1 तीमुथियुस 3:8 - सादरी नवाँ नियम

⁸ कलीसिया केर सेवकमन के हों एइसन आदमी होवेक चाही, जेकर आदमीमन आदर करैना, उके ईमानदार होवेक चाही, उके पियंक्कड़ आउर अपन फायदा केर लगिन कोनोवें काम करेक वाला नी होवेक चाही।

1 तीमुथियुस 3:8 Iomraidhean Croise

रोमानियनमन 3:13

उमन गंदा गोठियायना जेमन खुला मसना केर बसाएक नियर बसायना, उ मनक जीभ में झूठ भरल अहे, उ मनक गोइठ साँप केर बिष नियर अहे, जे आदमी केर प्राण के लेई लेवेला।

फिलिप्पियनमन 1:1

इ चिट्ठी यीशु मसीह केर दास मोंय पौलुस आउर तीमुथियुस बटले हेके। मोंय इ चिट्ठी फिलिप्पी शहर में रहेक वाला परमेश्‍वर केर सोउब पवितर आदमीमन, अगुवामन आउर सेवकमन केर नाँव में लिखाथों, जेमन मसीह यीशु केर हेकैं।

1 तीमुथियुस 3:12

सेवक के एके गो जनाना केर पति होवेक चाही, आउर अपन छउवा पुतामन के ठीक से सिखाएक वाला आउर अपन घर केर अच्छा इंतिजाम करेक वाला हों होवेक चाही।

1 तीमुथियुस 3:2

से लगिन अगुवा के निरदोष, आउर सिरिफ एके गो जनाना केर पति, संयम से रहेक वाला, आउर जे कोनों उ करेला उकर में खुद कब्जा करेक वाला, सभ्य, अपन घर में गोतियामन केर खातिरदारी करेक वाला, आउर सिखाएक में होशियार होवेक चाही।

1 तीमुथियुस 3:3

उ पियंक्कड़ आउर मार पीट करेक वाला आउर लड़ाई झगरा करेक वाला आउर धन केर लोभ करेक वाला नी होवेक चाही, मगर नरम स्वभाव वाला होवेक चाही।

1 तीमुथियुस 5:23

अब से सिरिफ पानी भइर के पियेक वाला ना रह, मगर अपन पेट केर ठीक से हजम होवेक लगिन आउर घरी-घरी बेमार होवेक से बचेक लगिन, थोरे-थोरे अंगूर केर रस हों पी।

तीतुस 1:7

काले कि अगुवा के परमेश्‍वर केर काम सोंपल जाएक केर चलते निरदोष होवेक चाही, उके ना घमंडी, ना तुरते खिसाएक वाला, ना पियंक्कड़, ना मार पीट करेक वाला, आउर ना ही रुपया केर लालची होवेक चाही।

तीतुस 2:3

एहे लेखे बुढ़िया जनानामन के उ जनानामन नियर ब्यवहार करेक चाही जेमन परमेश्‍वर केर लगिन भक्ति केर जिंदगी जियैना। उमन दोसरमन केर निंदा करेक वाला आउर पियंक्कड़ ना होवोक, मगर उमन के दोसरमन के बेस जिंदगी जियेक केर तरीका सिखाएक चाही।

याकूब 3:10

एहे मुँह से हमरे धन्यबाद देवीला आउर एहे मुँह से सराप देवीला। हे मोर भाईमन, एइसन बिलकुल नी होवेक चाही।

1 पतरस 5:2

उ बिसवासीमन केर उ झूँड़ केर देखभाल करा, जे परमेश्‍वर केर हेके आउर जेके तोहरे के देखभाल करेक ले जिमा देवल जाय हे। खुशी से उमन केर देख-भाल करा, इ लगिन निहीं कि तोहरे मजबूर अहा। एहे परमेश्‍वर चाहेला कि तोहरे करा, इ काम नीच कमाई लगिन ना करा मगर परमेश्‍वर आउर आदमीमन केर सेवा करेक केर इच्छा से करा।