1 तीमुथियुस 6:16 - सादरी नवाँ नियम

¹⁶ सिरिफ ओहे एकला अहे जे सोउब दिन लगिन जिंदा अहे, उ एतना चमकदार इंजोत में रहेला कि केऊ हों उकर भीरे पोंहचेक नी पारी, उके ना तो केऊ आदमी देइख हे आउर ना कहियो देखेक पारी। उके आदर मिलोक आउर उकर शक्ति जुग-जुग रहोक। आमीन।

1 तीमुथियुस 6:16 Iomraidhean Croise

यूहन्ना 1:18

परमेश्‍वर के केऊ कहियो नी देइख हैं मगर एकलौता बेटा जे खुद परमेश्‍वर हेके, जे आबा केर कोरा में अहे, ओहे उके हमर उपरे दिस्तार काइर हे।

यूहन्ना 14:9

यीशु उकर से कहलक, “हे फिलिप्पुस, मोंय एतना दिन से तोहर संगे अहों, फिन भी तोंय मोके नी जानिसला? जे मोके देइख हे, उ आबा परमेश्‍वर के हों देइख हे। फिन तोंय काले कहिसला कि आबा परमेश्‍वर के हमरे के देखाय दे।

यूहन्ना 6:46

इकर मतलब इ ना लगे कि केऊ आबा परमेश्‍वर के देइख हे। मगर मोंय हें एकले अहों जे परमेश्‍वर आबा के देइख हों, काले कि मोंय परमेश्‍वर आबा बटले आय हों।

यूहन्ना 8:58

यीशु उमन के जबाब देलक, “मोंय तोहरेमन से सच-सच कहाथों कि अब्राहम केर जनम लेवेक केर आगे से हें मोंय अहों।”

इफिसियनमन 3:21

उकर महिमा कलीसिया में, आउर मसीह यीशु में पीढ़ी से पीढ़ी तक जुग-जुग होते रहोक। आमीन।

फिलिप्पियनमन 4:20

हमर आबा परमेश्‍वर केर महिमा जुग-जुग होते रहोक। आमीन।

कुलुसियनमन 1:15

केऊ हों परमेश्‍वर के देखेक नी पारैना, मगर जब उकर बेटा मनवा बनलक, तो उ परमेश्‍वर के आदमीमन केर माझे दिस्तार काइर देलक, उकरे ठिना परमेश्‍वर केर बनाल सोउब कुछ केर उपरे पूरा अधिकार अहे।

1 तीमुथियुस 1:17

अब जुग-जुग केर राजा जे सोउब दिन लगिन जिंदा अहे, जेके केऊ नी देइख हैं, जे एके गो सच्चा परमेश्‍वर हेके, उकर आदर आउर महिमा जुग-जुग होते रहोक। आमीन।

इब्रानीमन 13:8

यीशु मसीह काइल आउर आइज आउर जुग-जुग लगिन एक जइसन अहे, उ कहियो नी बदलेला।

याकूब 1:17

काले कि हरेक बेस बरदान आउर हरेक बेस दान परमेश्‍वर केर बटे से हें मिलेला, जे आकाश में सूरज, चाँद, आउर तइरगनमन के बनाय हे। परमेश्‍वर हमेशा एक जइसन रहेला आउर उ छाँई नियर नी बदलेला।

1 यूहन्ना 1:5

जे शुभ समाचार हमरे उकर से सुनली, आउर तोहरेमन के सुनाइला, उ इ हेके: कि परमेश्‍वर इंजोत हेके आउर उकर में कोनोवें अंधार नखे।

1 यूहन्ना 1:7

मगर, अगर जइसन परमेश्‍वर इंजोत में अहे, तइसनेहें हमरे हों इंजोत में चलब, तो उकर से मिलल रहिला आउर उकर बेटा यीशु मसीह केर किमती लोहू हमरे के सोउब पापमन से शुद्ध करेला।

1 यूहन्ना 4:12

परमेश्‍वर के कहियो केऊ नी देखलक, अगर हमरे एक दोसर से प्रेम करब, तो परमेश्‍वर हमर में बनल रही आउर उकर प्रेम हमर में सिद्ध होई जाय हे।

यहूदा 1:25

ओहे हमरे के यीशु मसीह जे कुछ हमरे लगिन काइर हे, उकर जरिया से छुटकारा देई हे। ओहे एक मात्र परमेश्‍वर हेके, उकरे ठिना महिमा, गौरव, पराक्रम आउर अधिकार शुरु से अहे, आउर एखन हो होवोक आउर जुग-जुग होते रहोक। आमीन।

प्रकाशितवाक्य 1:6

आउर हमरे के एगो राइज, आउर अपन आबा परमेश्‍वर केर लगिन पुरोहित हों बनाय देलक, उकरे हें महिमा आउर शक्ति जुग-जुग बनल रहोक। आमीन।

प्रकाशितवाक्य 1:8

प्रभु परमेश्‍वर इ कहेला, “मोंय हें अलफा आउर ओमेगा हेकों। मोंय हें उ हेकों, जे रहे, आउर जे अहे, आउर जे आवेक वाला अहे, आउर सर्वशक्तिमान अहे।”

प्रकाशितवाक्य 21:3

फिन मोंय सिंहासन में से केखो ऊँचा आवाज से इ कहते सुनलों, “देख, परमेश्‍वर केर डेरा आदमीमन केर माझे में अहे। उ, उमन केर संगे डेरा करी, आउर उमन उकर आदमी होबैं, आउर परमेश्‍वर खुद उमन केर संगे रही आउर उमन केर परमेश्‍वर होवी।

प्रकाशितवाक्य 22:5

हूवाँ कहियो राइत नी होवी आउर उमन के दीया आउर बेइर केर इंजोत केर दरकार नी होवी, काले कि प्रभु परमेश्‍वर उमन के इंजोत देई, आउर उमन जुग-जुग राइज करबैं।

प्रकाशितवाक्य 4:11

“हे हमर प्रभु आउर परमेश्‍वर, तोंय हें महिमा आउर आदर आउर शक्ति केर लायक अहिस, काले कि तोंय हें सोउब चीजमन के सिरजाले आउर उमन तोर हें चाह से रहे, आउर सिरजाल गेलक।”

प्रकाशितवाक्य 7:12

उमन कहलैं, “आमीन! हमर परमेश्‍वर केर स्तुति, महिमा, गेयान, धन्यबाद, आदर, अधिकार आउर शक्ति जुग-जुग बनल रहोक। आमीन।”