1 तीमुथियुस 4:4 - सादरी नवाँ नियम

⁴ काले कि परमेश्‍वर केर सिरजाल हरेक चीजमन बेस हेके, हमरे कोनोवें खाएक केर चीजमन के परमेश्‍वर के धन्यबाद देई के खाएक पारिला।

1 तीमुथियुस 4:4 Iomraidhean Croise

खास चेलामन केर काम 10:15

उके फिन दूसरी बेर आवाज सुनालक, “जे चीजमन के परमेश्‍वर शुद्ध काइर हे, उमन के तोंय अशुद्ध ना समझ।”

खास चेलामन केर काम 15:29

तोहरेमन मूर्तिमन लगिन बलि चढ़ाल चीजमन के आउर लोहू के आउर घेंचा चीप के मोराल माँस के ना खाबा आउर ब्यभिचार से दूर रहबा, अगर तोहरे खुद के इ गोइठमन से बचाय के रखबा तो तोहर भला होवी। आगे शुभ।”

खास चेलामन केर काम 21:25

मगर जहाँ तक परजाइत बिसवासी आदमीमन केर सवाल अहे, हमरे चिट्ठी लीख के अपन फैसला भेइज देई ही कि उमन मूर्तिमन लगिन बलि चढ़ाल माँस के, आउर लोहू के आउर घेंचा चीप के मोराल जानवरमन केर माँस के ना खाओक आउर ब्यभिचार ना करोक।”

रोमानियनमन 14:14

मोंय जानोना, आउर प्रभु यीशु में मोके पक्का बिसवास अहे कि कोनों खाएक केर चीज अशुद्ध नखे, मगर जे उके अशुद्ध समझेला उकर लगिन अशुद्ध अहे।

रोमानियनमन 14:20

तोहरे जे खावाला उकर चलते परमेश्‍वर केर काम के ना बिगड़ावा। सोउब खाएक केर चीज शुद्ध तो अहे, मगर उ चीज के खाएक तब बुरा अहे, जब उके खाएक से दोसर आदमीमन के ठेस लगेला।

रोमानियनमन 14:6

जे केऊ कोनों दिन के मानेला, तो उ एइसन इ लगिन करेला, काले कि उ प्रभु के आदर देवेक चाहेला। आउर जे केऊ माँस खायला, उ प्रभु लगिन खायला काले कि उ परमेश्‍वर के धन्यबाद देवेला, आउर जे माँस नी खायला, उ प्रभु लगिन नी खायला आउर परमेश्‍वर के धन्यबाद देवेला।

1 कुरिनथियनमन 10:23

हमरे सोउब कुछ करेक लगिन आजाद तो अही, मगर हमरे लगिन सोउब कुछ बेस ना लगे। हमरे सोउब कुछ करेक लगिन आजाद तो अही, मगर सोउब कुछ हमरे के परमेश्‍वर उपरे बिसवास में मजबूत नी करेला।

1 कुरिनथियनमन 10:25

तोहरेमन कोनोवें माँस जे बजार में बेचायला उके खाएक पारबा, मूर्तिमन लगिन चढ़ाल हेके कि निहीं सेके ना पूछबा, तब तोहरे केर बिवेक परेशान नी होवी।

1 कुरिनथियनमन 10:26

तोहरे सोउब के खाएक पाराला काले कि पवितर किताब में लिखल अहे “धरती आउर जे कोनों उकर में अहे सोउब कुछ प्रभु केर हेके।”

1 कुरिनथियनमन 10:30

अगर मोंय मूर्तिमन लगिन चढ़ाल चीजमन के धन्यबाद देई के खावना, तो जेकर लगिन मोंय धन्यबाद देवोना उकर चलते मोर उपरे काले दोष लगाल जायला?

1 तीमुथियुस 4:3

उमन बिहा करेक से आउर खाएक केर थोरेक चीजमन के खाएक से मना करबैं, मगर परमेश्‍वर सोउब खाएक केर चीजमन के बिसवासीमन लगिन बनाय हे, जेके धन्यबाद केर प्रार्थना काइर के खाएक पारैना।