1 तीमुथियुस 3:15 - सादरी नवाँ नियम

¹⁵ कि अगर मोर आवेक में देरी होवी, तो तोंय जाइन ले कि परमेश्‍वर केर परिवार केर दोसर सदस्यमन केर संगे कइसन ब्यवहार करेक चाही। इ परिवार उ सोउबमन से मिल के बाइन हे जेमन यीशु मसीह उपरे बिसवास करैना, आउर जेके कलीसिया कहैना। इ बिसवासीमन सच्चा शिक्षामन के स्थिर रखेक में मदइत करैना, जइसन नेव आउर पाया मिल के घर के मजबूत रखेक में मदइत करेला।

1 तीमुथियुस 3:15 Iomraidhean Croise

मत्ती 16:16

सिमोन पतरस जबाब देलक, “तोंय जिंदा परमेश्‍वर केर बेटा मसीह हेकिस।”

मत्ती 18:18

मोंय तोहरेमन से सच कहाथों कि जे कोनों धरती में तोहर बटले जमा करल जाई, उ स्वरग में हों जमा होवी आउर जे कोनों तोहर बटले धरती में खुली, उ स्वरग में हों खोलल जाई।

यूहन्ना 1:17

परमेश्‍वर केर नियम मूसा बटले देवल जाय रहे, मगर परमेश्‍वर अपन किरपा आउर सच्चाई के यीशु मसीह बटले हमरे तक पोंहचालक।

यूहन्ना 14:6

यीशु उकर से कहलक, “डहर आउर सच्चाई आउर जिंदगी मोंय हें हेकों, बिना मोर से होई के केऊ आबा परमेश्‍वर ठिना पोंहचेक नी पारी।

यूहन्ना 18:37

पिलातुस यीशु से कहलक, “तो का तोंय राजा हेकिस?” यीशु उके जबाब देलक, “तोंय खुद हें कहाथिस कि मोंय राजा हेकों। मोर दुनिया में जनम लेवेक केर कारण एहे हेके कि मोंय आदमीमन के सच्चाई केर बारे में सिखामूँ, सच्चाई के मानेक वाला सोउब आदमीमन मोर गोइठ के सुनैना।”

यूहन्ना 6:69

आउर हमरे बिसवास करिला आउर जानिला कि परमेश्‍वर केर पवितर आदमी तोंय हें हेकिस।”

खास चेलामन केर काम 1:2

जे दिन उ परमेश्‍वर बटले स्वरग में उठाय लेवल गेलक, उकर से पहिले उ अपन खास चेलामन के, जेके उ खुद चुइन रहे, पवितर आत्मा केर मदइत से आगया देलक।

खास चेलामन केर काम 14:15

“हे आदमीमन, तोहरे इ का कराथा? हमरे हों तो तोहरेमन नियर सुख-दुःख उठाएक वाला आदमी हेकी, हमरे तोहरेमन लगिन इ शुभ समाचार लाइन ही कि तोहरे इ बेकार रीति-रिवाज के छोइड़ के जिंदा परमेश्‍वर बटे अपन मन के लगावा, जे आकाश आउर धरती आउर समुदर आउर जे कुछ उमन में अहे, सोउब के बनाय हे।

रोमानियनमन 3:2

मगर हाँ, यहूदी बनेक से ढेइर फायदा अहे, सोउब से खास बात तो इ अहे कि परमेश्‍वर केर बचन उमन के सोंपल गेलक।

रोमानियनमन 9:26

आउर ढेइर ठाँवमन में परमेश्‍वर कइह हे कि तोहरे मोर आदमी ना लगा, ओहे ठाँवमन में परमेश्‍वर उमन के हकाय के कही तोहरेमन मोर संतान हेका।”

1 कुरिनथियनमन 10:32

तोहरेमन ना यूनानी आदमीमन केर लगिन, ना यहूदीमन केर लगिन आउर ना परमेश्‍वर केर कलीसिया लगिन ठोकर केर कारण बना।

1 कुरिनथियनमन 3:16

तोहरेमन पक्का जानाला कि तोहरे खुद परमेश्‍वर केर मंदिर हेका, आउर परमेश्‍वर केर आत्मा तोहर में बास करेला।

2 कुरिनथियनमन 3:3

इ गोइठ सफा अहे कि तोहरे केर बदलाल जिंदगी एगो चिट्ठी हेके, जेके मसीह हमरे केर सेवा केर बदली में लीख हे, जे सियाही से निहीं, मगर परमेश्‍वर केर आत्मा से लिखल जाय हे।

2 कुरिनथियनमन 6:16

आउर परमेश्‍वर केर मंदिर केर रिश्ता मूर्तिमन से नखे, काले कि हमरे तो जिंदा परमेश्‍वर केर मंदिर हेकी, जइसन पवितर किताब में परमेश्‍वर कइह हे, “मोंय इ आदमीमन केर संगे रहमूँ आउर उमन केर संगे चलमूँ-फिरमूँ, मोंय उमन केर परमेश्‍वर होमूँ, आउर उमन मोर आदमी होबैं।”

2 कुरिनथियनमन 6:7

सच्चा प्रेम करेक से, सच गोइठ गोठियाएक से, परमेश्‍वर केर शक्ति से दुःख उठाइला, आउर धारमिकता से, जे हमरे ठिना हँथियार केर रूप में हमला करेक लगिन आउर खुद के बचाएक लगिन अहे,

गलातियनमन 2:9

आउर जेमन कलीसिया केर खूँटा समझल जायना, मतलब याकूब, पतरस (कैफा) आउर यूहन्ना, उमन परमेश्‍वर केर किरपा केर उ बरदान के जे मोके मिल हे जाइन गेलैं। उमन मोके आउर बरनाबास के अपन संगे काम करेक वाला समइझ के खुशी से अपन भतखाइया हाँथ के हिलालैं। उमन इकर लगिन सहमत होलैं कि हमरे परजाइत आदमीमन ठिना जाब आउर उमन यहूदीमन ठिना।

गलातियनमन 3:1

हे गलील परदेस केर रहेक वाला बिसवासीमन तोहरे केर दिमाग नखे, के तोहरे के भटकाय देलक? तोहरे केर तो आँइख केर सामने देखाएक नियर यीशु मसीह क्रूस उपरे देखाल गेलक।

इफिसियनमन 4:21

बल्कि जे कोनों तोहरेमन यीशु मसीह केर बारे में सुइन हा, आउर जे कोनों तोहर सिखाएक वालामन तोहरे के सिखाय हैं, ओहे मसीह केर सच्चा संदेश हेके।

कुलुसियनमन 1:5

तोहर इ बिसवास आउर प्रेम उ आसरा हेके, जे तोहरेमन लगिन स्वरग में रखल अहे। जेकर चरचा तोहरे उ शुभ समाचार केर सच्चा बचन में पहिलेहें से सुइन चुइक हा।

1थिस्सलुनीकियनमन 1:9

काले कि उमन खुद हें दोसरमन के बतायना कि जब हमरे तोहर ठिना आली तो तोहरेमन कइसन हमरे केर स्वागत करला। आउर तोहरे कइसन मूर्तिमन से दूर होई के परमेश्‍वर बटे घुरला, ताकि जिंदा आउर सच्चा परमेश्‍वर केर सेवा करबा।

1 तीमुथियुस 3:14

मोंय तोर ठिना जल्दी आवेक केर आसरा करते हुए हों इ गोइठमन के तोके इ लगिन लिखाथों

1 तीमुथियुस 3:16

आउर इकर में शंका नखे कि परमेश्‍वर जे शिक्षामन के खोइल देई हे, उ पूरा पुरी सच्चा अहे। मतलब, उ जे आदमी केर रूप में दिस्तार होलक, आउर उके पवितर आत्मा बटले परमेश्‍वर केर बेटा केर रूप में साबित करल गेलक, स्वरगदूतमन उके देखलैं, चेलामन दुनिया केर सोउब देस में उकर बारे में आदमीमन के खुश खबरी सुनालैं, दुनिया भइर केर आदमीमन उकर उपरे बिसवास करलैं, आउर परमेश्‍वर उके उपरे स्वरग में उठाय लेलक।

1 तीमुथियुस 3:2

से लगिन अगुवा के निरदोष, आउर सिरिफ एके गो जनाना केर पति, संयम से रहेक वाला, आउर जे कोनों उ करेला उकर में खुद कब्जा करेक वाला, सभ्य, अपन घर में गोतियामन केर खातिरदारी करेक वाला, आउर सिखाएक में होशियार होवेक चाही।

1 तीमुथियुस 3:5

जब केऊ आदमी अपनेहें परिवार केर लगिन अच्छा इंतिजाम करेक नी पारी, तो उ परमेश्‍वर केर कलीसिया केर देखभाल कइसन करी?

