1 तीमुथियुस 3:3 - सादरी नवाँ नियम

³ उ पियंक्कड़ आउर मार पीट करेक वाला आउर लड़ाई झगरा करेक वाला आउर धन केर लोभ करेक वाला नी होवेक चाही, मगर नरम स्वभाव वाला होवेक चाही।

1 तीमुथियुस 3:3 Iomraidhean Croise

मत्ती 21:13

आउर यीशु उमन से कहलक, “पवितर किताब में लिखल अहे, ‘मोर घर प्रार्थना केर घर कहाई’, मगर तोहरेमन इके डाकू मनक अड्डा बनाथा।”

खास चेलामन केर काम 20:33

मोंय कहियो केकरो चाँदी, सोना या लुगा केर लोभ नी करलों।

रोमानियनमन 16:18

काले कि एइसन आदमीमन हमर प्रभु मसीह केर निहीं, मगर अपन फायदा लगिन सेवा करैना, आउर उमन मिठा-मिठा गोइठमन से सीधा-सादा आदमीमन के बहकाय देवैना।

इफिसियनमन 5:18

आउर दारू पी के मतवारी ना करा, इकर से आदमीमन निरलज ब्यवहार करैना, मगर पवितर आत्मा से भरते जावा।

1थिस्सलुनीकियनमन 5:14

आउर हे भाईमन, हमरे तोहरेमन से अरजी करिला कि जेमन आलसी अहैं उमन के चेतावनी देवा, आउर उमन के उसकावा जेमन डरपोक अहैं, कमजोरमन केर सहायता करा, आउर सोउब कर लगिन सहेक वाला बना।

1 तीमुथियुस 3:8

कलीसिया केर सेवकमन के हों एइसन आदमी होवेक चाही, जेकर आदमीमन आदर करैना, उके ईमानदार होवेक चाही, उके पियंक्कड़ आउर अपन फायदा केर लगिन कोनोवें काम करेक वाला नी होवेक चाही।

2 तीमुथियुस 3:2

काले कि आदमीमन सिरिफ अपनेहें चिंता करबैं, धन केर लोभी होबैं, बड़े-बड़े गोइठ गोठियाबैं, घमंडी होबैं, दोसर मनक निंदा करबैं, आयो-आबा केर आगया नी मानबैं, उमन मदइत करेक वालामन के हों धन्यबाद नी देबैं, आउर अपवितर होबैं,

तीतुस 1:11

इमन के सिखाएक केर आगया ना दे, काले कि जब इमन उ गोइठमन के सिखायना जेके नी सिखाएक चाही, तब उमन पूरा परिवार केर आदमी मन केर बिसवास के मेटाय देवैना। उमन एइसन रुपया कमाएक लगिन करैना।

तीतुस 1:7

काले कि अगुवा के परमेश्‍वर केर काम सोंपल जाएक केर चलते निरदोष होवेक चाही, उके ना घमंडी, ना तुरते खिसाएक वाला, ना पियंक्कड़, ना मार पीट करेक वाला, आउर ना ही रुपया केर लालची होवेक चाही।

तीतुस 2:3

एहे लेखे बुढ़िया जनानामन के उ जनानामन नियर ब्यवहार करेक चाही जेमन परमेश्‍वर केर लगिन भक्ति केर जिंदगी जियैना। उमन दोसरमन केर निंदा करेक वाला आउर पियंक्कड़ ना होवोक, मगर उमन के दोसरमन के बेस जिंदगी जियेक केर तरीका सिखाएक चाही।

तीतुस 3:2

केखो बदनाम ना करोक आउर ना केकरो से झगरा लड़ोक, मगर किरपा करेक वाला स्वभाव से रहोक, आउर सोउब आदमीमन केर संगे नरम बाइन के रहोक।

इब्रानीमन 13:5

तोहरे के धन केर लोभ नी करेक चाही, तोहरे ठिना जे कोनों अहे उकरे में संतोष रहा, काले कि परमेश्‍वर खुद कइह हे “मोंय तोके कहियो नी छोड़मूँ, आउर ना कहियो ठोकरामूँ।”

याकूब 4:1

तोहर माझे लड़ाईमन आउर झगरामन काले होवेला? इ उ स्वार्थी इच्छामन से आवेला जे तोहर अंगमन में लड़ते-भिड़ते रहेला।

1 पतरस 5:2

उ बिसवासीमन केर उ झूँड़ केर देखभाल करा, जे परमेश्‍वर केर हेके आउर जेके तोहरे के देखभाल करेक ले जिमा देवल जाय हे। खुशी से उमन केर देख-भाल करा, इ लगिन निहीं कि तोहरे मजबूर अहा। एहे परमेश्‍वर चाहेला कि तोहरे करा, इ काम नीच कमाई लगिन ना करा मगर परमेश्‍वर आउर आदमीमन केर सेवा करेक केर इच्छा से करा।

2 पतरस 2:3

इमन के पढ़ाएक वालामन लालची होबैं, आउर उमन बना-बनाल कहनीमन के सुनाय के तोहरे के धोखा देबैं ताकि तोहरे से पैसा कमाएक पारबैं। परमेश्‍वर ढेइर समय पहिलेहें फैसला काइर रहे कि उ उमन के दंड देवी आउर उ एइसन करेक लगिन तेयार अहे। उ पक्का उमन के नाश काइर देवी।

यहूदा 1:11

उमन केर उपरे हाय! उमन आदम केर बेटा कैन नियर चाल चलैना, जे अपन भाई के माइर मोराय रहे। रुपया केर लोभ केर खातिर उमन खुद उइसनेहें काम करैना जइसन बिलाम काइर रहे। उमन कोरह बंश केर आदमीमन नियर नाश होई जबैं, जेमन बिरोध काइर रहैं।

प्रकाशितवाक्य 1:9

मोंय यूहन्ना जे तोहर संगी बिसवासी आउर मसीह केर लगिन दुःख सहेक में, आउर आबा परमेश्‍वर केर राइज में, आउर धीरज केर संगे उ दुःखमन के सहेक में तोहर संगी हेकों, जे उ आदमीमन उपरे आवेला जेमन केर रिश्ता उकर संगे अहे। मोके पतमुस टापू में कैदी बनाय के भेइज देवल जाय रहे। काले कि मोंय आबा परमेश्‍वर केर बचन के परचार काइर रहों आउर यीशु केर सच्चा संदेश के बताय रहों।