1 तीमुथियुस 4:1 - सादरी नवाँ नियम

¹ मगर पवितर आत्मा खुइल के बतायला कि आखरी दिनमन में थोरेक आदमीमन यीशु मसीह केर सच्चा शिक्षामन उपरे बिसवास करेक छोइड़ देबैं, उमन अशुद्ध आत्मामन केर शिक्षामन के मानबैं, जे उमन के भटकायला आउर उमन उ झूठा शिक्षामन उपरे बिसवास करबैं जे दुष्ट आत्मामन बटले आवेला।

1 तीमुथियुस 4:1 Iomraidhean Croise

मत्ती 18:7

दुनिया में बिसवास से भटकाएक वाला आदमीमन जरूर हें होबैं, मगर हाय! उ मनक उपरे जेमन मोर उपरे बिसवास करेक वालामन के भटकायना।

लूका 17:1

यीशु फिन अपन चेलामन से कहलक, “दुनिया में आदमीमन बिसवास से जरूर भटकाबैं, मगर हाय, उ आदमी उपरे जे मोर उपरे बिसवास करेक वाला आदमीमन के भटकायला।

यूहन्ना 16:13

मगर जब उ सच्चाई केर आत्मा आवी, तो उ परमेश्‍वर केर बारे में जे भी सच्चाई अहे, उके बुझेक में तोहरेमन केर मदइत करी। काले कि उ अपन बटे से नी कही, मगर जे कुछ परमेश्‍वर बटे से सुनी उखे कही, आउर तोहरेमन के आवेक वाला गोइठमन केर बारे में बताई।

खास चेलामन केर काम 13:2

जब इमन उपास काइर के प्रभु केर भक्ति करत रहैं, तो पवितर आत्मा उमन से कहलक, “मोर उ काम लगिन बरनाबास आउर शाऊल के अलग करा, जेकर लगिन मोंय उमन के बोलाय हों।”

खास चेलामन केर काम 17:18

हूवाँ थोरेक इपिकूरी आउर स्तोईकी से जानल जाएक वाला सिखाएक वालामन से उकर भेंट होलक आउर उमन से बहस करेक लगलक। उमन में से थोरेक सिखाएक वालामन कहलैं, “इ बकवास करेक वाला आदमी हमरे से का कहेक चाहाथे?” मगर दोसर आदमीमन कहलैं, “इ बिदेसी देवतामन केर परचार मालूम होवेला।” काले कि पौलुस यीशु केर आउर उकर फिन से जी उठेक केर शुभ समाचार सुनात रहे।

खास चेलामन केर काम 20:23

मोंय तो सिरिफ एतना जानोना कि हर नगर में पवितर आत्मा मोके चेताते जाथे कि जेहेल घर आउर दुःख मोर लगिन रखल अहे।

खास चेलामन केर काम 21:11

उ हमर ठिना आय के पौलुस केर कसना के लेलक आउर उकर से अपन हाँथ-गोड़ के बाइंध के कहलक, “पवितर आत्मा इ कहेला, ‘जे आदमी केर इ कसना हेके, उके यरुशलेम शहर में यहूदी आदमीमन एहे लेखे बाँधबैं आउर उके दोसर जाइतमन केर हाँथ में जिम्मा देबैं।’ ”

खास चेलामन केर काम 28:25

जब उ मनक बिचार आपस में नी मिललक तो उमन हूवाँ से जाएक लगलैं, तब पौलुस उमन से इ गोइठ कहलक, “पवितर आत्मा परमेश्‍वर केर संदेश के बताएक वाला यशायाह केर मुँह से तोहर पुरखामन से ठीक हें कइह हे,

1 कुरिनथियनमन 10:20

परजाइतमन जे बलिदान चढ़ायना, तो उमन परमेश्‍वर लगिन निहीं, मगर भूतमन लगिन बलिदान चढ़ायना, आउर मोंय नी चाहोना कि तोहरेमन भूतमन केर हिस्सेदार होवा।

1 कुरिनथियनमन 11:19

मगर सचमुच में तोहरे केर माझे फूट होवेक चाही, ताकि जेमन परमेश्‍वर केर हेकैं, उमन केर पता चाइल जाई।

1 कुरिनथियनमन 12:11

मगर इ सिरिफ परमेश्‍वर केर आत्मा हेके, जे इ सोउब बरदानमन केर सोता हेके, आउर ओहे हरेक झन के जइसन चाहेला तइसन बाँइट देवेला।

1 कुरिनथियनमन 2:10

परमेश्‍वर इ गोइठमन के, हमरे यीशु मसीह केर चुनल खास चेलामन उपरे अपन पवितर आत्मा बटले दिस्तार काइर हे, काले कि पवितर आत्मा लगिन कोनोवें गोइठमन लुकल नखे, उ सोउब कुछ के जाँचेला हिंयाँ तक कि परमेश्‍वर केर मनसा के हों जाँचेला, जेके आदमीमन एखन तक नी जानैना।

2 कुरिनथियनमन 11:3

मगर मोंय डरावना कि जइसन शैतान साँप केर रूप में अपन चलाँकी से पहिला जनाना हव्वा के बहकालक, तइसनेहें तोहरे केर मन के हों उ सिधाई आउर पवितरता से मसीह के जे आदर देवेक चाही, उकर से कहीं दूर ना काइर देओक।

कुलुसियनमन 2:18

केऊ हों आदमी जे नरम बनेक केर देखावा करेला आउर स्वरगदूतमन केर पूजा करेक में लीन रहेला, तोहरे के तोहर इनाम से दूर करेक ना पारोक, एइसन आदमी अपन देखल झूठा ईश्‍वरीय दर्शनमन केर बखाइन बिस्तार से करेला आउर इ दुनिया केर बुद्धि केर चलते घमंड से फूइल जायला।

2 तीमुथियुस 3:13

मगर दुष्ट आउर बहकाएक वालामन धोखा देते आउर धोखा खाते, बिगड़ते चाइल जाबैं।

2 तीमुथियुस 4:4

उमन सच्चाई केर संदेश के नी सुनबैं, मगर झूठा कहानीमन के सुनबैं जेके आदमीमन बनाय हैं।

याकूब 3:15

इ गेयान उ ना लगे, जे परमेश्‍वर बटले आवेला मगर इ दुनियादारी आउर काया आउर शैतान केर बटले अहे।

1 पतरस 1:20

इ दुनिया केर सिरजाल जाएक से पहिले, परमेश्‍वर पहिलेहें से ठहराय लेई रहे कि यीशु मसीह छोड़ाएक वाला होवी। मगर उ तोहर मदइत करेक लगिन इ आखरी दिनमन में धरती में आलक।

2 पतरस 2:1

जे लेखे ढेइर समय पहिले इसराइलीमन केर माझे परमेश्‍वर केर संदेश के बताएक वाला झूठा आदमीमन रहैं, ओहे लेखे तोहर माझे हों झूठा उपदेस देवेक वालामन होबैं, उमन झूठा गेयानमन के चुप हें से फैलाय देबैं, जे आदमीमन के मसीह में बिसवास करेक से रोइक देवी। उ झूठा गेयान के पढ़ाएक वालामन मसीह के अपन मालिक मानेक से हों मना काइर देबैं। जे उमन केर मालिक हेके आउर उमन के पाप केर शक्ति से छुटकारा देई हे। इ लेखे उमन खुद के नाश काइर देबैं।

2 पतरस 3:3

सोउब से जरुरी गोइठ तोहरे के समझेक चाही कि मसीह केर घूइर आवेक से पहिले एइसन आदमीमन होबैं, जे तोहर मजाक उड़ाबैं, काले कि तोहरे बिसवास कराला कि मसीह फिन से घूइर आवी। उमन आदत से मजबूर होई के बुरा काममन के करबैं।

1 यूहन्ना 2:18

हे दुलार छउवामन, इ आखरी समय हेके आउर जइसन तोहरेमन सुइन हा कि मसीह केर बिरोधी आवेक वाला अहे, उकर मोताबिक एखन हों ढेइर मसीह केर बिरोध करेक वालामन उइठ ठड़ाय हैं। इकर से हमरे जानिला कि इ आखरी समय हेके।

1 यूहन्ना 4:6

हमरेमन परमेश्‍वर केर हेकी। जे परमेश्‍वर के जानेला, उ हमरेमन केर सुनेला, जे परमेश्‍वर के नी जानेला उ हमरेमन केर नी सुनेला। हमरेमन इ लेखे सच्चाई केर आत्मा आउर झूठा आत्मा के जाइन लेविला।

यहूदा 1:18

उमन तोहरेमन से कहत रहैं, “आखरी समय में एइसन मजाक करेक वालामन आबैं, जे अपन अधरम केर वासनामन केर इच्छामन केर मोताबिक चाल चलबैं।”

यहूदा 1:4

काले कि थोरेक आदमीमन जे यीशु मसीह में बिसवास करेक केर देखावा करैना उमन तोहर माझे आय मिल हैं, उमन परमेश्‍वर के नी मानैना आउर गलत शिक्षा देवैना कि परमेश्‍वर अपन किरपा से हमरे केर पापमन के क्षमा काइर देवेला, एहे लगिन हमरे गलत काम में जिंदगी जियेक पारिला। उमन यीशु मसीह के इनकार करैना जे हमर एके गो मालिक आउर प्रभु हेके। ढेइर समय पहिले पवितर किताब में लिखल जाय रहे कि परमेश्‍वर एइसन आदमीमन के सजा देवी।

