1 तीमुथियुस 3:16 - सादरी नवाँ नियम

¹⁶ आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

1 तीमुथियुस 3:16 Iomraidhean Croise

मत्ती 1:23

“देखा, एगो कुँवारी गर्भवती होवी आउर एगो बेटा के जनम देवी आउर उकर नाँव इम्मानुएल रखल जाई” जेकर मतलब इ हेके “परमेश्‍वर हमर संगे अहे।”

मत्ती 13:11

यीशु जबाब देलक, “तोहरेमन के तो स्वरग राइज केर भेदमन के जानेक केर समझ देवल जाय हे, मगर उ आदमीमन के निहीं।

मत्ती 28:2

ओहे बेरा अचका एगो बड़का भूंईडोल होलक आउर प्रभु केर एगो दूत स्वरग से उतरलक आउर कबर ठिना आय के दुरा केर पखना के लुढ़काय देलक, आउर उकर उपरे बाइठ गेलक।

मत्ती 3:16

आउर यीशु बपतिस्मा जल संस्कार लेई के तुरते पानी में से उपरे आलक, आउर उकर लगिन स्वरग खुइल गेलक, आउर उ परमेश्‍वर केर आत्मा के पेरवाँ केर रूप में उतरते आउर अपन उपरे आते देखलक।

मत्ती 4:11

तब शैतान यीशु ठिना से चाइल गेलक आउर स्वरगदूतमन आय के उकर सेवा करेक लगलैं।

मरकुस 1:13

सुनसान ठाँव में यीशु चालीस दिन तक रहलक, हूवाँ सिरिफ बान केर जानवरमन रहत रहैं। शैतान उके चालीस दिन तक परखलक; मगर स्वरगदूतमन उकर सेवा करते रहलैं।

मरकुस 16:19

जब यीशु अपन चेलामन के इ सोउब गोइठमन के बतालक तब परमेश्‍वर उके स्वरग में उठाय लेलक आउर उ परमेश्‍वर केर संगे राइज करेक लगिन उकर भतखाइया बटे आदर केर साथ बाइठ गेलक।

मरकुस 16:5

जब उमन कबर ठिना पोहोंचलैं आउर कबर केर भीतरे गेलैं तो एगो जवान आदमी के चमकीला चरका लुगा पिंधल भतखाइया बटे बइठल देखलैं, आउर ढेइर हैरान होलैं।

लूका 2:32

उ परजाइत आदमीमन लगिन परमेश्‍वर के दिस्तार करेक वाला इंजोत हेके। आउर तोर नीज परजा इसराइली आदमीमन लगिन महिमा होवोक।”

लूका 20:44

पवितर किताब केर उ ठाँव में राजा दाऊद खुद हें मसीह के मोर प्रभु कहेला तो फिन उ सिरिफ राजा दाऊद केर बंश कइसन होवी?”

लूका 22:43

सेहे बेरा स्वरग से एगो दूत दिस्तार होलक आउर उके शक्ति देवेक लगलक।

लूका 24:4

उमन इ सोउब देइख के ताजुब होवत रहैं, सेहे बेरा दूई गो मरदानामन चमचमाते लुगा पिंधल उ मनक ठिना आय के ठड़ालैं।

लूका 24:51

आशीष देते-देते उ उमन से जुदा होई गेलक आउर स्वरग में उठाय लेवल गेलक।

यूहन्ना 1:14

आउर बचन एगो आदमी बनलक आउर उ आदमी किरपा आउर सच्चाई से भाइर के हमर माझे रहलक। आउर हमरे उकर एइसन महिमा देखली, जइसन परमेश्‍वर आबा केर बटे से आवल एकलौता बेटा केर महिमा।

यूहन्ना 13:3

यीशु इ जानत रहे कि आबा परमेश्‍वर सोउब कुछ उकर हाँथ में देई दे हे आउर एहो जानत रहे कि उ परमेश्‍वर ठिना से आय हे आउर परमेश्‍वर ठिना जाथे।

यूहन्ना 15:26

मगर मोंय आबा परमेश्‍वर बटे से तोहर लगिन एगो मदइत करेक वाला के भेजमूँ, उ सच्चाई केर आत्मा हेके, जे आबा परमेश्‍वर बटे से आवेला आउर जे सच्चाई हेके, उखे दिस्तार करेला। उ तोहरेमन के मोर बारे में बताई।

यूहन्ना 16:28

मोंय आबा परमेश्‍वर केर बटे से इ दुनिया में आय हों। आउर अब मोंय फिन इ दुनिया के छोइड़ के आबा परमेश्‍वर ठिना जाथों।”

यूहन्ना 17:5

आउर अब, हे आबा परमेश्‍वर, तोंय अपन संगे मोर महिमा उ महिमा से कर, जे दुनिया केर सिरजन होवेक से आगे मोर, तोर संगे रहे।

यूहन्ना 20:12

जहाँ यीशु केर लाश रखल रहे, दूई गो स्वरगदूतमन के चरका लुगा पिंधल एगो के मूँड़ बटे आउर दूसरा के गोड़ बटे बइठल देखलक।

यूहन्ना 6:62

जब तोहरेमन मोंय आदमी केर बेटा के स्वरग जाते देखबा जहाँ उ आगे रहे, तो तोहरेमन का कहबा?

खास चेलामन केर काम 1:19

इ गोइठ के यरुशलेम शहर केर रहेक वाला सोउब आदमीमन जाइन गेलैं। से लगिन उमन उ खेत केर नाँव अपन भाषा में ‘हकलदमा’ मतलब ‘लोहू केर खेत’ रखलैं।

खास चेलामन केर काम 10:34

तब पतरस कहेक शुरु करलक, “अब मोंय बेस लेखे जाइन गेलों कि परमेश्‍वर केकरो संगे भेद-भाव नी करेला।

खास चेलामन केर काम 14:27

हूवाँ पोंहइच के उमन कलीसिया केर आदमीमन के जमा करलैं आउर बतालैं कि परमेश्‍वर हमर संगे होई के कइसन बड़का-बड़का काम काइर हे! आउर उ कइसन परजाइत आदमीमन लगिन यीशु मसीह केर उपरे बिसवास करेक लगिन दुरा खोइल देई हे।

खास चेलामन केर काम 20:28

से लगिन तोहरे खुद केर आउर उ दल केर रखवाली करा जेकर लगिन पवितर आत्मा तोहरे के अगुवा चुइन हे, ताकि तोहरे परमेश्‍वर केर कलीसिया केर देखभाल करबा, जेके उ अपन बेटा केर लोहू देई के कीन लेई हे।

रोमानियनमन 10:18

मगर मोंय कहोना, इसराइलीमन जरूर हें यीशु मसीह केर संदेश के सुइन हैं, काले कि पवितर किताब में लिखल अहे, “उकर संदेश आउर बचन धरती केर सोउब आदमीमन ठिना आउर सोउब ठाँव में पोंहचाल गेलक।”

रोमानियनमन 16:25

अब परमेश्‍वर केर स्तुति होवोक, जे तोहरेमन के बिसवास में मजबूत बनाएक पारेला, उ शुभ समाचार केर द्वारा आउर यीशु मसीह केर संदेश केर द्वारा जेके मोंय आदमीमन के बतावना। इ मसीह केर बारे में संदेश भेद केर गोइठ हेके, जे शुरु से लुकल रहे मगर अब दिस्तार होलक।

रोमानियनमन 16:26

इ भेद केर गोइठमन परमेश्‍वर केर संदेश के बताएक वालामन केर पवितर किताब में लिखल जाएक से आउर जुग-जुग रहेक वाला परमेश्‍वर केर आगया से सोउब जाइत केर आदमीमन के पता चललक, ताकि उमन बिसवास करबैं आउर मानबैं।

रोमानियनमन 3:4

निहीं! बिलकुल निहीं! परमेश्‍वर हमेशा सच बतायला जइसन पवितर किताब में परमेश्‍वर केर बारे लिखल अहे, “तोर बचन तोके धरमी ठहरायला आउर जब तोंय न्याय करिसला तब तोंय जीत जाइसला।”

रोमानियनमन 8:3

काले कि जे काम के मूसा केर नियम हमरे केर पापी स्वभाव केर चलते कमजोर होई के नी करेक पारलक, उके परमेश्‍वर करलक मतलब अपनेहें बेटा के हमरे नियर पापी बनाय के, आउर हमरे केर पापमन लगिन बलिदान होवेक ले भेइज के पापी काया केर बराबइर में, आउर पाप केर बलिदान होवेक लगिन भेइज के, परमेश्‍वर मसीह केर काया में पाप केर दंड देलक।

रोमानियनमन 9:5

अब्राहम, इसहाक आउर याकूब उ मनक पुरखामन हेकैं, आउर मसीह खुद काया केर हिसाब से इसराइली रहे, सोउब केर उपरे राइज करेक वाला परमेश्‍वर केर महिमा जुग-जुग होते रहोक। आमीन।

1 कुरिनथियनमन 15:47

पहिला आदमी धरती से मतलब माटी से बनल रहे, दूसरा आदमी मसीह, जे दूसरा आदम हेके स्वरग से आलक।

1 कुरिनथियनमन 2:7

मगर जे गेयान केर गोइठमन के हमरे गोठियाइला उ परमेश्‍वर केर लुकल गेयान हेके, इके एखन तक केऊ नी बुझलैं। इकर से पहिले कि परमेश्‍वर धरती के बनालक, उ पहिलेहें फैसला काइर चुइक रहे कि उकर गेयान से हमरे के महिमा मिली।

2 कुरिनथियनमन 1:19

काले कि परमेश्‍वर केर बेटा यीशु मसीह केर परचार, हमरे, मतलब मोंय पौलुस, सीलास आउर तीमुथियुस केर जरिया से तोहर माझे होलक, उकर में कभी हाँ, आउर कभी निहीं, दुइयो नी रहे, मगर उकर में हाँ, आउर हाँ हें रहे।

गलातियनमन 2:8

काले कि जे परमेश्‍वर पतरस के यहूदीमन केर माझे यीशु केर चुनल खास चेला बनेक लगिन ठहरालक, ओहे परमेश्‍वर मोके परजाइत आदमीमन केर माझे यीशु केर चुनल खास चेला बनेक लगिन ठहराय हे।

गलातियनमन 4:4

मगर जब सही समय आलक, तो परमेश्‍वर अपन बेटा के इ दुनिया में भेजलक जे एगो जनाना से जनमलक, उ एगो यहूदी केर रूप में जनमलक आउर मूसा केर नियम के मानलक।

इफिसियनमन 1:9

आउर जे कोनों यीशु मसीह हमर लगिन करलक, उकर से परमेश्‍वर अपन लुकल योजना के हमरे के देखालक।

इफिसियनमन 6:19

तोहरे मोर लगिन हों प्रार्थना करा जेकर से गोठियाएक बेरा मोके एइसन गोइठ देवल जाओक कि मोंय निडर होई के शुभ समाचार केर भेद के बताएक पारमूँ।

कुलुसियनमन 1:23

अगर तोहरेमन केर बिसवास यीशु मसीह उपरे पोक्ता बनल रही, उ घर केर जइसन जे एगो मजबूत नेव केर उपरे खड़ा रहेला, आउर उ आसरा के नी छोड़बा जे शुभ समाचार उपरे बिसवास करेक से तोहरे के मिल हे, जेकर परचार आकाश केर हेंठे गोटा दुनिया में सोउब मनवा केर माझे करल जाय हे, आउर मोंय पौलुस ओहे शुभ समाचार केर परचार करोना।

कुलुसियनमन 1:27

काले कि परमेश्‍वर चाहत रहे कि उकर आदमीमन इ जाइन लेवोक कि मसीह केर धन आउर महिमा तोहरे परजाइत आदमीमन लगिन हों अहे। आउर उ भेद इ हेके कि मसीह जे महिमा केर आसरा हेके तोहरे में रहेला।

