1 तीमुथियुस 5:21 - सादरी नवाँ नियम

²¹ परमेश्‍वर आउर यीशु मसीह आउर चुनल स्वरगदूतमन के हाजिर जाइन के मोंय तोके आगया देवोना कि तोंय इ गोइठमन के बढ़ियाँ से मान, आउर कोनों काम के भेद भाव से ना कर।

1 तीमुथियुस 5:21 Iomraidhean Croise

मत्ती 16:27

मोंय आदमी केर बेटा अपन स्वरगदूतमन केर संगे अपन आबा केर तेज चमक में आमूँ, आउर उ बेरा मोंय हरेक झन के उकर काममन केर मोताबिक इनाम देमूँ।

मत्ती 25:41

तब मोंय राजा लेंगा बटे केर आदमीमन से कहमूँ, ‘हे सरपाल आदमीमन, मोर सामने से दूर होई जावा आउर उ जुग-जुग बारेक वाला आइग में चाइल जावा, जेके शैतान आउर उकर दूतमन लगिन तेयार करल जाय हे।

मत्ती 28:20

आउर उमन के सोउब गोइठमन के जे मोंय तोहरेमन के आगया देई हों, मानेक लगिन सिखावा: आउर देखा, मोंय दुनिया केर अंत तक सोउब बेरा तोहरेमन केर संगे अहों।”

लूका 20:21

उमन यीशु से इ पूछलैं, “हे गुरु, हमरे जानिला कि तोंय सोउब बेरा सच गोइठ के बताइसला आउर सिखाइसला हों, तोंय सोउब केर संगे एक लेखे ब्यवहार करिसला आउर परमेश्‍वर केर डहर केर गोइठमन के सच्चाई से बताइसला।

लूका 9:26

जे केऊ मोर से आउर मोर जुग-जुग केर बचन केर मोताबिक चलेक से लजाई, तो मोंय आदमी केर बेटा हों, जब अपन, आउर आबा केर, आउर पवितर स्वरगदूतमन केर तेज चमक सहित आमूँ, तो उकर से लजामूँ।

2 कुरिनथियनमन 5:16

इ लगिन अब से हमरे केकरो फैसला काया केर मोताबिक नी करब, जबकि हमरे मसीह केर फैसला हों काया केर मोताबिक काइर रही, मगर अब एइसन नी करब।

1थिस्सलुनीकियनमन 5:27

मोंय तोहरेमन के प्रभु केर आगया देवोना कि इ चिट्ठी सोउब भाईमन के पइढ़ के सुनाल जाओक।

1 तीमुथियुस 6:13

मोंय परमेश्‍वर के गवाह बनाय के, जे सोउब के जिंदगी देवेला आउर साथ में मसीह यीशु के हों गवाह बनाय के जे मजबूती से सच कहलक जब उके पुन्तियुस पिलातुस केर सामने मुकद्दमा लगिन लानल गेलक, तोके इ आगया देवोना

2 तीमुथियुस 2:14

इ गोइठमन केर बारे में बिसवासीमन के घरी-घरी सिखाव, जेके मोंय तोके सिखाय हों। आउर परमेश्‍वर के एगो गवाह नियर माइन के उमन के चेताय दे कि उमन शबदमन केर अर्थमन उपरे बक-झक ना करोक। जेकर से कोनों फायदा नी होवेला, बल्कि सूनाइयामन बिगइड़ जायना।

2 तीमुथियुस 4:1

जब यीशु मसीह एगो राजा नियर राइज करेक लगिन आवी, तब उ जेमन जिंदा अहैं आउर जेमन मोइर जाय हैं, सोउब आदमीमन केर न्याय करी। से लगिन मोंय आबा परमेश्‍वर आउर मसीह यीशु के गवाह माइन के तोर से बिनती करोना

याकूब 3:17

मगर जे गेयान परमेश्‍वर बटले आवेला उ पहिले तो पवितर होवेला, फिन शांति के पतियाएक वाला, कोमल, सभ्य, दया से भरल, बेस फारमन से लादल आउर भेद-भाव आउर कपट नी करेक वाला होवेला।

2 पतरस 2:4

तोहरेमन जानाला कि ढेइर समय पहिले आबा परमेश्‍वर इ स्वरग दूतमन के हों दंड देवेक से नी छोड़लक जब उमन पाप करलैं। मगर उमन के हेंठे नरक में भेइज देलक, जहाँ उमन के अंधार में सिकड़मन में बाइंध के राइख देलक, जबकि उमन फैसला होवेक केर दिन केर इन्तजार कराथैं, जब उमन के दंड मिली, जेकर उमन लायक हेकैं।

यहूदा 1:6

मोंय तोहरे के एहो याइद कराएक चाहोना कि परमेश्‍वर उ स्वरग दूतमन के कइसन दंड देलक जेमन अपन जिम्मेदारीमन के नी निभालैं आउर अपन पद के छोइड़ देलैं। परमेश्‍वर इ स्वरग दूतमन के अंधार ठाँव में सिकड़ से बाइंध के राइख हे, ताकि फैसला केर दिन उ मनक फैसला होवेक पारोक।

प्रकाशितवाक्य 14:10

तो उके परमेश्‍वर केर परकोप केर मदिरा जे बेगर मिलावट केर उकर खीस केर कटोरा में उझलल जाय हे, पियी आउर उके पवितर स्वरगदूतमन केर भीरे आउर मेमना केर सामने आइग आउर गंधक केर बाथा देवल जाई।