प्रकाशितवाक्य 13:14

आउर उ चिन्हामन केर खातिर जेके उ जानवर केर सामने देखाएक केर अधिकार उके देवल जाय रहे, उ धरती केर रहेक वाला आदमीमन के बहकात रहे आउर उमन से इ कहत रहे कि जे जानवर के तलवाइर लाइग रहे, उ जी जाय हे, उकर मूर्ति बनावा।

प्रकाशितवाक्य 16:14

इमन चिन्हा देखाएक वाला भूतमन हेकैं, जे समूचा दुनिया केर राजामन ठिना निकइल के इ लगिन जायना कि उमन के सर्वशक्तिमान परमेश्‍वर केर उ महान दिन केर लड़ाई लगिन जमा करोक।

प्रकाशितवाक्य 18:2

उ जोर से कहलक, “धाँइस गेलक, महान देस बेबीलोन धाँइस जाय हे! उ भूतमन केर डेरा आउर हर एक अशुद्ध आत्मामन केर अड्डा आउर हर एक अशुद्ध आउर घिनघिना चरई केर अड्डा बाइन गेलक।

प्रकाशितवाक्य 18:23

दीया केर इंजोत कहियो तोर में फिन नी चमकी आउर दूल्हा आउर दुलहिन केर आवाज कहियो तोर में फिन नी सुनाई देई, काले कि तोर बेपारीमन धरती केर खास आदमीमन रहैं, आउर तोर ओझा से सोउब जाइतमन भरमाल जाय रहैं।

प्रकाशितवाक्य 19:20

आउर उ जानवर आउर उकर संगे झूठा संदेश देवेक वाला धराय गेलक। इ झूठा संदेश देवेक वाला ओहे हेके, जे उ जानवर केर बटले चमत्कार केर चिन्हा देखात रहे आउर उ सोउब आदमीमन के बहकाय देई रहे, जेमन केर उपरे उ जानवर केर छाप रहे, आउर जेमन उकर मूर्ति केर पूजा करत रहैं। इ दुयो के जीते-जी आइग केर झील में जे गंधक से बरेला, साइज देलैं।

प्रकाशितवाक्य 2:11

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला: जे जीत जाई, उके दूसरा मरण से कोनों हानि नी होवी।

प्रकाशितवाक्य 2:17

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला: जे जीत जाई, उके मोंय लुकल मन्ना में से देमूँ, आउर उके एगो चरका पखना हों देमूँ, आउर उ पखना में एगो नाँव लिखल होवी, जेके उके पावेक वालामन केर सिवाय आउर केऊ नी जानी।

प्रकाशितवाक्य 2:29

जेमन केर कान अहे, उमन सुइन लेवा कि पवितर आत्मा कलीसिया केर आदमीमन से का कहेला।

प्रकाशितवाक्य 2:7

जेमन केर कान अहे उमन धेयान से सुइन लेवा कि पवितर आत्मा कलीसिया केर आदमीमन से का कहेला। जे जीत जाई, उके मोंय उ जिंदगी केर गाँछ में से जे परमेश्‍वर केर स्वरग लोक में अहे, खाएक लगिन फार देमूँ।

प्रकाशितवाक्य 20:10

आउर उमन के बहकाएक वाला शैतान आइग आउर गंधक केर उ झील में, जेकर में उ खूंखार जानवर आउर झूठा संदेश देवेक वाला आदमी हों होवी, साइज देवल जाई, आउर उमन जुग-जुग राइत दिन बाथा में तड़पते रहबैं।

प्रकाशितवाक्य 20:8

तब उ, उ जाइत केर आदमीमन के जे धरती केर चाइरो बटे होबैं, मतलब गोग आउर मागोग के जेमन केर हिसाब समुदर केर बालू केर बराबइर होवी, बहकाय के लड़ाई केर लगिन जमा करेक ले निकली।

प्रकाशितवाक्य 3:13

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला।

प्रकाशितवाक्य 3:22

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला।”

प्रकाशितवाक्य 3:6

जेमन केर कान अहे, उमन धेयान से सुइन लेवा कि पवितर आत्मा कलीसिया केर आदमीमन से का कहेला।

प्रकाशितवाक्य 9:20

आउर बचल आदमीमन जे उ बिपइतमन से नी मोइर रहैं अपन हाँथमन केर बुरा काममन के करेक नी छोड़लैं। उमन भूत-प्रेतमन आउर, सोना, चाँदी, पीतल, पखना आउर काठ केर बनाल मूर्तिमन केर पूजा करेक नी छोड़लैं, जेमन ना देखेक पारैना, ना सुनेक पारैना आउर ना हें चलेक पारैना।