1 तीमुथियुस 4:16 - सादरी नवाँ नियम

¹⁶ इकर बारे में सावधान रह कि तोंय कइसन रहिसला आउर का सिखाइसला, काले कि अगर एइसन करते रहबे, तो तोंय अपन आउर अपन सुनइयामन लगिन हों बचेक केर कारण होबे।

1 तीमुथियुस 4:16 Iomraidhean Croise

मरकुस 13:9

मगर तोहरेमन खुद चौकस रहबा, आदमीमन तोहरेमन के बंदी बनाय के महासभामन में जिम्मा देबैं आउर तोहरेमन के यहूदी मनक प्रार्थना घरमन में पिटबैं, काले कि तोहरेमन मोर चेला हेका। तोहरेमन के अधिकारी आउर राजामन केर आगे ठड़ुवाल जाएक ले मजबूर कराल जाई, ताकि उमन तोहरेमन केर न्याय करबैं, जेकर चलते तोहरेमन उमन के मोर बारे में शुभ समाचार सुनाएक पारबा।

लूका 21:34

से लगिन तोहरेमन सावधान रहा, कहीं एइसन ना होवोक कि तोहरेमन माउज-मस्ती, नशापान आउर इ दुनिया केर चिंतामन से सुस्त होई जबा आउर उ दिन अचका एगो फंदा नियर तोहर उपरे आय जाई।

खास चेलामन केर काम 26:22

मगर मोंय परमेश्‍वर केर मदइत से आइज तक जिंदा अहों, जेकर से आइज तोहरे केर आउर छोट बाड़ सोउब केर सामने सच्चाई केर गवाही देवाथों। जे गोइठमन केर बारे में मूसा आउर परमेश्‍वर केर संदेश के बताएक वालामन भविष्यवाणी काइर रहैं, उ गोइठमन के छोइड़ आउर कोनों गोइठ नी कहोना।

खास चेलामन केर काम 6:4

आउर हमरे प्रार्थना में आउर बचन केर परचार आउर शिक्षा देवेक केर सेवा में लगल रहब।”

रोमानियनमन 11:14

ताकि कोनों नियर मोंय अपन इसराइली आदमीमन में हिसिंगा करुवाय के उमन में से कायनों झन के बचाय लेमूँ।

रोमानियनमन 16:17

अब हे बिसवासी भाईमन, मोंय तोहरेमन से बिनती करोना कि जेमन एक दोसर से झगरा लाडै़ना, आउर जेमन एइसन काम करैना जेकर से बिसवासीमन ठोकर खायना, उमन के जाइन लेवा आउर उमन से दूर रहा।

रोमानियनमन 2:7

परमेश्‍वर उमन के जेमन बेस काम में स्थिर रइह के महिमा, आउर आदर, आउर नाश नी होवेक वाला जिंदगी केर खोजार में अहैं, उमन के उ जुग-जुग केर जिंदगी देवी।

1 कुरिनथियनमन 1:21

काले कि परमेश्‍वर अपन गेयान से पहिलेहें देइख हे कि दुनिया केर आदमीमन उके अपन गेयान से कहियो नी जानबैं, परमेश्‍वर बिसवास करेक वालामन के बचाएक लगिन हमर शुभ समाचार परचार के इस्तेमाल करलक, जबकि थोरेक आदमीमन इके बेकार गोइठ मतलब मूरख आदमी केर गोइठ समझैना।

1 कुरिनथियनमन 9:22

जब मोंय उमन केर संगे रहलों जेमन बिसवास में कमजोर अहैं, तो मोंय ओहेमन नियर ब्यवहार करलों, ताकि मोंय उमन के मसीह केर पिछे चलेक में मदइत करेक पारमूँ। मोंय सोउब आदमीमन लगिन सोउब नियर बनलों, ताकि मोंय कोनों नी कोनों नियर कायनों झन केर छुटकारा करुवाएक पारमूँ।

1 कुरिनथियनमन 9:27

मोंय अपन काया के काबू में रखोना ताकि इकर बुरा इच्छामन के पूरा नी करमूँ, कहीं एइसन ना होवोक कि मोंय दोसरमन के शुभ समाचार परचार काइर के खुद हें इनाम पावेक से छूइट जामूँ।

इफिसियनमन 4:14

ताकि आगे हमरे छउवामन नियर नी रहब, आउर ना उ डोंगा नियर, जे पानी केर लहरा से हिने-हुने उछलत रहेला आउर हवा से कखनों इ दिशा, तो कखनों उ दिशा घूमते रहेला। हमरे के धोखेबाज आदमीमन केर झूठा शिक्षामन से, जे सच्चा नियर लगेला बहकेक नखे।

कुलुसियनमन 4:17

फिन अरखिप्पुस से कहबा कि जे सेवा प्रभु में तोके जिम्मा देवल जाय हे, उके सावधानी केर संगे पूरा करबे।

1थिस्सलुनीकियनमन 2:16

आउर उमन परजाइत आदमीमन से उमन केर छुटकारा लगिन गोठियाएक से हमरे के मना करैना, आउर जब तक परमेश्‍वर उ उमन के सजा नी देवी तब तक उमन पाप उपरे पाप कमाते जायना, आखरी में परमेश्‍वर उमन के भयानक सजा देवी।

