1 तीमुथियुस 5:5 - सादरी नवाँ नियम

⁵ जे बिधवामन केर सचमुच में केऊ देख रेख करेक वाला नखैं उमन परमेश्‍वर हें उपरे आसरा रखैना, आउर राइत-दिन प्रार्थना बिनती काइर के, परमेश्‍वर से हें अपन ले मदइत माँगैना।

1 तीमुथियुस 5:5 Iomraidhean Croise

लूका 18:1

यीशु अपन चेलामन के इ बताएक लगिन कि उमन के सोउब बेरा प्रार्थना करेक चाही आउर अपन धीरज के नी छोड़ेक चाही, इ उदाहरन बतालक।

लूका 18:7

परमेश्‍वर हों अपन चुनल आदमीमन लगिन जेमन दिन-राइत उके गोहराते रहैना, उ मनक मदइत करेक में देरी नी करी।

लूका 2:37

आउर उ चौरासी साल केर बिधवा रहे। उ बगरा समय मंदिर में हें बितात रहे, आउर उपास आउर प्रार्थना काइर के दिन-राइत परमेश्‍वर केर भक्ति करत रहे।

खास चेलामन केर काम 26:7

इ ओहे करार हेके, जेकर पूरा होवेक केर आसरा में हमर बारहों गोतर केर आदमीमन दिन राइत पूरा सच्चाई केर साथ परमेश्‍वर केर भक्ति करते आवाथैं। हे राजा, एहे आसरा केर चलते यहूदी अगुवामन मोर उपरे दोष लगाथैं।”

खास चेलामन केर काम 6:1

उ दिनमन में जब चेलामन गिनती में बढ़ेक लगलैं, तब यूनानी भाषा गोठियाएक वाला यहूदी बिसवासीमन इब्रानी भाषा गोठियाएक वाला यहूदी बिसवासीमन केर बिरोध में इ शिकाइत करलैं कि रोज-दिन केर खाएक बाँटेक में उ मनक बिधवा जनानामन केर धेयान नी देवल जाथे।

खास चेलामन केर काम 9:39

पतरस उइठ के उमन संगे चाइल गेलक। आउर जब पोंहइच गेलक, तो उमन उके उपरे केर कोठरी में लेई गेलैं, आउर हूवाँ सोउब बिधवामन उकर चाइरो बटे ठड़ाय के काँदत रहैं। उमन पतरस के झुला आउर लुगा देखाएक लगलैं, जेके दोरकास उमन संगे रइह के, उमन केर लगिन बनाय रहे।

खास चेलामन केर काम 9:41

पतरस हाँथ बढ़ाय के उके उठालक आउर बिसवासी आउर बिधवा आदमीमन के देखालक कि तबिता जिंदा आउर भला चंगा अहे।

रोमानियनमन 1:12

मोर कहेक केर मतलब इ हेके कि जब मोंय तोहरे ठिना आमूँ, तब तोहरे मोर बिसवास के देइख के मजबूत होई जबा आउर मोंय तोहरे केर बिसवास के देइख के मजबूत होई जामूँ।

रोमानियनमन 1:5

उकरे लेई के मोके किरपा, आउर यीशु केर चुनल खास चेला बाइन के उकर सेवा करेक केर मोका परमेश्‍वर बटले देवल जाय हे, ताकि उकर नाँव केर चलते सोउब जाइतमन यीशु मसीह उपरे बिसवास काइर के उकर आगया मानोक।

1 कुरिनथियनमन 7:32

मोंय इ चाहोना कि तोहरेमन इ जिंदगी केर इच्छामन केर बारे में चिंता ना करबा। जे आदमी सादी नी काइर हे उ प्रभु केर सेवा कइसन करेक अहे उकर चिंता करेला।

1 कुरिनथियनमन 7:34

सादी करल आदमी केर मन में दूई गो बिचार रहेला, अपन जनाना के खुश करेक केर बिचार आउर प्रभु के हों खुश करेक केर बिचार। जे सादी नी काइर हे उ आदमी सिरिफ प्रभु केर सेवा करेक केर चिंता करेला। ओहे नियर बेगर सादी करल जनाना हों प्रभु केर सेवा करेक केर चिंता करेला कि काया आउर आत्मा दुयो में पवितर रहोक, मगर सादी करल जनाना दुनिया केर चिंता करेला कि अपन पति के कइसन खुश रखी।

इफिसियनमन 6:18

आउर जइसन पवितर आत्मा तोहरे के अगुवाई करेला, सोउब बेरा प्रार्थना आउर बिनती करते रहा, आउर सोउब पवितर आदमीमन लगिन लगातार बिनती करेक ले जागते रहा।

फिलिप्पियनमन 4:6

कोनोवें गोइठ केर चिंता ना करा, मगर हरेक दशा में तोहर अरजी, प्रार्थना आउर बिनती केर द्वारा धन्यबाद केर संगे परमेश्‍वर केर सामने हाजिर करल जाओक।

1 तीमुथियुस 2:1

अब मोंय सोउब से बाइढ़ के इ अरजी करोना कि बिनती, आउर प्रार्थना, आउर अरजी, आउर धन्यबाद, सोउब आदमीमन केर लगिन करल जाओक।

1 तीमुथियुस 5:16

अगर केऊ बिसवासी बहिन केर परिवार में बिधवामन अहैं तो उमन केर देख रेख करेक केर जिम्मा कलीसिया केर बिसवासीमन के नी सोंपेक चाही। तब कलीसिया केर बिसवासीमन उ बिधवामन केर मदइत करबैं, जेमन केर मदइत कराइया केऊ नखैं।

1 तीमुथियुस 5:3

उ बिधवामन केर आदर कर जेमन ठिना उमन केर अपन जरुरतमन के पूरा करेक लगिन, आउर उमन केर देख रेख करेक लगिन केऊ नखैं।

2 तीमुथियुस 1:3

मोंय परमेश्‍वर के धन्यबाद देवोना, जेकर मोंय आउर मोर पुरखामन शुद्ध बिवेक से सेवा काइर ही। जखनोहों मोंय प्रार्थना करोना तो मोंय तोर नाँव केर चरचा करेक हमेशा याइद रखोना।

1 पतरस 3:5

पुरना समय केर जनानामन जे परमेश्‍वर उपरे बिसवास करत रहैं आउर उकर उपरे आसरा करत रहैं, उमन अपन-अपन पतिमन केर आगया माइन के खुद के सुंदर बनात रहैं।