1 तीमुथियुस 5:11 - सादरी नवाँ नियम

¹¹ उ बिधवामन केर नाँव ना लिखबे, जेमन केर उमर साठ बरिस से कम अहे, काले कि जब मसीह केर बिरोध में उमन केर काया केर इच्छा बाइढ़ जायला तो उमन बिहा करेक चाहैना।

1 तीमुथियुस 5:11 Iomraidhean Croise

1 तीमुथियुस 4:3

उमन बिहा करेक से आउर खाएक केर थोरेक चीजमन के खाएक से मना करबैं, मगर परमेश्‍वर सोउब खाएक केर चीजमन के बिसवासीमन लगिन बनाय हे, जेके धन्यबाद केर प्रार्थना काइर के खाएक पारैना।

1 तीमुथियुस 5:12

आउर अपन बिहा नी करेक केर पहिला करार के तोइर के दोषीदार बाइन जायना, आउर बिसवास से भटइक जायना।

1 तीमुथियुस 5:14

इ लगिन मोंय सलहा देवेक चाहोना कि जवान बिधवामन बिहा करोक, आउर परिवार बसाय के अपन घर-दुरा के संभराओक, ताकि केऊ दुश्मन के बदनाम करेक केर मोका ना मिलोक।

1 तीमुथियुस 5:9

ओहे बिधवा केर नाँव लिखल जाओक, जेकर उमर साठ बरिस से उपरे होई हे, आउर एक हें पति केर जनाना रइह हे।

याकूब 5:5

तोहरेमन दुनिया में मौज-मस्ती केर जिंदगी जियाला आउर ढेइरे सुख भोगाला। जइसन जानवर के काटल जाएक केर दिन लगिन मोटा-तगड़ा तेयार करल जायला, ओहे लेखे तोहरेमन दंड पावेक लगिन तेयार करल जाय हा।

2 पतरस 2:18

जब उमन आदमीमन के गेयान देवैना, तो उमन बेकार आउर घमंड से भरल शबदमन केर इस्तेमाल करैना। उमन आदमीमन के बतायना कि उमन उ लज्जा केर काममन के करेक लगिन आजाद अहैं जेके उमन केर काया करेक चाहेला आउर उमन के फिर से पाप करेक लगिन भरमाय देवैना, जे एखन-एखन दुष्ट जिंदगी से बाइच के निकइल हैं।

प्रकाशितवाक्य 18:3

काले कि उकर ब्यभिचार केर कड़ुवा नशा से सोउब जाइत केर आदमीमन गिर गेलैं, आउर धरती केर राजामन उकर संगे ब्यभिचार काइर रहैं, आउर धरती केर बेपारीमन उकर भोग-बिलास केर भरपूरी केर खातिर धनवान होई रहैं।”

प्रकाशितवाक्य 18:7

जेतना उ अपन बड़ाई करलक आउर भोग-बिलास करलक, उतना उके बाथा आउर शोक देवा। काले कि उ अपन मन में कहेला, मोंय रानी बाइन बाइठ हों, मोंय बिधवा ना लगों आउर मोंय कहियो नी दुःखी होमूँ।”

प्रकाशितवाक्य 18:9

धरती केर राजामन जेमन उकर संगे ब्यभिचार आउर भोग-बिलास करलैं, जब उकर पोड़ेक केर धुंगिया देखबैं तो उकर लगिन काँदबैं आउर बिलाप करबैं।