कुलुसियनमन 1:6

जे शुभ समाचार तोहर ठिना पोंहइच हे, आउर जइसन गोटा दुनिया भइर में फाइल जाथे, आउर ढेइर आदमीमन बिसवासी बाइन जाथैं, आउर तोहरे उके सुनला आउर उ सच्चा संदेश के पूरा पुरी बुइझ गेला कि परमेश्‍वर केतना किरपा से भरल अहे, आउर बिलकुल एहे गोइठ तोहर माझे में उ बेरा से होवाथे जब तोहरे पहिली बेर संदेश सुइन रहा।

कुलुसियनमन 2:2

आउर मोंय तोहरे सोउब के बिसवास में मजबूत करेक चाहोना जेकर से तोहरे प्रेम में एक संगे जोड़ल जबा आउर सच्चाई केर भरपूर समझ में धनवान बाइन जबा आउर परमेश्‍वर आबा केर लुकल गोइठ के जे मसीह हेके जाइन जबा।

2 थिस्सलुनीकियनमन 1:10

इ गोइठ उ दिन होवी जब यीशु अपन आदमीमन केर बटले महिमा पावेक आउर सोउब बिसवास करइयामन बटले आदर पावेक लगिन घूइर आवी, उ बेरा तोहरे हों उमन में शामिल रहबा काले कि तोहरेमन हमर गवाही में बिसवास करला।

2 थिस्सलुनीकियनमन 2:7

अधरम केर भेद तो एखन हों काम करते जाथे, मगर एखन एगो रोकेक वाला अहे, आउर जब तक उ दूर नी होई जाई, उ रोकल रही।

1 तीमुथियुस 3:9

मगर उके शुद्ध बिवेक से इ बिसवास करेक चाही कि परमेश्‍वर उके जे शिक्षामन के देई हे उ सच हेके।

इब्रानीमन 1:3

बेटा, परमेश्‍वर केर महिमा केर इंजोत हेके, उकर में हमरे इ देखेक पारिला कि परमेश्‍वर कइसन अहे, उ अपन शक्तिशाली बचनमन से सोउब चीजमन के जे बनाल जाय हे, स्थिर रहेक लगिन मदइत करेला, उ आदमीमन के उमन केर पापमन से शुद्ध काइर के, महिमा से भरल स्वरग में परमेश्‍वर केर भतखाइया आरा बइठल अहे।

इब्रानीमन 12:2

आउर बिसवास के सिरजाएक वाला आउर सिद्ध करेक वाला यीशु बटे धेयान लगाय रहब। जे उ खुशी केर लगिन, जे उके आवेक वाला दिन में मिलेक वाला रहे, लाज केर कोनों फिकिर नी काइर के क्रूस उपरे दुःख साइह के मोरलक आउर सिंहासन में परमेश्‍वर केर भतखाइया आरा बाइठ गेलक।

इब्रानीमन 7:7

हमरे पक्का जानिला कि जे आशीष देवेला उ आशीष पावेक वाला से बाड़ होवेला।

इब्रानीमन 8:1

अब जे गोइठमन हमरे कहाथी उमन में से सोउब से बाड़ गोइठ इ हेके कि हमरे केर एइसन महापुरोहित अहे, जे स्वरग में महिमा से भरल परमेश्‍वर केर सिंहासन केर भतखाइया आरा बाइठ हे।

1 पतरस 1:12

परमेश्‍वर अपन इ संदेश देवेक वालामन के बतालक कि इ संदेश उ मनक खुद लगिन निहीं बल्कि तोहर लगिन रहे। इ संदेश यीशु मसीह केर बारे में शुभ समाचार हेके जेके तोहरेमन एखन सुनला। परमेश्‍वर स्वरग से अपन पवितर आत्मा के भेजलक कि तोहरे के शुभ समाचार परचार करेक में आदमी मनक मदइत करोक। इ सोउब एतना अदभुत अहे कि स्वरगदूतमन हों लालसा से इ सोउब गोइठमन के होते देखत रहैं।

