1 तीमुथियुस 6:13 - सादरी नवाँ नियम

¹³ मोंय परमेश्‍वर के गवाह बनाय के, जे सोउब के जिंदगी देवेला आउर साथ में मसीह यीशु के हों गवाह बनाय के जे मजबूती से सच कहलक जब उके पुन्तियुस पिलातुस केर सामने मुकद्दमा लगिन लानल गेलक, तोके इ आगया देवोना

1 तीमुथियुस 6:13 Iomraidhean Croise

मत्ती 27:11

जब यीशु राजपाल केर आगे ठड़ाय रहे तो राजपाल उकर से पूछलक, “का तोंय यहूदीमन केर राजा हेकिस?” यीशु उके जबाब देलक, “तोंय खुद हें कहाथिस।”

मत्ती 27:2

आउर उमन यीशु के बाँधलैं आउर उके पिलातुस ठिना लेई गेलैं, जे यहूदिया परदेस केर रोमी सरकार में राजपाल रहे।

यूहन्ना 14:6

यीशु उकर से कहलक, “डहर आउर सच्चाई आउर जिंदगी मोंय हें हेकों, बिना मोर से होई के केऊ आबा परमेश्‍वर ठिना पोंहचेक नी पारी।

यूहन्ना 19:11

यीशु उके जबाब देलक, “अगर तोके परमेश्‍वर बटे से अधिकार नी देवल जातक, तो मोर उपरे तोर कोनों अधिकार नी होतक। इ लगिन जे मोके तोर हाँथ में जिम्मा देई हे उकर पाप बगरा अहे।”

यूहन्ना 5:21

काले कि जइसन आबा परमेश्‍वर मोरलमन के फिन से जिंदगी देवेला, तइसनेहें मोंय बेटा हों जेमन के चाहोना उमन के जिंदगी देवोना।

यूहन्ना 5:26

काले कि जे लेखे आबा परमेश्‍वर खुद में जिंदगी रखेला, ओहे लेखे उ मोके हों खुद में जिंदगी रखेक केर अधिकार देई हे,

खास चेलामन केर काम 17:25

उके कोनों चीज केर जरुरत नखे आउर ना केऊ आदमी केर सेवा केर जरुरत अहे, काले कि ओहे सोउब के जिंदगी, साँस आउर जरुरत केर सोउब चीजमन के देवेक वाला हेके।

2 कुरिनथियनमन 9:13

काले कि दोसरमन के मदइत करेक लगिन खुला दिल से देवल दान, इ सबूत देवेला कि तोहरे अपन करार के पूरा काइर हा, आउर ढेइर आदमीमन परमेश्‍वर केर महिमा करैना, काले कि तोहरेमन मसीह केर शुभ समाचार सच्चा हेके, इके माइन लेई हा, आउर इकर पालन कराथा आउर सोउब बिसवासीमन केर मदइत करेक लगिन दान देवाला, खास काइर के गरीबमन के।

गलातियनमन 3:26

जब तोहरे यीशु मसीह केर नाँव से बपतिस्मा जल संस्कार लेला, तो तोहरे मसीह केर नवाँ जिंदगी के पिंध लेला, जइसन एगो आदमी नवाँ लुगा के पिंध लेवेला, से लगिन जब तोहरे सोउब यीशु मसीह उपरे बिसवास करला तो परमेश्‍वर केर संतान बाइन गेला।

1 तीमुथियुस 1:12

मोंय अपन प्रभु यीशु मसीह के जे मोके शक्ति देई हे, धन्यबाद देवोना कि उ मोखे बिसवास लाएक समइझ के अपन सेवा करेक लगिन ठहरालक।

1 तीमुथियुस 1:15

इ गोइठ सच आउर सोउब रकम से मानेक केर लाएक अहे कि मसीह यीशु हमरे पापीमन के बचाएक लगिन दुनिया में आलक, जेमन में से सोउब से बगरा पापी मोंय हेकों।

1 तीमुथियुस 2:5

काले कि सिरिफ एके गो परमेश्‍वर अहे, आउर परमेश्‍वर आउर आदमीमन केर माझे हों एके गो आदमी अहे, मतलब यीशु मसीह, जे आदमीमन के परमेश्‍वर से मिलाएक पारेला।

1 तीमुथियुस 5:21

परमेश्‍वर आउर यीशु मसीह आउर चुनल स्वरगदूतमन के हाजिर जाइन के मोंय तोके आगया देवोना कि तोंय इ गोइठमन के बढ़ियाँ से मान, आउर कोनों काम के भेद भाव से ना कर।

1 तीमुथियुस 6:12

लड़ाई में एगो बेस पलटन नियर जे हार नी मानेला, तोके हों परमेश्‍वर केर उपरे भरसा करेक आउर उकर आगयामन के मानेक नी छोड़ेक चाही, तोंय उ जुग-जुग केर जिंदगी के मजबूती से धाइर ले जेकर लगिन तोंय बोलाल जाय हिस, आउर तोंय ढेइर गवाहमन केर सामने मजबूती से कइह रहिस कि मसीह केर उपरे भरसा करिसला।

प्रकाशितवाक्य 1:5

आउर यीशु मसीह केर बटले, जे बिसवास लायक गवाह आउर मोरलमन में से फिन से जी उठेक वालामन में पहिलौठा, आउर धरती केर राजामन केर हों राजा हेके, तोहरे के किरपा आउर शांति मिलते रहोक। उ हमरे से प्रेम करेला, आउर उ अपन लोहू से हमरे के पापमन से छोड़ाय हे।

प्रकाशितवाक्य 21:6

फिन उ मोर से कहलक, “इ गोइठमन पूरा होई जाय हे। मोंय अलफा आउर ओमिगा, शुरु आउर आखरी हेकों। मोंय पियासा के जीवन केर पानी केर सोता में से मुफत में पियामूँ।

प्रकाशितवाक्य 22:1

तब स्वरगदूत मोके एगो नदी देखालक, जे जीवन केर पानी केर नदी रहे। उ नदी बिल्लौर मतलब साफ काँच केर नियर चमकत रहे। इ नदी परमेश्‍वर आउर मेमना केर सिंहासन से बहत रहे।

प्रकाशितवाक्य 3:14

लौदीकिया शहर केर कलीसिया केर स्वरगदूत के इ संदेश लीख: मोंय ओहे हेकों जे आमीन आउर बिसवास लायक आउर सच्चा गवाह हेके। आउर परमेश्‍वर जे कोनों बनाय हे उकर निचोड़ हेके। मोंय तोके जे कहाथों उके सुन: