1 तीमुथियुस 5:17 - सादरी नवाँ नियम

¹⁷ जे कलीसिया केर अगुवामन अपन काम के ठीक से करैना, उमन के उचित आदर आउर भरपूर तनखा पावेक केर लायक समझेक चाही, खास काइर के उमन के जेमन परमेश्‍वर केर बचन के परचार करेक आउर सिखाएक में कठिन मेहनइत करैना।

1 तीमुथियुस 5:17 Iomraidhean Croise

मत्ती 24:25

देखा, मोंय आगे हें तोहरेमन के इ सोउब गोइठमन के बताय देई हों।

लूका 10:7

आउर ओहे घर में रहबा, घर-घर ना बुलबा। जे कुछ उमन तोहरेमन के खाएक लगिन देबैं, उखे खाबा-पीबा, काले कि कमिया के अपन मजूरी मिलेक चाही।

लूका 12:42

प्रभु जबाब देलक, “एक बिसवास लाएक आउर बुद्धिमान भंडारी उ हेके, जेके मालिक अपन घर केर धांगरमन के संभराएक, आउर उमन के समय से खाएक देवेक केर जिम्मेदारी देवेला।

यूहन्ना 4:38

मोंय तोहरेमन के उ खेत काटेक लगिन भेजलों, जेकर में तोहरेमन मेहनइत नी करला, दोसरमन मेहनइत करलैं आउर तोहरेमन के उ मनक मेहनइत केर मजूरी मिल गेलक।”

खास चेलामन केर काम 11:30

आउर उमन एइसनेहें करलैं आउर बरनाबास आउर शाऊल केर हाँथ में कलीसिया केर अगुवामन ठिना दान केर रकम के भेजलैं।

खास चेलामन केर काम 20:35

मोंय तोहरे के सोउब कुछ काइर के देखालों कि का लेखे मेहनइत काइर के कमजोर आदमीमन के संभराएक चाही। तोहरे के प्रभु यीशु केर गोइठमन के याइद रखेक जरुरी अहे, उ खुद कइह हे, ‘लेवेक से देवेक धाइन अहे।’ ”

खास चेलामन केर काम 28:10

से लगिन उमन सोउब रकम से हमर ढेइर माइन करलैं। जब हमरे हूवाँ से जाएक लगली, तो जे कुछ हमरे के जरुरी रहे, उ सोउब कुछ के उमन जहाज में राइख देलैं।

रोमानियनमन 12:8

आउर केखो बिसवास में बढ़ाएक केर बरदान मिल हे, तो उ दोसरमन के बिसवास में बढ़ाएक केर काम में लगल रहोक, केखो दान देवेक केर बरदान मिल हे, तो उ खुला मन से गरीबमन के दान देवोक, जेके अगुवाई करेक केर बरदान मिल हे, तो उ पूरा तन-मन से अगुवाई करोक, आउर केखो दया करेक केर बरदान मिल हे, तो उ खुशी से दया करोक।

रोमानियनमन 15:27

उमन इ काम खुशी से काइर हैं, उमन यरुशलेम शहर में रहेक वालामन केर कर्जदार हों हेकैं, काले कि यरुशलेम शहर केर बिसवासीमन, परजाइत आदमीमन के परमेश्‍वर केर बेस चीजमन के बाँइट हैं, से लगिन परजाइत आदमीमन के हों इ उचित अहे कि यरुशलेम शहर केर बिसवासीमन के दुनिया केर बेस चीजमन के बाँटोक।

रोमानियनमन 16:12

त्रूफेना आउर त्रूफोसा, दुइयो बिसवासी बहिनमन के जोहार, जेमन प्रभु में मेहनइत करैना। दुलारी बहिन पिरसिस के जोहार, जे प्रभु में ढेइर मेहनइत काइर हे।

1 कुरिनथियनमन 15:10

मगर मोंय जे कुछ भी अहों परमेश्‍वर केर किरपा से अहों, आउर उकर किरपा मोर उपरे ढेइर बड़का काम करलक, आउर मोंय यीशु केर चुनल दोसर खास चेलामन से बाइढ़ के मेहनइत हों करलों। फिन भी इ मोर बटले निहीं, मगर परमेश्‍वर केर किरपा से होलक जे मोर उपरे रहे।

1 कुरिनथियनमन 16:16

से लगिन मोंय तोहरेमन से बिनती करोना कि एइसनमन केर अगुवाई में चलबा, बल्कि उ सोउबमन केर अगुवाई में हों चलबा जेमन कड़ा मेहनइत करैना आउर भक्ति से सेवा करैना।

1 कुरिनथियनमन 3:9

काले कि हमरे परमेश्‍वर केर संगे काम करेक वाला हेकी, आउर तोहरेमन एगो खेत नियर अहा जे परमेश्‍वर केर हेके।

2 कुरिनथियनमन 6:1

आउर हमरे जे परमेश्‍वर संगे काम करेक वाला हेकी, तोहरे से अरजी करिला कि उकर किरपा जे तोहर उपरे होई हे, उके बेकार ना जाएक देवा।