1 पतरस 1:20

इ दुनिया केर सिरजाल जाएक से पहिले, परमेश्‍वर पहिलेहें से ठहराय लेई रहे कि यीशु मसीह छोड़ाएक वाला होवी। मगर उ तोहर मदइत करेक लगिन इ आखरी दिनमन में धरती में आलक।

1 पतरस 1:21

यीशु मसीह जे हमर लगिन करलक उकर चलते तोहरे अब परमेश्‍वर उपरे आसरा कराला। उ ओहे हेके जे यीशु मसीह के मोरेक केर पाछे फिन जिंदा करलक आउर उके महिमा देलक। से लगिन तोहरे बिसवास कराला आउर परमेश्‍वर उपरे तोहर उमीद अब पक्का अहे।

1 पतरस 3:18

मोंय इ कहोना काले कि मसीह हों हमरे केर पापमन केर खातिर दुःख सहलक आउर मोइर गेलक। उ बस एक बेर मोरलक उके दोबारा फिन से मोरेक केर जरुरत नखे, उ एगो धरमी आदमी रहे जे पापी आदमीमन लगिन मोरलक कि उ हमरे के आबा परमेश्‍वर में लेगेग पारोक, उमन उकर काया के तो माइर मोरालैं मगर परमेश्‍वर उके पवितर आत्मा केर शक्ति से फिन से जिंदा काइर देलक।

1 पतरस 3:22

आउर उ स्वरग में चाइल गेलक। अब उ हूवाँ परमेश्‍वर केर भतखाइया आरा खास ठाँव में अहे, आउर उ सोउब स्वरगदूतमन आउर सोउब अधिकारीमन आउर शक्तिमन उपरे राइज करेला।

1 यूहन्ना 1:2

इ आदमी जे जिंदगी देवेला, धरती में आलक आउर हमरे उके देखली आउर उकर गवाही देवीला आउर तोहरेमन के उ जुग-जुग केर जिंदगी केर बारे में बताइला, जे आबा परमेश्‍वर केर संगे रहे आउर हमर उपरे दिस्तार होलक।

1 यूहन्ना 3:5

तोहरेमन जानाला कि यीशु मसीह दुनिया में इ लगिन आलक कि पापमन के मेटाय देवोक, आउर यीशु मसीह में कोनोवें पाप नखे।

1 यूहन्ना 3:8

जे केऊ पाप करते हें रहेला उ शैतान बटले हेके, काले कि शैतान शुरु हें से पाप करते आय हे। परमेश्‍वर केर बेटा इ लगिन आलक कि शैतान केर काममन के नाश करोक।

प्रकाशितवाक्य 17:5

उकर माथा उपरे एक नाँव लिखल रहे जेकर मतलब लुकल रहे। इ लेखे रहे, “महान देस बेबीलोन धरती केर बेश्यामन आउर घिनघिना चीजमन केर आयो।”

प्रकाशितवाक्य 17:7

तब उ स्वरगदूत मोर से कहलक, “तोंय काले ताजुब होले? मोंय इ जनाना, आउर उ जानवर केर, जेकर उपरे उ चढ़ल अहे, आउर जेकर सात गो मूँड़ आउर दस गो सींग अहे, तोके भेद बतावना।

प्रकाशितवाक्य 7:9

इकर पाछे मोंय देखलों कि मोर सामने एगो बड़का भीड़ ठड़ाल अहे, जेमन केर हिसाब केऊ करेक नी पारत रहैं। इ भीड़ में हरेक जाइत, हरेक गोतर, हरेक आदमीमन, आउर हरेक भाषा केर आदमीमन अहैं। उमन उ सिंहासन आउर उ मेमना केर सामने ठड़ाल अहैं। उमन चरका लुगा पिंधल अहैं आउर उमन अपन हाँथमन में खिजूर केर डाइर लेवल अहैं।