1 तीमुथियुस 5:8 - सादरी नवाँ नियम

⁸ अगर केऊ अपन रिश्तेदारमन केर मदइत नी करी आउर खास काइर के अपन परिवार केर जरुरत के पूरा नी करी, तो उ बिसवास से भटइक जाय हे, आउर अबिसवासी से हों बुरा बाइन जाय हे।

1 तीमुथियुस 5:8 Iomraidhean Croise

मत्ती 18:17

अगर उ ओहो मनक गोइठ के नी मानी, तो कलीसिया के बताय दे, अगर उ कलीसिया केर गोइठ के हों नी मानी, तो तोंय उकर संगे ओहे लेखे ब्यवहार कर जइसन अबिसवासी आउर मालगुजारी लेवेक वालामन संगे करिसला।

मत्ती 7:11

जब तोहरेमन खुद बुरा होई के, अपन छउवामन के बेस चीजमन के देवेक जानाला, तो तोहर स्वरगीय आबा अपन माँगेक वालामन के बेस चीजमन के काले नी देवी?

यूहन्ना 15:22

अगर मोंय नी आतों आउर उमन के बचन के नी बतातों, तो उमन पापी नी गिनातैं मगर अब उमन ठिना अपन पाप केर लगिन कोनों बहना नखे।

1 कुरिनथियनमन 6:6

मगर तोहर में से एगो भाई फैसला लगिन दोसर भाई उपरे कछैरी में केस करेला, ओहो अबिसवासीमन केर सामने।

2 कुरिनथियनमन 12:14

देखा, मोंय तीसरा बेर तोहर ठिना आवेक ले तेयार अहों, आउर मोंय तोहरे से कोनों नी माँगमूँ। काले कि मोंय तोहर सम्पति के निहीं बल्कि तोहरेहेमन के चाहोना, काले कि छउवा-पुतामन के आयो-आबामन लगिन धन ठुराएक नी चाही, मगर आयो-आबामन के छउवा-पुता लगिन।

2 कुरिनथियनमन 6:15

आउर मसीह केर शैतान संगे कोनों लगाव नखे, या जे आदमीमन मसीह उपरे बिसवास करैना, उमन अबिसवासीमन से बिलकुल अलग अहैं।

गलातियनमन 6:10

इ लगिन जहाँ तक हमरे के मोका मिलेला, हमरे के सोउब आदमीमन केर भलाई करेक अहे, खास काइर के बिसवासी भाईमन केर।

2 तीमुथियुस 2:12

अगर हमरे धीरज से उकर लगिन दुःख सहते रहब, तो उकर संगे राजा नियर राइज हों करब, मगर हमरे उके जानेक से इंकार काइर देवब, तो उ हों हमरे के कइह देवी कि मोंय तोहरे के नी जानोना।

2 तीमुथियुस 3:5

उमन खुद एइसन देखाबैं जइसन कि परमेश्‍वर केर सेवा करैना, मगर उकर शक्ति के नी मानबैं, जे उमन केर जिंदगी के बदलेक पारेला, तोंय एइसन आदमीमन से दूर रहबे।

तीतुस 1:16

झूठा सिखाएक वलामन कहैना, हमरे परमेश्‍वर के जानिला, मगर उ मनक काम सफा-सफा बतायला कि उमन परमेश्‍वर के नी जानैना। काले कि उमन घिनघिना आउर आगया नी मानेक वाला हेकैं, आउर कोनों बेस काम केर लाएक नखैं।

2 पतरस 2:1

जे लेखे ढेइर समय पहिले इसराइलीमन केर माझे परमेश्‍वर केर संदेश के बताएक वाला झूठा आदमीमन रहैं, ओहे लेखे तोहर माझे हों झूठा उपदेस देवेक वालामन होबैं, उमन झूठा गेयानमन के चुप हें से फैलाय देबैं, जे आदमीमन के मसीह में बिसवास करेक से रोइक देवी। उ झूठा गेयान के पढ़ाएक वालामन मसीह के अपन मालिक मानेक से हों मना काइर देबैं। जे उमन केर मालिक हेके आउर उमन के पाप केर शक्ति से छुटकारा देई हे। इ लेखे उमन खुद के नाश काइर देबैं।

यहूदा 1:4

काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्‍वर के नी मानैना आउर गलत शिक्षा देवैना कि परमेश्‍वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्‍वर एइसन आदमीमन के सजा देवी।

प्रकाशितवाक्य 2:13

मोंय इ तो जानोना कि तोंय हूवाँ रहिसला जहाँ शैतान केर सिंहासन अहे, आउर तोंय मोर नाँव में स्थिर रहिसला। तोंय मोर उपरे बिसवास करेक से उ दिनमन में हों पिछे नी हटले, जेकर में मोर बिसवास लायक गवाह अन्तिपास, तोहर माझे उ ठाँव में मोराल गेलक जहाँ शैतान रहेला।

प्रकाशितवाक्य 3:8

मोंय तोर काममन के जानोना, देख, मोंय तोर सामने एगो दुरा खोइल के राइख हों, जेके केऊ बंद करेक नी पारी, तोर शक्ति थोरेसन तो अहे, फिन भी तोंय मोर बचन केर पालन काइर हिस आउर मोर नाँव केर इंकार नी करले।