1 तीमुथियुस 4:13 - सादरी नवाँ नियम

¹³ जब तक मोंय नी पोहोंचमूँ, तब तक तोंय पवितर किताब के बिसवासीमन लगिन जोर से पढ़ेक में, आउर उपदेस देवेक में आउर सिखाएक आउर समझाएक में लगल रह।

1 तीमुथियुस 4:13 Iomraidhean Croise

यूहन्ना 5:39

तोहरेमन इ समइझ के पवितर किताब के पाढ़ाला कि उकर में जुग-जुग केर जिंदगी में ढूकेक केर डहर मिली। ओहे पवितर किताब मोर बारे में गवाही देवेला।

खास चेलामन केर काम 17:11

इ नगर केर यहूदी आदमीमन थिस्सलुनीके शहर केर यहूदी आदमीमन से भला रहैं। उमन बड़का लालसा से प्रभु केर बचन के सुनत रहैं आउर रोज दिन पवितर किताब के पइढ़ के खोजत रहैं कि इ बचन सच में पवितर किताब में अहे कि निहीं।

खास चेलामन केर काम 6:4

आउर हमरे प्रार्थना में आउर बचन केर परचार आउर शिक्षा देवेक केर सेवा में लगल रहब।”

रोमानियनमन 12:8

आउर केखो बिसवास में बढ़ाएक केर बरदान मिल हे, तो उ दोसरमन के बिसवास में बढ़ाएक केर काम में लगल रहोक, केखो दान देवेक केर बरदान मिल हे, तो उ खुला मन से गरीबमन के दान देवोक, जेके अगुवाई करेक केर बरदान मिल हे, तो उ पूरा तन-मन से अगुवाई करोक, आउर केखो दया करेक केर बरदान मिल हे, तो उ खुशी से दया करोक।

1 कुरिनथियनमन 14:26

हे बिसवासी भाईमन, सुना कइसन होवेक चाही? जब तोहरेमन आराधना करेक ले जमा होवाला, तो तोहर में से केऊ तो गीत गावेला, तो केऊ बचन केर परचार करेला। केऊ प्रभु बटले मिलल भेद केर गोइठमन के बतायला, केऊ अनजान भाषा में गोठियायला, आउर केऊ अनजान भाषा केर उल्था करेला। इ सोउब कुछ के तोहरेमन इ लगिन करा जेकर से बिसवासीमन केर बिसवास मजबूत होवोक, आउर उकर उल्था करेक वाला एक झन जरूर होवेक चाही।

1 कुरिनथियनमन 14:3

मगर जे परमेश्‍वर केर संदेश के परचार करेला, उ बिसवासीमन के बिसवास में मजबूत करेक लगिन मदइत करेला, आउर शांति पावेक ले उसकायला।

1 कुरिनथियनमन 14:6

इ लगिन हे बिसवासी भाईमन, अगर मोंय तोहर ठिना आय के अनजान भाषा में गोठियामूँ, तो मोर से तोहरे के का फायदा होवी? मगर मोंय तोहरे ठिना भेद के खोलेक वाला गोइठ, चाहे खास गेयान केर गोइठ, चाहे परमेश्‍वर केर संदेश के बताएक वाला, चाहे शिक्षा केर गोइठमन के गोठियामूँ, तो तोहरे के फायदा होवी।

1 तीमुथियुस 4:16

इकर बारे में सावधान रह कि तोंय कइसन रहिसला आउर का सिखाइसला, काले कि अगर एइसन करते रहबे, तो तोंय अपन आउर अपन सुनइयामन लगिन हों बचेक केर कारण होबे।

1 तीमुथियुस 4:6

अगर तोंय सोउब बिसवासी भाईमन के लगातार इ गोइठमन के याइद करवाते रहबे, जेकर पालन काइर के तोंय बिसवास में मजबूत होई हिस, तो तोंय मसीह केर एगो अच्छा सेवक बनबे।

2 तीमुथियुस 3:15

जब तोंय एगो छोटका छउवा रहिस, सेहे बेरा से पवितर किताब केर गोइठमन के तोंय सीख हिस। जे तोके इ बुझेक में मदइत करेला कि जब तोंय यीशु मसीह उपरे बिसवास करिसला तो परमेश्‍वर तोके बचायला।

2 तीमुथियुस 4:2

कि तोंय परमेश्‍वर केर संदेश के परचार कर आउर जब आदमीमन परमेश्‍वर केर संदेश के सुनेक चाहैना, आउर जब सुनेक नी चाहैना सोउब समय तेयार रह, आदमीमन का गलती काइर हैं उके तोंय बताव आउर उ मनक पापमन केर खातिर उमन के डाँट। मगर उमन के उसकाव हों आउर धीरज से सिखाव।

तीतुस 2:15

से लगिन हे तीतुस, मोंय चाहोना कि तोंय क्रेते टापू केर बिसवासीमन के इ गोइठमन के सिखाव, जेमन के मोंय तोके सिखाय हों आउर उके करेक लगिन उसकाव। जहाँ जरुरत होवी हूवाँ उमन के सुधराव, तोके एइसन करेक केर पूरा अधिकार अहे। जे कोनों तोंय सिखाइसला उके केऊ अनदेखा ना करोक।