1 तीमुथियुस 6:12 - सादरी नवाँ नियम

¹² लड़ाई में एगो बेस पलटन नियर जे हार नी मानेला, तोके हों परमेश्‍वर केर उपरे भरसा करेक आउर उकर आगयामन के मानेक नी छोड़ेक चाही, तोंय उ जुग-जुग केर जिंदगी के मजबूती से धाइर ले जेकर लगिन तोंय बोलाल जाय हिस, आउर तोंय ढेइर गवाहमन केर सामने मजबूती से कइह रहिस कि मसीह केर उपरे भरसा करिसला।

1 तीमुथियुस 6:12 Iomraidhean Croise

2 कुरिनथियनमन 6:7

सच्चा प्रेम करेक से, सच गोइठ गोठियाएक से, परमेश्‍वर केर शक्ति से दुःख उठाइला, आउर धारमिकता से, जे हमरे ठिना हँथियार केर रूप में हमला करेक लगिन आउर खुद के बचाएक लगिन अहे,

2 कुरिनथियनमन 9:13

काले कि दोसरमन के मदइत करेक लगिन खुला दिल से देवल दान, इ सबूत देवेला कि तोहरे अपन करार के पूरा काइर हा, आउर ढेइर आदमीमन परमेश्‍वर केर महिमा करैना, काले कि तोहरेमन मसीह केर शुभ समाचार सच्चा हेके, इके माइन लेई हा, आउर इकर पालन कराथा आउर सोउब बिसवासीमन केर मदइत करेक लगिन दान देवाला, खास काइर के गरीबमन के।

फिलिप्पियनमन 1:30

तोहरेमन के हों ओइसनेहें दुःख उठाएक अहे जइसन तोहरेमन मोके दुःख उठाते देइख रहा, जब मोंय तोहर संगे फिलिप्पी शहर में रहों, आउर एखन हों जे दुःख मोके जेहेल में होवाथे उके सुनाथा।

कुलुसियनमन 3:15

आउर मसीह जे शांति देवेला उके तोहर दिल में राइज करेक देवा काले कि तोहरे सोउब एक हें काया केर अंग हेका, से लगिन तोहरे के एक दोसर केर संगे शांति से रहेक लगिन बोलाल जाय हे, आउर तोहरे धन्यबादी बनल रहा।

1थिस्सलुनीकियनमन 2:12

कि तोहर चाइल-चलन परमेश्‍वर केर इच्छा केर मोताबिक होवोक, जे तोहरेमन के अपन राइज आउर महिमा में बोलायला।

2 थिस्सलुनीकियनमन 2:14

जेकर लगिन परमेश्‍वर हमर बताल शुभ समाचार केर द्वारा तोहरे के बचाएक लगिन बोलालक, ताकि तोहरेमन हमर प्रभु यीशु मसीह केर महिमा में भागीदार होवेक पारबा।

1 तीमुथियुस 1:18

हे बेटा तीमुथियुस, मोंय तोके उ गोइठमन के याइद करेक ले कहाथों, जे पहिले भविष्यवाणीमन में तोर बारे में कहल जाय रहे, मोंय तोके इ आगया सोपाथों कि तोंय उमन केर मोताबिक झूठा सिखाएक वालामन केर बिरोध में लड़ाई के लड़ते रह।

1 तीमुथियुस 1:19

आउर तोके मसीह उपरे बिसवास में बनल रहेक चाही आउर तोर में एगो शुद्ध बिवेक होवेक चाही। थोरेक आदमीमन उ शुद्ध बिवेक के छोइड़ देलैं जेकर नतीजा इ होलक कि अब उमन बिसवास में नखैं।

1 तीमुथियुस 4:14

उ गोइठ के याइद रख, जब कलीसिया केर अगुवामन तोर उपरे अपन हाँथ राइख रहैं, आउर परमेश्‍वर अपन बरदान के उमन से भविष्यवाणी करवाय के तोके देई रहे।

1 तीमुथियुस 6:13

मोंय परमेश्‍वर के गवाह बनाय के, जे सोउब के जिंदगी देवेला आउर साथ में मसीह यीशु के हों गवाह बनाय के जे मजबूती से सच कहलक जब उके पुन्तियुस पिलातुस केर सामने मुकद्दमा लगिन लानल गेलक, तोके इ आगया देवोना

