1 तीमुथियुस 3:7 - सादरी नवाँ नियम

⁷ आउर उकर बारे में कलीसिया से बाहरे केर आदमीमन के हों कहेक चाही कि उ ठीक आदमी हेके, ताकि उकर बदनामी ना होवोक आउर उ शैतान केर जाल में ना फँसोक।

1 तीमुथियुस 3:7 Iomraidhean Croise

मरकुस 4:11

यीशु उमन के जबाब देलक, “तोहरेमन के तो परमेश्‍वर केर राइज केर भेद के जानेक केर समझ देवल जाय हे, मगर उमन के जेमन मोर उपरे बिसवास नी करैना सोउब गोइठमन के उदाहरन से बताल जायला।

खास चेलामन केर काम 10:22

उमन इ जबाब देलैं, “हमरे के सूबेदार कुरनेलियुस तोर ठिना भेइज हे। उ परमेश्‍वर केर उपरे बिसवास करेक वाला आउर उकर डार मानेक वाला हेके, आउर सोउब यहूदी मनक समाज में इज्जतदार अहे। उके पवितर स्वरगदूत बटले इ आगया मिल हे कि उ तोके बोलाय के अपन परिवार केर सोउब आदमीमन केर संगे तोर से बचन सुनोक।”

खास चेलामन केर काम 22:12

हूवाँ हनन्याह नाँव केर एगो आदमी रहे, जे मूसा केर नियम केर मोताबिक चलेक वाला एगो भक्त आदमी रहे, आउर हूवाँ केर रहेक वाला यहूदी आदमीमन में उकर बेस नाँव रहे।

खास चेलामन केर काम 6:3

से लगिन, हे बिसवासी भाईमन, अपन में से सात झन मरदानामन के चुइन लेवा जेमन पवितर आत्मा आउर बुद्धि से भरल अहैं आउर उमन के सोउबमन जानैना। हमरेमन इ काम केर जिम्मेदारी उमन के देब।

1 कुरिनथियनमन 10:32

तोहरेमन ना यूनानी आदमीमन केर लगिन, ना यहूदीमन केर लगिन आउर ना परमेश्‍वर केर कलीसिया लगिन ठोकर केर कारण बना।

1 कुरिनथियनमन 5:12

काले कि जेमन बिसवासी ना लगैं उमन के दोषी ठहराएक हमरे केर जिम्मेदारी ना लगे, मगर जेमन हमरे केर कलीसिया केर हिस्सा हेकैं उमन के हमरे के जरूर चेताएक अहे।

2 कुरिनथियनमन 6:3

परमेश्‍वर संगे काम करेक वाला केर रूप में, हमरे कोनों गोइठ में ठोकर खाएक केर कोनोवें मोका नी देवीला, ताकि हमरे केर सेवा उपरे केऊ कोनों रकम केर दोष ना लगाओक।

2 कुरिनथियनमन 8:21

काले कि जे गोइठमन सिरिफ प्रभु केर भीरे हें निहीं, मगर आदमीमन केर भीरे हों भला अहे, ओहे काममन के हमरे करेक ले धेयान देवीला।

कुलुसियनमन 4:5

अबिसवासीमन केर संगे बुद्धिमानी से बरताव करा। हरेक मोका के किमती जाइन के उके ठीक से इस्तेमाल करा।

1थिस्सलुनीकियनमन 4:12

ताकि अबिसवासीमन देखबैं कि तोहरे हर दिन कइसन ब्यवहार कराला, आउर तोहर आदर करबैं आउर तोहरेमन में कोनों चीज केर घटी ना होवोक।

1थिस्सलुनीकियनमन 5:22

सोउब रकम केर बुराई से बचल रहा।

1 तीमुथियुस 3:6

फिन उ आदमी नवाँ बिसवासी नी होवेक चाही, कहीं एइसन ना होवोक कि उ घमंडी बाइन जाई, आउर परमेश्‍वर उके ओहे नियर दंड देवी जइसन शैतान के घमंडी होवेक केर चलते दंड देलक।

1 तीमुथियुस 5:14

इ लगिन मोंय सलहा देवेक चाहोना कि जवान बिधवामन बिहा करोक, आउर परिवार बसाय के अपन घर-दुरा के संभराओक, ताकि केऊ दुश्मन के बदनाम करेक केर मोका ना मिलोक।

1 तीमुथियुस 6:9

मगर जेमन धनी होवेक चाहैना उमन सोउब रकम केर पाप करेक लगिन सहजे धोखा खाय जायना, आउर एगो शिकार नियर शिकारी केर फँसरी में फाँइस जायना। उमन एइसन चीजमन के करेक खोजैना जे बेकार आउर नोकसान करेक वाला हेके, जे उमन के बरबाद आउर नाश काइर देवी।

2 तीमुथियुस 2:26

आउर इकर से उमन होस में आय जाबैं, आउर शैतान केर कब्जा से बचेक पारबैं। जे उमन के धोखा से अपन इच्छा पूरा करवाएक लगिन कब्जा काइर हे।

तीतुस 2:5

आउर संयम, अपन पति केर परती ईमानदार, घर के बेस से चलाएक वाला, दोसरमन के दया करेक वाला आउर अपन-अपन पति केर आदर करेक वाला होवोक, ताकि केऊ परमेश्‍वर केर संदेश केर बारे में निंदा करेक ना पारोक।

तीतुस 2:8

आउर सच्चाई के एइसन सिखाव जेकर बुराई करेक नी पराई, ताकि तोर दुश्मन के बिरोध में कहेक केर कोनों मोका ना मिलोक आउर उ लाजिम होई जाओक।

3 यूहन्ना 1:12

कलीसिया में सोउब केऊ कहैना कि देमेत्रियुस एगो बेस आदमी हेके काले कि उकर ब्यवहार परमेश्‍वर केर बचन केर मोताबिक अहे। आउर हमरेमन हों गवाही देवीला कि उ बेस आदमी हेके आउर तोंय जानिसला कि हमरेमन केर गवाही सच हेके।