1 तीमुथियुस 5:23 - सादरी नवाँ नियम

²³ अब से सिरिफ पानी भइर के पियेक वाला ना रह, मगर अपन पेट केर ठीक से हजम होवेक लगिन आउर घरी-घरी बेमार होवेक से बचेक लगिन, थोरे-थोरे अंगूर केर रस हों पी।

1 तीमुथियुस 5:23 Iomraidhean Croise

खास चेलामन केर काम 18:5

जब सीलास आउर तीमुथियुस मकिदुनिया परदेस से आलैं, तो पौलुस तंबू बनाएक केर काम छोइड़ के बचन सुनाएक में अपन पूरा समय देवेक लगलक आउर यहूदीमन के इ गवाही देते रहलक कि यीशु हें मसीह हेके।

इफिसियनमन 5:18

आउर दारू पी के मतवारी ना करा, इकर से आदमीमन निरलज ब्यवहार करैना, मगर पवितर आत्मा से भरते जावा।

1 तीमुथियुस 3:3

उ पियंक्कड़ आउर मार पीट करेक वाला आउर लड़ाई झगरा करेक वाला आउर धन केर लोभ करेक वाला नी होवेक चाही, मगर नरम स्वभाव वाला होवेक चाही।

1 तीमुथियुस 3:8

कलीसिया केर सेवकमन के हों एइसन आदमी होवेक चाही, जेकर आदमीमन आदर करैना, उके ईमानदार होवेक चाही, उके पियंक्कड़ आउर अपन फायदा केर लगिन कोनोवें काम करेक वाला नी होवेक चाही।

1 तीमुथियुस 4:4

काले कि परमेश्‍वर केर सिरजाल हरेक चीजमन बेस हेके, हमरे कोनोवें खाएक केर चीजमन के परमेश्‍वर के धन्यबाद देई के खाएक पारिला।

तीतुस 1:7

काले कि अगुवा के परमेश्‍वर केर काम सोंपल जाएक केर चलते निरदोष होवेक चाही, उके ना घमंडी, ना तुरते खिसाएक वाला, ना पियंक्कड़, ना मार पीट करेक वाला, आउर ना ही रुपया केर लालची होवेक चाही।

तीतुस 2:3

एहे लेखे बुढ़िया जनानामन के उ जनानामन नियर ब्यवहार करेक चाही जेमन परमेश्‍वर केर लगिन भक्ति केर जिंदगी जियैना। उमन दोसरमन केर निंदा करेक वाला आउर पियंक्कड़ ना होवोक, मगर उमन के दोसरमन के बेस जिंदगी जियेक केर तरीका सिखाएक चाही।