1 तीमुथियुस 3:13 - सादरी नवाँ नियम

¹³ काले कि जे सेवक केर काम अच्छा से करेक पारैना, उमन अपन लगिन दोसरमन से अच्छा आदर पावैना। आउर उमन यीशु मसीह उपरे अपन बिसवास केर बारे में साहस केर साथ बोलेक पारैना।

1 तीमुथियुस 3:13 Iomraidhean Croise

मत्ती 20:28

काले कि मोंय आदमी केर बेटा इकर लगिन नी आय हों कि मोर एगो महान राजा लेखे सेवा-सुसइर कराल जाई। मगर इकर लगिन आय हों कि मोंय खुद दोसर मनक सेवा-सुसइर करमूँ आउर ढेइर मनक पापमन से छुटकारा लगिन अपन जान देई देमूँ।”

मत्ती 25:21

उकर मालिक उकर से कहलक, ‘धाइन हे बेस आउर बिसवास लाएक धांगर, तोंय थोरेक धन के संभराएक में बिसवास लाएक रहले, मोंय तोके ढेइर चीजमन केर अधिकारी बनामूँ। अपन मालिक केर खुशी में भागीदार हो।’

लूका 19:17

इ सुइन के मालिक उकर से कहलक, ‘धाइन अहिस हे मोर बेस धांगर, तोंय ढेइर हें थोर में बिसवास लायक निकलले, से लगिन तोंय दस गो नगर केर उपरे अधिकार रख।’

खास चेलामन केर काम 21:35

जब पौलुस सीढ़ी में पोहोंचलक, तो भीड़ केर दबाव केर चलते पलटनमन के पौलुस के उठाय के लेई जाएक होलक।

खास चेलामन केर काम 6:15

धरम महासभा केर सोउब सदस्यमन धेयान से स्तिफनुस बटे देखत रहैं आउर उकर चेहरा स्वरगदूत केर चेहरा नियर चमकत रहे।

खास चेलामन केर काम 6:5

इ गोइठ सोउब बिसवासी चेलामन के बेस लगलक आउर उमन स्तिफनुस नाँव केर एगो आदमी के जे बिसवास आउर पवितर आत्मा से भरल रहे, आउर फिलिप्पुस, पुरखुरुस, निकानोर, तीमोन, परमिनास आउर अन्ताकिया गाँव केर नीकुलाउस के जे हाल में यहूदी बिसवासी बाइन रहे, चुइन लेलैं।

खास चेलामन केर काम 6:8

स्तिफनुस, जे उ सातों चुनल मरदानामन में से एगो रहे, परमेश्‍वर केर किरपा आउर शक्ति से भाइर के आदमीमन के बड़का-बड़का चमत्कार काम आउर चिन्हा देखात रहे।

1 कुरिनथियनमन 16:15

हे बिसवासी भाईमन, तोहरेमन स्तिफनास केर परिवार के जानाला कि उमन अखया परदेस केर पहिला बिसवासी हेकैं, आउर परमेश्‍वर केर आदमीमन केर सेवा करेक लगिन तेयार रहैना।

फिलिप्पियनमन 1:14

आउर मोर जेहेल में रहेक केर चलते ढेइर बिसवासी भाई बहिनमन के पोक्ता बिसवास होलक। उमन प्रभु में भरसा राइख के पहिले से एतना बगरा साहसी बाइन गेलैं कि बेगर कोनों डार केर परमेश्‍वर केर बचन के सुनाएक लगलैं।

1थिस्सलुनीकियनमन 2:2

मगर तोहरेमन जानाला कि हमरे पहिले फिलिप्पी शहर में दु:ख उठाली आउर हुड़दंग सहली, आउर परमेश्‍वर हमरे के एइसन साहस देलक कि हमरे परमेश्‍वर केर शुभ समाचार के हिंयाँ थिस्सलुनीके शहर में हों भारी बिरोधमन केर होते हुए हों तोहरेमन के सुनाली।

1 तीमुथियुस 3:14

मोंय तोर ठिना जल्दी आवेक केर आसरा करते हुए हों इ गोइठमन के तोके इ लगिन लिखाथों

2 तीमुथियुस 2:1

इ लगिन हे मोर बेटा तीमुथियुस, तोंय उ किरपा से जे यीशु मसीह में अहे, बलवान होई जा।

इब्रानीमन 6:10

काले कि परमेश्‍वर भला अहे, उ तोहरे जे काम काइर हा, आउर दोसर बिसवासीमन केर मदइत काइर के परमेश्‍वर के प्रेम देखाय हा उके नी भुलाई। आउर तोहरे एखनो तक उमन केर मदइत करते अहा उखो याइद करी।