1 तीमुथियुस 4:3 - सादरी नवाँ नियम

³ उमन बिहा करेक से आउर खाएक केर थोरेक चीजमन के खाएक से मना करबैं, मगर परमेश्‍वर सोउब खाएक केर चीजमन के बिसवासीमन लगिन बनाय हे, जेके धन्यबाद केर प्रार्थना काइर के खाएक पारैना।

1 तीमुथियुस 4:3 Iomraidhean Croise

मत्ती 14:19

तब उ आदमीमन के घास उपरे बइठेक कहलक, आउर पाँच गो रोटी आउर दूई गो मछरी के लेलक आउर स्वरग बटे देइख के परमेश्‍वर के धन्यबाद देलक आउर रोटीमन के टुकइर-टुकइर के चेलामन के देलक, आउर चेलामन आदमीमन के पोरसाय देलैं।

मत्ती 15:11

जे मुँह में जायला, उ आदमी के अशुद्ध नी करेला, मगर जे मुँह से निकलेला, ओहे आदमी के अशुद्ध करेला।”

मत्ती 15:36

आउर यीशु सातों रोटीमन आउर मछरीमन के लेई के परमेश्‍वर के धन्यबाद देलक आउर टुकइर के अपन चेलामन के देते गेलक आउर चेलामन आदमीमन के देते गेलैं।

लूका 24:30

जब यीशु उ मनक संगे खाएक बइठलक तो उ रोटी लेई के परमेश्‍वर के धन्यबाद देलक आउर उके टुकइर के उमन के देवेक लगलक।

यूहन्ना 6:23

तब तिबिरियास नगर बटे से थोरेक डोंगा उ ठाँव केर भीरे आलक, जहाँ उमन प्रभु केर धन्यबाद करेक केर पाछे रोटी खाय रहैं।

खास चेलामन केर काम 27:35

पौलुस इ कइह के रोटी लेलक आउर सोउब केर सामने परमेश्‍वर के धन्यबाद देलक आउर उ तोइर के खाएक लगलक।

रोमानियनमन 14:17

काले कि परमेश्‍वर केर राइज में खाएक आउर पियेक खास ना लगे, मगर परमेश्‍वर केर देखेक में धरमी बनेक, आउर मेल-मिलाप आउर उ खुशी जे पवितर आत्मा से मिलेला,

रोमानियनमन 14:3

एक झन माँस खायला आउर एक झन साग सब्जी खायला, माँस खाएक वाला, साग सब्जी खाएक वाला के तुच्छ ना करोक, आउर साग सब्जी खाएक वाला, माँस खाएक वाला केर उपरे दोष ना लगाओक, काले कि परमेश्‍वर दुइयो के ग्रहण करेला।

रोमानियनमन 14:6

जे केऊ कोनों दिन के मानेला, तो उ एइसन इ लगिन करेला, काले कि उ प्रभु के आदर देवेक चाहेला। आउर जे केऊ माँस खायला, उ प्रभु लगिन खायला काले कि उ परमेश्‍वर के धन्यबाद देवेला, आउर जे माँस नी खायला, उ प्रभु लगिन नी खायला आउर परमेश्‍वर के धन्यबाद देवेला।

1 कुरिनथियनमन 6:13

तोहर में से केऊ कहेक पारेला, खाएक केर चीजमन हमरे केर कायामन लगिन अहे, आउर कायामन खाएक केर चीजमन लगिन, इ ठीक अहे मगर परमेश्‍वर आवेक वाला समय में कायामन के आउर खाएक केर चीजमन के दुइयो के नाश करी। काया ब्यभिचार लगिन निहीं, बल्कि हमरे केर काया प्रभु केर सेवा करेक लगिन प्रभु केर हेके।

1 कुरिनथियनमन 7:28

मगर तोंय सादी हों करबे तो पाप ना लगे, आउर अगर डिंड़ा कन्या सादी करेला तो कोनों पाप ना लगे, मगर एइसनमन के काया केर दुःख होवी आउर मोंय बचाएक चाहोना।

1 कुरिनथियनमन 8:8

मगर खाएक केर चीज हमरे के परमेश्‍वर केर भीरे नी पोंहचाई, अगर हमरे नी खाब, तो हमर कोनों नोकसान नखे, आउर अगर खाब, तो कोनों फायदा नखे।

कुलुसियनमन 2:16

से लगिन खाएक पियेक या परब या नवाँ चाँद या यहूदी मनक आराम केर दिन केर बारे में केखो तोहर फैसला करेक ना देबा।

कुलुसियनमन 3:17

आउर तोहरे जे कोनोवें कहबा या करबा उ सोउब प्रभु यीशु केर नाँव से करबा, आउर उकर बटले परमेश्‍वर आबा के धन्यबाद देबा।

1 तीमुथियुस 2:4

उ चाहेला कि सोउब आदमीमन बाइच जाओक आउर सच्चाई के बढ़ियाँ से जाइन जाओक।

1 तीमुथियुस 4:4

काले कि परमेश्‍वर केर सिरजाल हरेक चीजमन बेस हेके, हमरे कोनोवें खाएक केर चीजमन के परमेश्‍वर के धन्यबाद देई के खाएक पारिला।

1 तीमुथियुस 5:14

इ लगिन मोंय सलहा देवेक चाहोना कि जवान बिधवामन बिहा करोक, आउर परिवार बसाय के अपन घर-दुरा के संभराओक, ताकि केऊ दुश्मन के बदनाम करेक केर मोका ना मिलोक।

इब्रानीमन 13:4

बिहा केर आदर करा, आउर बिहाउ जनाना आउर मरद तोहरे एक दोसर लगिन बिसवास लायक बनल रहा, काले कि परमेश्‍वर ब्यभिचारीमन केर आउर दोसर जनानामन से रिश्ता बनाएक वालामन केर न्याय करी।

इब्रानीमन 13:9

से लगिन रकम-रकम केर आउर अजीब उपदेसमन से ना भरमाय देवल जबा, काले कि तोहरे केर मन लगिन इ भला होवी कि तोहरे परमेश्‍वर केर किरपा से मजबूत बनल रहा, ना कि खाएक केर नियममन के माइन के, जेके माइन के केकरो फायदा नी होलक।