1 तीमुथियुस 4:2 - सादरी नवाँ नियम

² कपट से भरल आउर झूठा ओहेमन हेकैं जेमन झूठा शिक्षामन के सिखायना, उमन केर बिवेक जे सही गलत के नी बतायला, मोइर जाय हे, जइसन कि एगो गरम लोहा उके दाइग देई हे।

1 तीमुथियुस 4:2 Iomraidhean Croise

मत्ती 24:24

काले कि झूठा मसीह आउर झूठा परमेश्‍वर केर संदेश बताएक वालामन उइठ खड़ा होबैं उमन बड़का-बड़का चिन्हा आउर चमत्कार केर काममन के देखाबैं आउर होई सके तो उमन चुनलमन के हों बहकाय देबैं।

मत्ती 7:15

झूठा संदेश देवेक वालामन से सावधान रहबा, उमन भेड़ीमन केर भेष धाइर के तोहर ठिना आवैना, मगर हकीकत में उमन नोकसान पोंहचाएक वाला भेड़ियामन नियर रहैना।

खास चेलामन केर काम 20:30

हिंयाँ तक कि तोहर अपन बिसवासी दल से हें एइसन आदमीमन निकलबैं, जेमन चेलामन के अपन बटे मिलाएक लगिन उल्टा-पुल्टा शिक्षा देबैं।

रोमानियनमन 1:28

आउर जब उमन परमेश्‍वर के अपनाएक बेकार समझलैं तो परमेश्‍वर हों उ सोउब अनुचित काममन के करेक लगिन उमन के उ मनक निकम्मा मन केर वश में छोइड़ देलक।

रोमानियनमन 16:18

काले कि एइसन आदमीमन हमर प्रभु मसीह केर निहीं, मगर अपन फायदा लगिन सेवा करैना, आउर उमन मिठा-मिठा गोइठमन से सीधा-सादा आदमीमन के बहकाय देवैना।

इफिसियनमन 4:14

ताकि आगे हमरे छउवामन नियर नी रहब, आउर ना उ डोंगा नियर, जे पानी केर लहरा से हिने-हुने उछलत रहेला आउर हवा से कखनों इ दिशा, तो कखनों उ दिशा घूमते रहेला। हमरे के धोखेबाज आदमीमन केर झूठा शिक्षामन से, जे सच्चा नियर लगेला बहकेक नखे।

इफिसियनमन 4:19

उमन के लाज नी लगेला से लगिन लुचा काम के करेक ले अपन जिंदगी के देई दे हैं। उमन सोउब रकम केर बुरा काम के करते रहैना, आउर आउरे बगरा करेक खोजैना।

2 तीमुथियुस 3:5

उमन खुद एइसन देखाबैं जइसन कि परमेश्‍वर केर सेवा करैना, मगर उकर शक्ति के नी मानबैं, जे उमन केर जिंदगी के बदलेक पारेला, तोंय एइसन आदमीमन से दूर रहबे।

प्रकाशितवाक्य 16:14

इमन चिन्हा देखाएक वाला भूतमन हेकैं, जे समूचा दुनिया केर राजामन ठिना निकइल के इ लगिन जायना कि उमन के सर्वशक्तिमान परमेश्‍वर केर उ महान दिन केर लड़ाई लगिन जमा करोक।