1 तीमुथियुस 1:3

हे तीमुथियुस जइसन कि तोंय जानिसला कि इफिसुस शहर में थोरेक एइसन आदमीमन अहैं, जेमन गलत शिक्षा देवैना। उमन लगातार झूठा कहानीमन आउर पुरखामन केर लम्बा बंशावली के सिखायना, जब मोंय इफिसुस शहर से मकिदुनिया परदेस में जाएक लगिन तेयार रहों, तो मोंय तोके इफिसुस शहर में हें रहेक लगिन कहलों आउर उ आदमीमन के इ बताएक लगिन कहलों कि उमन एइसन शिक्षा ना देवोक। जब उमन एइसन गोइठ के सिखायना तो आदमीमन उमन केर बारे में बक-झक करैना। इकर नतीजा इ हेके कि उ सिखाएक वालामन उ काम के नी कराथैं, जेके परमेश्‍वर उमन के करेक ले देई रहे, उ काम के उमन सिरिफ परमेश्‍वर उपरे भरसा काइर के हें करेक पारैना।

1 तीमुथियुस 4:15

उ बरदान के सावधानी से इस्तेमाल कर आउर उकरे में धेयान लगाय रह, ताकि तोंय अपन बिसवास में बढ़ाथिस इके सोउब आदमीमन देखेक पारोक।

1 तीमुथियुस 4:6

अगर तोंय सोउब बिसवासी भाईमन के लगातार इ गोइठमन के याइद करवाते रहबे, जेकर पालन काइर के तोंय बिसवास में मजबूत होई हिस, तो तोंय मसीह केर एगो अच्छा सेवक बनबे।

2 तीमुथियुस 2:10

जेमन के परमेश्‍वर चुइन हे, मोंय उमन केर फायदा लगिन सोउब रकम केर दुःख सहोना। ताकि उमन हों यीशु मसीह उपरे बिसवास करोक आउर छुटकारा पाओक, आउर उ महिमा के पाओक जे जुग-जुग लगिन अहे।

2 तीमुथियुस 3:14

हे तीमुथियुस, जे कोनों हमरे तोके सिखाय ही उकरे मोताबिक चलते रह, जेकर में तोंय पोक्ता बिसवास काइर हिस। आउर इके याइद रख कि इ गोइठमन के तोंय केकर से सीख हिस।

2 तीमुथियुस 4:2

कि तोंय परमेश्‍वर केर संदेश के परचार कर आउर जब आदमीमन परमेश्‍वर केर संदेश के सुनेक चाहैना, आउर जब सुनेक नी चाहैना सोउब समय तेयार रह, आदमीमन का गलती काइर हैं उके तोंय बताव आउर उ मनक पापमन केर खातिर उमन के डाँट। मगर उमन के उसकाव हों आउर धीरज से सिखाव।

तीतुस 1:9

आउर उके मसीह केर बारे में बिसवास लाएक संदेश उपरे पोक्ता बिसवास करेक चाही जेके हमरे सिखाय ही। ताकि उ दोसरमन के सही शिक्षा केर पालन करेक ले उसकायक पारी, आउर जेमन सही शिक्षा केर बिरोध करैना उ उमन के गलत ठहराएक पारी।

तीतुस 2:15

से लगिन हे तीतुस, मोंय चाहोना कि तोंय क्रेते टापू केर बिसवासीमन के इ गोइठमन के सिखाव, जेमन के मोंय तोके सिखाय हों आउर उके करेक लगिन उसकाव। जहाँ जरुरत होवी हूवाँ उमन के सुधराव, तोके एइसन करेक केर पूरा अधिकार अहे। जे कोनों तोंय सिखाइसला उके केऊ अनदेखा ना करोक।

तीतुस 2:7

तोके सोउब गोइठमन में एगो नमूना नियर बेस काम काइर के दोसरमन के देखाएक चाही, ताकि दोसरमन हों उके करबैं। जब तोंय सिखाबे तो सही नीयत आउर आदर पावेक लायक सिखाबे

फिलेमोन 1:19

मोंय पौलुस अपन हाँथ से लिखोना कि मोंय खुद हें तोर करजा चुकाय देमूँ। हलांकि मोके, तोके याइद दिवाएक केर जरुरत नखे कि तोंय हों अपन नवाँ आत्मिक जिंदगी लगिन मोर कर्जदार अहिस।

इब्रानीमन 12:15

आउर सावधान रहा, एइसन ना होवोक कि केऊ परमेश्‍वर केर किरपा से अलग होई जाओक, आउर तोहरे के दुःख देवेक वाला ना बाइन जाओक। काले कि एइसन आदमी ढेइर आदमीमन केर जिंदगी के नाश करेक पारेला।

इब्रानीमन 13:9

से लगिन रकम-रकम केर आउर अजीब उपदेसमन से ना भरमाय देवल जबा, काले कि तोहरे केर मन लगिन इ भला होवी कि तोहरे परमेश्‍वर केर किरपा से मजबूत बनल रहा, ना कि खाएक केर नियममन के माइन के, जेके माइन के केकरो फायदा नी होलक।

याकूब 5:20

तो तोके इ जाइन लेवेक चाही कि जे केऊ एगो भटकल पापी के सच्चाई केर डहर में घुराय लानेला, तो उ एगो जीउ के जुग-जुग केर मौत से बचाय लेवेला, आउर परमेश्‍वर उकर ढेइर पापमन के क्षमा काइर देवेला।