1 तीमुथियुस 4:8 - सादरी नवाँ नियम

⁸ काले कि काया केर साधना से थोरके फायदा होवेला, मगर परमेश्‍वर केर भक्ति से सोउब गोइठमन लगिन फायदा होवेला, काले कि इकर से एखन इ जिंदगी में आउर पाछे आवेक वाला जिंदगी में हों इनाम केर करार करल जाय हे।

1 तीमुथियुस 4:8 Iomraidhean Croise

मत्ती 12:32

जे केऊ मोंय आदमी केर बेटा केर बिरोध में कोनों गोइठ कही, उकर इ गुन्हा क्षमा करल जाई। मगर केऊ पवितर आत्मा केर बिरोध में कोनों कही, तो उकर गुन्हा, ना तो इ दुनिया में आउर ना परमेश्‍वर केर राइज में क्षमा करल जाई।

मत्ती 19:29

आउर जे केऊ अपन घर, भाईमन, बहिनमन, आबामन, आयोमन, छउवामन या खेतमन के मोर चेला बनेक लगिन छोइड़ देई हे, उके सौ गुणा भेटाई: आउर उ जुग-जुग केर जिंदगी केर हकदार होवी।

मत्ती 6:33

सोउब से पहिले तोहरेमन परमेश्‍वर केर राइज आउर उकर इच्छा लेखे धारमिक जिंदगी जियेक सिखा तो इ सोउब चीज हों तोहरेमन के भेटाय जाई।

मरकुस 10:30

उ जरूर एहे जुग में सताव केर संगे इनाम केर रूप में घरमन, भाई-बहिनमन, आयोमन, छउवा-पुतामन आउर खेतमन सौ गुणा पावी। आउर आवेक वाला दिन में परमेश्‍वर उके जुग-जुग केर जिंदगी देई।

लूका 5:38

से लगिन नवाँ अंगूर केर रस के नवाँ चमड़ा केर थैला में भरेक चाही।

रोमानियनमन 8:28

आउर हमरे जानिला कि जेमन परमेश्‍वर से प्रेम करैना, उमन लगिन सोउब गोइठमन मिल के भलाई के हें लानेला, मतलब ओहेमन लगिन जेमन उकर इच्छा केर मोताबिक चुनल जाय हैं।

1 कुरिनथियनमन 8:8

मगर खाएक केर चीज हमरे के परमेश्‍वर केर भीरे नी पोंहचाई, अगर हमरे नी खाब, तो हमर कोनों नोकसान नखे, आउर अगर खाब, तो कोनों फायदा नखे।

1 तीमुथियुस 4:7

अशुद्ध आउर झूठा कहानीमन में अपन समय के ना गवाँव, मगर परमेश्‍वर के आदर देवेक वाला जिंदगी जी के, खुद के लगातार सिखाते रह।

1 तीमुथियुस 6:3

अगर केऊ झूठा शिक्षा देवेला, आउर उ सही शिक्षामन से सहमत नी होवेला जे परमेश्‍वर के आदर देवेला, आउर जेके हमर प्रभु यीशु मसीह देई रहे।

1 तीमुथियुस 6:5

आउर उमन केर माझे में बेकार झगरा शुरु होवेला, जेमन केर बुद्धि बिगइड़ जाय हे आउर उमन सच्चाई से भटइक जाय हैं, जेमन समझैना कि परमेश्‍वर केर बारे में सिखाएक रुपया कमाएक केर जरिया हेके।

1 तीमुथियुस 6:6

मगर हमरे अपन जिंदगी के परमेश्‍वर के खुश करेक नियर जियिला आउर जे कोनों हमरे ठिना अहे उकरे में संतोष करिला।

2 तीमुथियुस 3:5

उमन खुद एइसन देखाबैं जइसन कि परमेश्‍वर केर सेवा करैना, मगर उकर शक्ति के नी मानबैं, जे उमन केर जिंदगी के बदलेक पारेला, तोंय एइसन आदमीमन से दूर रहबे।

तीतुस 3:8

इ गोइठ सच हेके आउर मोंय चाहोना कि तोंय इ गोइठमन केर बारे में बिसवासीमन के पोक्ता से सिखाबे, इ लगिन कि जेमन परमेश्‍वर उपरे बिसवास काइर हैं, उमन भला काममन के करते रहेक में धेयान देवोक, इ गोइठमन बेस आउर आदमीमन लगिन फायदा केर हेके।

इब्रानीमन 13:9

से लगिन रकम-रकम केर आउर अजीब उपदेसमन से ना भरमाय देवल जबा, काले कि तोहरे केर मन लगिन इ भला होवी कि तोहरे परमेश्‍वर केर किरपा से मजबूत बनल रहा, ना कि खाएक केर नियममन के माइन के, जेके माइन के केकरो फायदा नी होलक।

1 यूहन्ना 2:25

आउर परमेश्‍वर हमरेमन से करार काइर हे कि उ हमरेमन के जुग-जुग केर जिंदगी देवी।

प्रकाशितवाक्य 3:12

जे जीत जाई, उके मोंय अपन परमेश्‍वर केर मंदिर में एगो खंभा बनामूँ आउर उ फिन कहियो बाहरे नी निकली, आउर मोंय अपन परमेश्‍वर केर नाँव आउर अपन परमेश्‍वर केर नगर मतलब नवाँ यरुशलेम केर नाँव, जे मोर परमेश्‍वर ठिना से स्वरग से उतरेक वाला अहे, आउर अपन नवाँ नाँव उकर में लिखमूँ।

प्रकाशितवाक्य 3:21

जे जीत जाई, मोंय उके अपन संगे अपन सिंहासन में बइठामूँ, जइसन मोंय हों जीत के अपन आबा केर संगे उकर सिंहासन में बाइठ गेलों।