1 तीमुथियुस 6:14 - सादरी नवाँ नियम

¹⁴ कि तोंय उ सोउब कुछ के कर जेके पूरा करेक लगिन परमेश्‍वर तोके आगया देई हे, ताकि केऊ हों प्रभु यीशु मसीह केर धरती में घूइर आवेक तक, तोर उपरे कोनों गलत करेक केर दोष ना लगाएक पारोक।

1 तीमुथियुस 6:14 Iomraidhean Croise

1 कुरिनथियनमन 1:8

परमेश्‍वर तोहरेमन के आखरी तक बिसवास में मजबूत हों करी, ताकि तोहरेमन उ दिन तक निरदोष रहबा, जब हमर प्रभु यीशु मसीह इ धरती में फिन से घूइर आवी।

इफिसियनमन 5:27

उ अपन कलीसिया केर सोउब आदमीमन लगिन मोइर गेलक, ताकि उमन के सिद्ध बनाएक पारोक, आउर सोउब के अपन हेदना लानेक पारोक, जेमन में कोनों दोष या पाप या आउर कोनों रकम केर बुराई नी होवी, बल्कि उमन पूरा पुरी पवितर आउर निरदोष होबैं।

फिलिप्पियनमन 1:10

ताकि तोहरेमन इ चुनाव करेक केर लायक बाइन जबा कि कोन रकम केर काम करेक उचित अहे, ताकि मसीह केर दोबारा घूइर आवेक दिन तक पवितर आउर निरदोष बनल रहबा, आउर ठोकर नी खाबा।

फिलिप्पियनमन 1:6

आउर मोके इ गोइठ केर भरसा अहे कि परमेश्‍वर जे तोहर में बेस काम शुरु काइर हे, ओहे उके यीशु मसीह केर घूइर आवेक दिन तक पूरा करी।

फिलिप्पियनमन 2:15

होले तोहरेमन टेढ़ा आउर बिगड़ल आदमीमन से भरल दुनिया में परमेश्‍वर केर सिद्ध संतानमन नियर साफ सुथरा आउर निरदोष जिंदगी बिताबा। जेमन केर माझे तोहरे जुग-जुग केर जिंदगी केर बचन के लेई के दुनिया में दीया नियर बरते दिसाला।

कुलुसियनमन 1:22

परमेश्‍वर अब अपन बेटा यीशु मसीह के मनवा बनाय के, आउर उके क्रूस उपरे बलिदान काइर के तोहरेमन केर अपन संगे मेल जोल काइर लेलक, ताकि तोहरे के अपन ठिना पवितर, बेदाग आउर निरदोष बनाय के हाजिर करी।

कुलुसियनमन 4:17

फिन अरखिप्पुस से कहबा कि जे सेवा प्रभु में तोके जिम्मा देवल जाय हे, उके सावधानी केर संगे पूरा करबे।

1थिस्सलुनीकियनमन 3:13

ताकि परमेश्‍वर तोहर मन के एइसन मजबूत करोक कि जब हमर प्रभु यीशु अपन पवितर आदमीमन केर संगे घूइर आवी, तो उमन हमर परमेश्‍वर आउर आबा केर सामने पवितर आउर निरदोष ठहरोक।

1थिस्सलुनीकियनमन 5:23

परमेश्‍वर जे शांति देवेला खुद हें तोहरे के सोउब रकम से पवितर करोक, आउर तोहर आत्मा, प्राण आउर काया के हमर प्रभु यीशु मसीह केर दोबारा घूइर आवेक तक पूरा-पूरा निरदोष आउर जोगाय के रखोक।

2 थिस्सलुनीकियनमन 2:1

हे भाईमन, हमरे के अपन प्रभु यीशु मसीह केर घूइर आवेक आउर उ बेरा केर बारे में तोहर से कोनों कहेक अहे, जब हमरे एक संग उकर से मिलब।

2 थिस्सलुनीकियनमन 2:8

इकर पाछे उ अधरमी मरद दिस्तार होवी, मगर पाछे से जब प्रभु यीशु आवी, तो अपन मुँह केर फूक से उके माइर मोराई, आउर अपन आवेक केर तेज चमक से भसम करी।

1 तीमुथियुस 6:20

हे तीमुथियुस, पक्का काइर ले कि तोंय ओहे करिसला जेके परमेश्‍वर तोके जिम्मा देई हे, तोंय एइसन गोइठमन आउर शिक्षामन से दूर रह जे परमेश्‍वर केर सच्चा शिक्षा केर बिरोध करेला, जेके उमन गलत तरीका से गेयान कहैना।