1 तीमुथियुस 6:19

एइसन काइर के उमन अपन बेस काममन के अपन लगिन एगो खजाना नियर जोड़बैं, जे आवेक वाला दिन में स्वरग में उमन लगिन एगो मजबूत नेव नियर होवी, आउर उमन सच्चा जिंदगी के पाबैं, जे सोउब दिन लगिन होवी।

2 तीमुथियुस 1:9

जे हमरे के बचालक आउर पवितर जिंदगी जियेक लगिन बोलालक, उ हमरे के हमर बेस काममन केर चलते निहीं। मगर अपन योजना केर मोताबिक यीशु मसीह के हमर लगिन दुनिया में मोरेक ले भेजेक केर चलते हमर उपरे किरपा करलक।

2 तीमुथियुस 2:2

आउर जे गोइठमन के ढेइर आदमीमन केर सामने यीशु मसीह केर बारे में संदेश के सिखाएक बेरा तोंय मोर से सुइन हिस, उमन के बिसवासी आदमीमन के सोंइप दे, जेमन दोसरमन के हों सिखाएक केर लाएक होबैं।

2 तीमुथियुस 4:7

मोंय यीशु मसीह केर सेवा करेक में कड़ा मेहनइत काइर हों, जेके करेक लगिन यीशु मसीह मोके देई रहे, मोंय आखरी समय तक बिसवास में बनल अहों।

इब्रानीमन 13:23

तोहरेमन इ जाइन लेवा कि तीमुथियुस हमर बिसवासी भाई जेहेल से छूइट जाय हे, आउर अगर उ जल्दी आय जाई तो मोंय उके संगे लेई के तोहर से भेंट करमूँ।

इब्रानीमन 3:14

काले कि अगर हमरे आखरी तक मजबूती से अपन पहिले जइसन बिसवास में बनल रहब, तो हमरे मसीह केर संगे हिस्सेदार बाइन जाइला।

इब्रानीमन 6:18

तो फिन हिंयाँ दूई गो गोइठ अहे, उकर करार आउर किरिया जे कहियो नी बदली, जेकर बारे में परमेश्‍वर कहियो झूठ नी बोलेला। इ लगिन हमरे जे परमेश्‍वर ठिना अपन रक्षा करेक ले आय ही आउर जे आसरा उ हमरे के देई हे, उके ढेइर हें उत्साह केर साथ धाइर ही।

1 पतरस 3:9

बुराई केर बदला बुराई ना करा आउर ना गाली केर बदला गाली देवा, मगर इकर उल्टा उमन के आशीष हें देवा। परमेश्‍वर तोहरे के इ लगिन बोलाय हे कि तोहरे दोसरमन के आशीष देवा अगर तोहरेमन एइसन कराला तो परमेश्‍वर हों तोहरे के आशीष देवी।

1 पतरस 5:10

परमेश्‍वर जे पूरा रीति से किरपा से भरल अहे, उ हमरे के यीशु मसीह केर संगे एक जूट होवेक केर खातिर, स्वरग में उकर जुग-जुग केर महिमा में साझादार होवेक लगिन बोलाय हे। तोहर थोरेक देरी लगिन दुःख सहेक केर पाछे, परमेश्‍वर तोहरे के बेस बनाय देवी ताकि तोहर में कोनों दोष ना रहोक आउर उ तोहर दिल के मजबूत करी आउर उकर उपरे तोहर भरसा के सचमुच में स्थिर बनाय देवी।

1 यूहन्ना 2:25

आउर परमेश्‍वर हमरेमन से करार काइर हे कि उ हमरेमन के जुग-जुग केर जिंदगी देवी।

यहूदा 1:3

हे दुलार बिसवासी भाई-बहिनमन, हमरे जे छुटकारा में भागीदार अही, उकर बारे में मोंय ढेइर हें लालायित होई के लिखेक चाहत रहों, मगर अब मोके इ जरुरी लगाथे कि इ चिट्ठी केर जरिया से तोहरे के समझामूँ कि तोहरे उ बिसवास केर हिफाजत लगिन कोशिश करा, जेके परमेश्‍वर पवितर आदमीमन के सोउब दिन लगिन देई हे।

प्रकाशितवाक्य 3:3

से लगिन याइद कर कि तोंय कइसन गेयान पाले आउर सुइन रहिस, आउर उकर में बनल रह, आउर पाप करेक छोइड़ दे। आउर अगर तोंय सावधान नी रहबे तो मोंय चोर नियर आय जामूँ आउर तोंय नी जानेक पारबे कि कोन घड़ी तोर ठिना आय जामूँ।