1 तीमुथियुस 6:11 - सादरी नवाँ नियम

¹¹ मगर हे तीमुथियुस, तोंय परमेश्‍वर केर सेवा करेक वाला आदमी हेकिस, तोंय इ सोउब चीजमन के करेक से बचबे आउर धरमी बाइन के, भक्ति, बिसवास, प्रेम, धीरज आउर नरम भाव से आदमीमन केर संगे रह।

1 तीमुथियुस 6:11 Iomraidhean Croise

रोमानियनमन 14:19

इ लगिन हमरे के उ गोइठमन में मन लगाएक अहे, जेकर से मेल-मिलाप आउर एक दोसर केर सुधार होवी।

1 कुरिनथियनमन 10:14

इकर चलते हे मोर दुलार बिसवासी भाई बहिनमन, मूर्ति पूजा करेक से बाइच के रहबा।

1 कुरिनथियनमन 14:1

एक दोसर के प्रेम करेक ले खूब कोशिश करा, आउर आत्मा केर बरदानमन के पावेक केर लालसा करा, खास काइर के परमेश्‍वर केर संदेश के बताएक केर कोशिश करा।

1 कुरिनथियनमन 6:18

ब्यभिचार से बिलकुल अलग रहा। जेतना आउर पाप आदमी करेला, उ काया केर बाहरे अहे, मगर ब्यभिचार करेक वाला अपनेहें काया केर बिरोध में पाप करेला।

1 तीमुथियुस 1:14

मगर हमर प्रभु केर किरपा, बिसवास आउर प्रेम केर संगे भरपूरी से मोर उपरे होलक, काले कि मोंय मसीह यीशु केर संगे एकजूट अहों।

1 तीमुथियुस 4:12

केखो तोर जवानी केर जिंदगी के घिरना करेक केर मोका ना मिलोक, मगर तोंय अपन बोली में, ब्यवहार में, दोसरमन से प्रेम करेक में, यीशु मसीह उपरे बिसवास करेक में, आउर पवितर जिंदगी जियेक में बिसवासीमन लगिन नमूना बाइन जा।

1 तीमुथियुस 5:10

आउर उकर नाँव भला काम करेक वाला केर रूप में जानल जायला, जे छउवा पुतामन केर ठीक से पालन-पोषण काइर हे, गोतियामन केर सेवा काइर हे, आउर परेशानी में पड़ल आदमी मनक मदइत काइर हे, आउर सोउब रकम केर भला काम के करेक में मन लगाएक वाला हेके।

1 तीमुथियुस 6:20

हे तीमुथियुस, पक्का काइर ले कि तोंय ओहे करिसला जेके परमेश्‍वर तोके जिम्मा देई हे, तोंय एइसन गोइठमन आउर शिक्षामन से दूर रह जे परमेश्‍वर केर सच्चा शिक्षा केर बिरोध करेला, जेके उमन गलत तरीका से गेयान कहैना।

2 तीमुथियुस 2:21

से लगिन अगर केऊ खुद के उ सोउब से जे मइला अहे सफा करी, तो उ आदर केर बासन नियर पवितर गिनाई, जेके खास मोका में इस्तेमाल करल जायला। आउर उ अपन मालिक केर काम में आवेक लायक बाइन जाई, आउर हरेक बेस काम के करेक लगिन तेयार होवी।

2 तीमुथियुस 2:22

जवानी केर बुरा लालसामन से बाइच के रह, आउर जेमन शुद्ध मन से प्रभु केर आराधना करैना, उमन संगे धरम, आउर बिसवास, आउर प्रेम, आउर मेल-मिलाप केर पिछा कर।

2 तीमुथियुस 3:10

मगर हे तीमुथियुस, तोंय मोर उपदेस, चाइल चलन, आउर मोर योजना, मोंय कइसन बिसवास करोना, मोंय मुसीबतमन के कइसन सहलों, आदमीमन के कइसन प्रेम काइर हों, आउर दुःखमन में कइसन धीरज धाइर हों, इ सोउब गोइठमन के तोंय जानिसला।

2 तीमुथियुस 3:17

ताकि इके पालन काइर के परमेश्‍वर केर आदमी हर रकम से बेस काम करेक लगिन तेयार रहोक।

इब्रानीमन 12:14

सोउब से मेल-जोल रखा आउर पवितर जिंदगी जियेक केर कोशिश करा, काले कि बेगर पवितर जिंदगी जिले केऊ परमेश्‍वर के देखेक नी पारबैं।

1 पतरस 3:11

उके पक्का हें उ करेक बंद काइर देवेक चाही जे बुरा अहे, इकर बदला उके ओहे करेक चाही जे ठीक अहे। दोसरमन केर संगे शांति से रहेक केर कोशिश करा।