गलातियनमन 6:6

जे बचन केर शिक्षा पावेला, उके जे कोनों उकर ठिना अहे, उकर में सिखाएक वालामन के हों भागी करेक चाही।

फिलिप्पियनमन 2:16

ताकि मोंय मसीह केर फिन से घूइर आवेक केर दिन इ गोइठ लगिन घमंड करमूँ कि मोर दौड़-धूप आउर मोर मेहनइत बेकार नी होलक।

फिलिप्पियनमन 2:29

इ लगिन प्रभु में तोहरेमन उके ढेइर खुशी केर संगे स्वागत करबा, आउर उके आउर उकर जइसन आदमीमन केर आदर करते रहबा।

फिलिप्पियनमन 4:3

आउर हे मोर संगे सच्चाई से काम करेक वाला सुन्तुखे, मोंय तोर से हों बिनती करोना कि तोंय उ जनानामन केर मेल-मिलाप से रहेक लगिन मदइत कर। काले कि उमन मोर संगे शुभ समाचार के फैलाएक में क्लेमेंस आउर मोर संगे काम करेक वाला आउरोमन समेत मेहनइत काइर हैं जे मनक नाँव जिंदगी केर किताब में लिखल अहे।

1 तीमुथियुस 3:5

जब केऊ आदमी अपनेहें परिवार केर लगिन अच्छा इंतिजाम करेक नी पारी, तो उ परमेश्‍वर केर कलीसिया केर देखभाल कइसन करी?

1 तीमुथियुस 4:10

से लगिन हमरे इ जिंदगी के पावेक लगिन कठिन मेहनइत करिला, काले कि हमरे जिंदा परमेश्‍वर उपरे आसरा करिला जे सोउब आदमीमन केर छुटकारा देवाइया हेके, खास काइर के उमन के जेमन उकर उपरे बिसवास करैना।

1 तीमुथियुस 4:14

उ गोइठ के याइद रख, जब कलीसिया केर अगुवामन तोर उपरे अपन हाँथ राइख रहैं, आउर परमेश्‍वर अपन बरदान के उमन से भविष्यवाणी करवाय के तोके देई रहे।

1 तीमुथियुस 4:16

इकर बारे में सावधान रह कि तोंय कइसन रहिसला आउर का सिखाइसला, काले कि अगर एइसन करते रहबे, तो तोंय अपन आउर अपन सुनइयामन लगिन हों बचेक केर कारण होबे।

1 तीमुथियुस 4:6

अगर तोंय सोउब बिसवासी भाईमन के लगातार इ गोइठमन के याइद करवाते रहबे, जेकर पालन काइर के तोंय बिसवास में मजबूत होई हिस, तो तोंय मसीह केर एगो अच्छा सेवक बनबे।

1 तीमुथियुस 5:19

केऊ कलीसिया केर अगुवा उपरे कोनों दोष लगाल जायला तो उके ना सुनबे जब तक कि दूई या तीन झन ओहे दोष के नी लगाबैं।

1 तीमुथियुस 5:3

उ बिधवामन केर आदर कर जेमन ठिना उमन केर अपन जरुरतमन के पूरा करेक लगिन, आउर उमन केर देख रेख करेक लगिन केऊ नखैं।

2 तीमुथियुस 2:6

जे किसान मेहनइत करेला, फसल केर हिस्सा पहिले उके मिलेक चाही।

2 तीमुथियुस 4:2

कि तोंय परमेश्‍वर केर संदेश के परचार कर आउर जब आदमीमन परमेश्‍वर केर संदेश के सुनेक चाहैना, आउर जब सुनेक नी चाहैना सोउब समय तेयार रह, आदमीमन का गलती काइर हैं उके तोंय बताव आउर उ मनक पापमन केर खातिर उमन के डाँट। मगर उमन के उसकाव हों आउर धीरज से सिखाव।

इब्रानीमन 13:17

अपन आत्मिक अगुवामन केर गोइठमन के माना आउर उमन जे कहैना उके करा, काले कि उमन तोहरे के धेयान से देखैना ताकि तोहरे भटइक ना जबा, आउर उमन के अपन सेवा केर बारे में परमेश्‍वर ठिना हिसाब देवेक पड़ी, आउर इ काम के उमन उदास होई के निहीं, बल्कि खुशी से करोक, काले कि उदास होई के करेक वालामन के कोनों फायदा नी होवी।

इब्रानीमन 13:24

अपन सोउब अगुवामन आउर सोउब परमेश्‍वर केर आदमीमन के जोहार करा। इटली शहर केर बिसवासीमन तोहरे के जोहार कहैना।

इब्रानीमन 13:7

जेमन तोहर अगुवा रहैं, आउर जेमन तोहरेमन के परमेश्‍वर केर बचन सुनाय हैं, उमन के याइद करा आउर उ मनक चाइल-चलन के धेयान से देखा कि उमन कइसन जिंदगी जिलैं आउर मोरलैं। आउर उमन केर बिसवास देइख के तोहरे हों उमन नियर परमेश्‍वर उपरे बिसवास करा।