1 तीमुथियुस 5:2 - सादरी नवाँ नियम

² बुढ़िया जनानामन के अपन आयो समइझ के, आउर जवान जनानामन के जेमन तोर से छोट अहैं शुद्ध मन से बहिन समइझ के सलहा दे।

1 तीमुथियुस 5:2 Iomraidhean Croise

मत्ती 12:50

काले कि जे केऊ मोर स्वरगीय आबा केर इच्छा केर मोताबिक चलेला, ओहे मोर भाई, बहिन आउर आयो हेके।”

फिलिप्पियनमन 4:8

से लगिन हे संगी बिसवासी भाईमन, जे गोइठमन सच हेके, आउर जे गोइठमन आदर केर लायक हेके, आउर जे गोइठमन उचित हेके, आउर जे गोइठमन पवितर हेके, आउर जे गोइठमन दोसरमन के सुहायला, आउर जे गोइठमन मन के शोभेला, जे गोइठमन बढ़ियाँ हेके आउर जेके दोसरमन बेस पतियायना ओहे गोइठमन में तोहरे धेयान लगावा।

1थिस्सलुनीकियनमन 5:22

सोउब रकम केर बुराई से बचल रहा।

1 तीमुथियुस 4:12

केखो तोर जवानी केर जिंदगी के घिरना करेक केर मोका ना मिलोक, मगर तोंय अपन बोली में, ब्यवहार में, दोसरमन से प्रेम करेक में, यीशु मसीह उपरे बिसवास करेक में, आउर पवितर जिंदगी जियेक में बिसवासीमन लगिन नमूना बाइन जा।

1 तीमुथियुस 5:1

केऊ बूढ़ा आदमी के बेइज्जत करेक नियर ना गरियाव, मगर उके अपन आबा नियर समइझ के सलहा दे, आउर जेमन तोर से छोट अहैं उमन के भाई समइझ के सलहा दे।

1 तीमुथियुस 5:3

उ बिधवामन केर आदर कर जेमन ठिना उमन केर अपन जरुरतमन के पूरा करेक लगिन, आउर उमन केर देख रेख करेक लगिन केऊ नखैं।

2 तीमुथियुस 2:22

जवानी केर बुरा लालसामन से बाइच के रह, आउर जेमन शुद्ध मन से प्रभु केर आराधना करैना, उमन संगे धरम, आउर बिसवास, आउर प्रेम, आउर मेल-मिलाप केर पिछा कर।