर के मजबूत रखेक में मदइत करेला।

1 तीमुथियुस 4:10

से लगिन हमरे इ जिंदगी के पावेक लगिन कठिन मेहनइत करिला, काले कि हमरे जिंदा परमेश्‍वर उपरे आसरा करिला जे सोउब आदमीमन केर छुटकारा देवाइया हेके, खास काइर के उमन के जेमन उकर उपरे बिसवास करैना।

1 तीमुथियुस 5:21

परमेश्‍वर आउर यीशु मसीह आउर चुनल स्वरगदूतमन के हाजिर जाइन के मोंय तोके आगया देवोना कि तोंय इ गोइठमन के बढ़ियाँ से मान, आउर कोनों काम के भेद भाव से ना कर।

1 तीमुथियुस 6:13

मोंय परमेश्‍वर के गवाह बनाय के, जे सोउब के जिंदगी देवेला आउर साथ में मसीह यीशु के हों गवाह बनाय के जे मजबूती से सच कहलक जब उके पुन्तियुस पिलातुस केर सामने मुकद्दमा लगिन लानल गेलक, तोके इ आगया देवोना

1 तीमुथियुस 6:9

मगर जेमन धनी होवेक चाहैना उमन सोउब रकम केर पाप करेक लगिन सहजे धोखा खाय जायना, आउर एगो शिकार नियर शिकारी केर फँसरी में फाँइस जायना। उमन एइसन चीजमन के करेक खोजैना जे बेकार आउर नोकसान करेक वाला हेके, जे उमन के बरबाद आउर नाश काइर देवी।

2 तीमुथियुस 4:10

काले कि देमास इ दुनिया केर चीजमन से प्रेम काइर के मोके छोइड़ देलक, आउर थिस्सलुनीके शहर चाइल गेलक, आउर भाई क्रेसकेंस गलातिया परदेस आउर तीतुस दलमतिया परदेस चाइल गेलक।

तीतुस 2:12

आउर अपन किरपा से परमेश्‍वर हमरे के सिखायला कि हमरे ओइसन ब्यवहार करेक छोइड़ देवब जे उके खुश नी करेला। आउर जे चीजमन केर इच्छा अबिसवासीमन करैना उकर इच्छा हमरे नी करब, आउर जबकि हमरे एखन इ दुनिया में हें अही, तो बुद्धिमानी आउर भक्ति केर संग इ नियर काम करब जे परमेश्‍वर के खुश करेला।

तीतुस 3:6

परमेश्‍वर हमरे के मुफत में पवितर आत्मा के देई हे, ताकि उ शक्ति केर साथ हमर में काम करी, काले कि यीशु मसीह हमर पापमन लगिन मोइर हे आउर हमरे केर छुटकारा देवाइया बाइन जाय हे।

2 पतरस 1:11

आउर इ कि परमेश्‍वर उ राइज में ढेइर खुशी से तोहर स्वागत करी जहाँ यीशु मसीह अहे, जे हमर प्रभु आउर छुटकारा देवाइया हेके आउर उ सोउब दिन लगिन राजा केर रूप में राइज करी।