1 तीमुथियुस 4:10 - सादरी नवाँ नियम

¹⁰ से लगिन हमरे इ जिंदगी के पावेक लगिन कठिन मेहनइत करिला, काले कि हमरे जिंदा परमेश्‍वर उपरे आसरा करिला जे सोउब आदमीमन केर छुटकारा देवाइया हेके, खास काइर के उमन के जेमन उकर उपरे बिसवास करैना।

1 तीमुथियुस 4:10 Iomraidhean Croise

मत्ती 16:16

सिमोन पतरस जबाब देलक, “तोंय जिंदा परमेश्‍वर केर बेटा मसीह हेकिस।”

मत्ती 27:43

उ परमेश्‍वर केर उपरे भरसा राइख हे, अगर उ इके चाहेला तो अब इके छोड़ाय लेवोक काले कि इ कइह रहे, ‘मोंय परमेश्‍वर केर बेटा हेकों।’ ”

यूहन्ना 1:29

दूसरा दिन यूहन्ना यीशु के अपन बटे आते देइख के कहलक, “देखा, इ परमेश्‍वर केर मेमना हेके, जे खुद के बलिदान काइर के दुनिया केर पाप के उठाय लेवी।

यूहन्ना 4:42

आउर उ जनाना से कहलैं, “अब हमरे सिरिफ तोर कहेक से भइर बिसवास नी करिला। हमरे खुद हें उकर से सुइन लेई ही आउर हमरे जाइन गेली कि एहे सचमुच में दुनिया केर आदमीमन केर छुटकारा देवाइया हेके।”

यूहन्ना 5:24

मोंय तोहर से सच कहाथों, जे मोर बचन के सुनेला आउर सुइन के मोर भेजेक वाला केर उपरे बिसवास करेला, उके जुग-जुग केर जिंदगी मिल हे, उके सजा नी देवल जाई, मगर उ जुग-जुग ले मोरेक से बाइच के नवाँ जिंदगी पाय चुइक हे।

1 कुरिनथियनमन 15:10

मगर मोंय जे कुछ भी अहों परमेश्‍वर केर किरपा से अहों, आउर उकर किरपा मोर उपरे ढेइर बड़का काम करलक, आउर मोंय यीशु केर चुनल दोसर खास चेलामन से बाइढ़ के मेहनइत हों करलों। फिन भी इ मोर बटले निहीं, मगर परमेश्‍वर केर किरपा से होलक जे मोर उपरे रहे।

2 कुरिनथियनमन 1:10

ओहे हमरे के माउत केर बड़का संकट से बचालक, आउर हमरे आसरा करिला कि उ आगे हों बचाते रही।

1 तीमुथियुस 2:3

एइसन प्रार्थना करेक ठीक अहे आउर हमर छुटकारा देवाइया परमेश्‍वर इके ग्रहण करेला।

1 तीमुथियुस 2:4

उ चाहेला कि सोउब आदमीमन बाइच जाओक आउर सच्चाई के बढ़ियाँ से जाइन जाओक।

1 तीमुथियुस 2:6

जे सोउब आदमीमन के छुटकारा देवेक केर दाम केर रूप में खुद के बलिदान काइर देलक। उकर बलिदान केर द्वारा परमेश्‍वर ठीक समय में गवाही देलक, ताकि जेमन बचेक चाहैना उ सोउबमन बाइच जाओक।

1 तीमुथियुस 3:15

कि अगर मोर आवेक में देरी होवी, तो तोंय जाइन ले कि परमेश्‍वर केर परिवार केर दोसर सदस्यमन केर संगे कइसन ब्यवहार करेक चाही। इ परिवार उ सोउबमन से मिल के बाइन हे जेमन यीशु मसीह उपरे बिसवास करैना, आउर जेके कलीसिया कहैना। इ बिसवासीमन सच्चा शिक्षामन के स्थिर रखेक में मदइत करैना, जइसन नेव आउर पाया मिल के घर के मजबूत रखेक में मदइत करेला।

1 तीमुथियुस 6:17

इ दुनिया केर धनी आदमीमन के आगया दे कि उमन घमंडी ना बनोक आउर जल्दी सिराएक वाला धन उपरे आसरा ना राइख के परमेश्‍वर उपरे आसरा रखोक, जे हमर सोउब जरुरत केर चीजमन के भरपूर देवेला।

इब्रानीमन 11:26

आउर मसीह केर चलते बेइज्जत होवेक के मिसर देस केर भण्डार से बाड़ धन समझलक, काले कि उ अपन इनाम पावेक केर आसरा देखत रहे।

इब्रानीमन 13:13

से लगिन आवा, हमरे बलिदान चढ़ाएक केर यहूदी नियम के छोइड़ के यीशु उपरे बिसवास करब आउर उकर निंदा के अपन उपरे उठाब। आउर छावनी केर बाहरे निकइल जाब।

1 पतरस 1:21

यीशु मसीह जे हमर लगिन करलक उकर चलते तोहरे अब परमेश्‍वर उपरे आसरा कराला। उ ओहे हेके जे यीशु मसीह के मोरेक केर पाछे फिन जिंदा करलक आउर उके महिमा देलक। से लगिन तोहरे बिसवास कराला आउर परमेश्‍वर उपरे तोहर उमीद अब पक्का अहे।

1 यूहन्ना 2:2

ओहे हमर पापमन केर मुक्ति लगिन खुद के बलिदान काइर देलक आउर सिरिफ हमरे केर पाप लगिन निहीं, मगर गोटा दुनिया केर आदमीमन केर पाप लगिन बलिदान काइर देलक।

1 यूहन्ना 4:14

हमरेमन बेटा के देइख ही आउर गवाही देवीला कि आबा परमेश्‍वर बेटा के इ दुनिया केर आदमीमन के पापमन से छुटकारा देवेक लगिन भेजलक।