2 तीमुथियुस 4:1

जब यीशु मसीह एगो राजा नियर राइज करेक लगिन आवी, तब उ जेमन जिंदा अहैं आउर जेमन मोइर जाय हैं, सोउब आदमीमन केर न्याय करी। से लगिन मोंय आबा परमेश्‍वर आउर मसीह यीशु के गवाह माइन के तोर से बिनती करोना

तीतुस 2:13

आउर हमरे उ आसरा मतलब हमरे केर महान परमेश्‍वर आउर छुटकारा देवाइया यीशु मसीह के तेज चमक केर संगे दोबारा घूइर आवेक केर इंतजार कराथी।

इब्रानीमन 9:14

तो सोचा, मसीह केर लोहू आउर केतना बगरा हमरे के उ काममन से शुद्ध करी, जेकर सजा माउत हेके, ताकि हमरे जिंदा परमेश्‍वर केर आराधना करेक पारब। काले कि मसीह खुद के परमेश्‍वर लगिन जुग-जुग केर आत्मा केर शक्ति से सिद्ध बलिदान केर रूप में हमरे केर पापमन केर खातिर चढ़ाय देलक।

इब्रानीमन 9:28

ठीक ओहे नियर मसीह हों सोउब आदमीमन केर पापमन के उठाय लेवेक लगिन एक बेर बलिदान होलक। जब उ फिन से आवी तब उ पाप केर लगिन बलिदान होवेक ले निहीं, मगर जे उकर आसरा देखेला उके छुटकारा देवेक लगिन आवी।

1 पतरस 1:7

इ दुःखमन केर मकसद इ देखाएक हेके कि तोहरे सचमुच में परमेश्‍वर उपरे भरसा कराला कि निहीं, यीशु मसीह में तोहर बिसवास सोना से हों बगरा किमती अहे। जइसन कि सोना के आइग से परखल आउर शुद्ध करल जायला, तइसनेहें अगर तोहरे केर बिसवास कठिन परीक्षामन केर बेरा मजबूत बनल रही, तब एइसन बिसवास से उ दिन जब यीशु मसीह दोबारा घूइर आवी, तो तोहर बगरा स्तुति आउर महिमा आउर आदर होवी।

2 पतरस 2:21

मोर कहेक केर मतलब इ हेके कि जेमन मसीह के जाइन के छोइड़ देवैना उमन के जेमन मसीह के कहियो हें नी अपनाय हैं उमन से बगरा दंड मिली। उमन लगिन एहे बेस होतक कि उमन कहियो इ नी जानतैं कि अपन जिंदगी के धरमी तरीका से चलाएक केर का मतलब होवेला। अब उमन जानैना कि ठीक का हेके, मगर उमन परमेश्‍वर केर उ आगयामन के मानेक छोइड़ देलैं, जेके हमरे उमन के देई रही।

2 पतरस 3:14

इ लगिन, हे दुलार बिसवासी भाई-बहिनमन, जबकि तोहरेमन इ गोइठमन केर होवेक केर आसरा देखाथा, तो एइसन जिंदगी जियेक लगिन सोउब लेखे से कोशिश करा, जे परमेश्‍वर के खुश करेला। आउर तोहरे शुद्ध, निरदोष आउर एक दोसर केर संगे शांति से रहा।

2 पतरस 3:2

मोंय एइसन इ लगिन कराथों, काले कि मोंय चाहोना कि तोहरे उ बचनमन के याइद रखा, जे परमेश्‍वर केर संदेश के बताएक वालामन ढेइर पहिले कइह रहैं, आउर हमर छुटकारा देवाइया आउर हमर प्रभु यीशु मसीह केर आगयामन के याइद रखा, जेके तोहरे के चुनल खास चेलामन सिखाय रहैं।

1 यूहन्ना 3:2

हे दुलार भाई बहिनमन, अब हमरेमन परमेश्‍वर केर संतान हेकी आउर आवेक वाला दिनमन में हमरेमन कइसन होवब इ एखन तक दिस्तार नी होई हे। बस हमरेमन एतना हें जानिला कि जब मसीह देखाई देवी तो हमरेमन हों उकर नियर बाइन जाब, काले कि हमरेमन उके तइसनेहें देखब जइसन उ हकीकत में अहे।

यहूदा 1:24

सिरिफ परमेश्‍वर हें तोहरे के ठोकर खाएक से बचाएक पारेला आउर अपन महिमा केर भरपूरी केर सामने खुश आउर निरदोष काइर के ठडु़वाएक पारेला।

प्रकाशितवाक्य 1:7

देखा, उ बदरीमन केर संगे आवेक वाला अहे, आउर हर एक आदमीमन उके देखबैं, बल्कि जेमन उके बरछा से बेइध रहैं, उमन हों उके देखबैं, आउर धरती केर सोउब आदमीमन बिलाप करबैं। हाँ, इ होवी। आमीन।