1 तीमुथियुस 4:10

से लगिन हमरे इ जिंदगी के पावेक लगिन कठिन मेहनइत करिला, काले कि हमरे जिंदा परमेश्‍वर उपरे आसरा करिला जे सोउब आदमीमन केर छुटकारा देवाइया हेके, खास काइर के उमन के जेमन उकर उपरे बिसवास करैना।

1 तीमुथियुस 6:16

सिरिफ ओहे एकला अहे जे सोउब दिन लगिन जिंदा अहे, उ एतना चमकदार इंजोत में रहेला कि केऊ हों उकर भीरे पोंहचेक नी पारी, उके ना तो केऊ आदमी देइख हे आउर ना कहियो देखेक पारी। उके आदर मिलोक आउर उकर शक्ति जुग-जुग रहोक। आमीन।

2 तीमुथियुस 2:19

फिन भी परमेश्‍वर केर आदमीमन एगो नेव नियर अहैं, जे नी हिलेला। उ नेव उपरे इ लिखल रहेला, “प्रभु जानेला कि उकर आदमीमन केमन हेकैं” आउर एहो जानेला “जे केऊ परमेश्‍वर केर आराधना करेला उके बुराई करेक नी चाही।”

2 तीमुथियुस 2:20

बाड़ घर में सोना चाँदी केर एकला निहीं, मगर काठ आउर माटी केर बासन हों रहेला, सोना चाँदी केर बासन आदर केर साथ इस्तेमाल होवेला। आउर काठ आउर माटी केर बासन निरादर केर साथ इस्तेमाल होवेला।

इब्रानीमन 10:21

हमरे ठिना एगो एइसन महापुरोहित अहे, जे परमेश्‍वर केर घर केर सोउब आदमीमन उपरे राइज करेला।

इब्रानीमन 12:22

मगर तोहरेमन सिय्योन पहार ठिना आय हा, जहाँ स्वरग केर यरुशलेम अहे, आउर जे जिंदा परमेश्‍वर केर नगर हेके, जहाँ लाखो स्वरगदूतमन खुशी मनायना।

इब्रानीमन 3:12

हे बिसवासी भाईमन, सावधान रहा कि तोहरेमन में एइसन बुरा आउर अबिसवासी मन ना होवोक, जे जिंदा परमेश्‍वर केर पिछे चलेक से इनकार काइर देओक।

इब्रानीमन 9:14

तो सोचा, मसीह केर लोहू आउर केतना बगरा हमरे के उ काममन से शुद्ध करी, जेकर सजा माउत हेके, ताकि हमरे जिंदा परमेश्‍वर केर आराधना करेक पारब। काले कि मसीह खुद के परमेश्‍वर लगिन जुग-जुग केर आत्मा केर शक्ति से सिद्ध बलिदान केर रूप में हमरे केर पापमन केर खातिर चढ़ाय देलक।

1 पतरस 4:17

काले कि फैसला करेक केर बेरा आय जाय हे कि पहिले परमेश्‍वर केर आदमीमन केर फैसला करल जाओक, आउर जबकि उ पहिले हमरे बिसवासीमन केर फैसला करी, से लगिन उ भयानक चीजमन केर बारे में सोचा, जे उ आदमीमन केर संगे होवी जेमन उ शुभ समाचार के नी मानैना, जे उकर बटले आवेला।

प्रकाशितवाक्य 7:2

फिन मोंय एक आउर स्वरगदूत के जिंदा परमेश्‍वर केर मोहर लेवल पूरब से उपरे बटे आते देखलों, उ चाइरो स्वरग दूतमन से जेमन के उ धरती आउर समुदर केर हानि करेक केर अधिकार देई रहे, ऊँचा आवाज से कहलक,