1 तीमुथियुस 3:9 - सादरी नवाँ नियम

⁹ मगर उके शुद्ध बिवेक से इ बिसवास करेक चाही कि परमेश्‍वर उके जे शिक्षामन के देई हे उ सच हेके।

1 तीमुथियुस 3:9 Iomraidhean Croise

1 तीमुथियुस 1:19

आउर तोके मसीह उपरे बिसवास में बनल रहेक चाही आउर तोर में एगो शुद्ध बिवेक होवेक चाही। थोरेक आदमीमन उ शुद्ध बिवेक के छोइड़ देलैं जेकर नतीजा इ होलक कि अब उमन बिसवास में नखैं।

1 तीमुथियुस 1:5

तोहरे के इ आगया देवेक केर मोर मकसद इ हेके कि तोहरे एक दोसर के सच्चा मन, शुद्ध बिवेक आउर पूरा बिसवास से प्रेम करा।

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।