1 तीमुथियुस 5:7 - सादरी नवाँ नियम

⁷ बिसवासीमन के इ गोइठमन केर हों आगया देते रह, ताकि केऊ उमन उपरे कोनों दोष ना लगाओक।

1 तीमुथियुस 5:7 Iomraidhean Croise

फिलिप्पियनमन 2:15

होले तोहरेमन टेढ़ा आउर बिगड़ल आदमीमन से भरल दुनिया में परमेश्‍वर केर सिद्ध संतानमन नियर साफ सुथरा आउर निरदोष जिंदगी बिताबा। जेमन केर माझे तोहरे जुग-जुग केर जिंदगी केर बचन के लेई के दुनिया में दीया नियर बरते दिसाला।

1 तीमुथियुस 1:3

हे तीमुथियुस जइसन कि तोंय जानिसला कि इफिसुस शहर में थोरेक एइसन आदमीमन अहैं, जेमन गलत शिक्षा देवैना। उमन लगातार झूठा कहानीमन आउर पुरखामन केर लम्बा बंशावली के सिखायना, जब मोंय इफिसुस शहर से मकिदुनिया परदेस में जाएक लगिन तेयार रहों, तो मोंय तोके इफिसुस शहर में हें रहेक लगिन कहलों आउर उ आदमीमन के इ बताएक लगिन कहलों कि उमन एइसन शिक्षा ना देवोक। जब उमन एइसन गोइठ के सिखायना तो आदमीमन उमन केर बारे में बक-झक करैना। इकर नतीजा इ हेके कि उ सिखाएक वालामन उ काम के नी कराथैं, जेके परमेश्‍वर उमन के करेक ले देई रहे, उ काम के उमन सिरिफ परमेश्‍वर उपरे भरसा काइर के हें करेक पारैना।

1 तीमुथियुस 4:11

बिसवासीमन के इ गोइठमन के सिखाव, ताकि उमन इकर पालन करोक।

1 तीमुथियुस 6:17

इ दुनिया केर धनी आदमीमन के आगया दे कि उमन घमंडी ना बनोक आउर जल्दी सिराएक वाला धन उपरे आसरा ना राइख के परमेश्‍वर उपरे आसरा रखोक, जे हमर सोउब जरुरत केर चीजमन के भरपूर देवेला।

2 तीमुथियुस 4:1

जब यीशु मसीह एगो राजा नियर राइज करेक लगिन आवी, तब उ जेमन जिंदा अहैं आउर जेमन मोइर जाय हैं, सोउब आदमीमन केर न्याय करी। से लगिन मोंय आबा परमेश्‍वर आउर मसीह यीशु के गवाह माइन के तोर से बिनती करोना

तीतुस 1:13

उ मनक बारे इ गोइठ सच हेके, इ लगिन उमन के कड़ाई से चितौनी देते रह, ताकि उमन यीशु मसीह केर बारे में सच्चा शिक्षामन उपरे बिसवास करबैं।

तीतुस 2:15

से लगिन हे तीतुस, मोंय चाहोना कि तोंय क्रेते टापू केर बिसवासीमन के इ गोइठमन के सिखाव, जेमन के मोंय तोके सिखाय हों आउर उके करेक लगिन उसकाव। जहाँ जरुरत होवी हूवाँ उमन के सुधराव, तोके एइसन करेक केर पूरा अधिकार अहे। जे कोनों तोंय सिखाइसला उके केऊ अनदेखा ना करोक।