1 तीमुथियुस 3:1 - सादरी नवाँ नियम

¹ आउर इ गोइठ सच हेके कि जे अगुवा बनेक चाहेला, उ भला काम केर इच्छा रखेला।

1 तीमुथियुस 3:1 Iomraidhean Croise

लूका 15:10

मोंय तोहरेमन से कहाथों कि एहे नियर पसताय के पाप करेक छोड़ेक वाला एगो पापी आदमी लगिन हों स्वरग में परमेश्‍वर केर दूतमन केर सामने खुशी मनाल जायला।”

खास चेलामन केर काम 1:20

राजा दाऊद भजन संहिता केर किताब में लीख हे, ‘उकर घर उजइर जाओक आउर उकर में केऊ ना बसोक,’ आउर राजा दाऊद दोसर ठिना एहो कइह हे, ‘उकर पद केऊ दूसरा लेई लेवोक।’

खास चेलामन केर काम 20:28

से लगिन तोहरे खुद केर आउर उ दल केर रखवाली करा जेकर लगिन पवितर आत्मा तोहरे के अगुवा चुइन हे, ताकि तोहरे परमेश्‍वर केर कलीसिया केर देखभाल करबा, जेके उ अपन बेटा केर लोहू देई के कीन लेई हे।

रोमानियनमन 11:13

मोंय तोहरे परजाइत आदमीमन से इ गोइठमन के कहोना, जबकि मोंय परजाइत आदमीमन लगिन यीशु केर चुनल खास चेला हेकों, इकर लगिन मोंय अपन सेवा केर घमंड करोना।

इफिसियनमन 4:12

उ आदमीमन के इ सोउब बरदानमन के इ लगिन देलक, ताकि उमन परमेश्‍वर केर आदमीमन के परमेश्‍वर केर लगिन काम करेक ले तेयार करबैं। आउर मसीह केर काया, मतलब, कलीसिया मजबूत होवेक पारोक।

फिलिप्पियनमन 1:1

इ चिट्ठी यीशु मसीह केर दास मोंय पौलुस आउर तीमुथियुस बटले हेके। मोंय इ चिट्ठी फिलिप्पी शहर में रहेक वाला परमेश्‍वर केर सोउब पवितर आदमीमन, अगुवामन आउर सेवकमन केर नाँव में लिखाथों, जेमन मसीह यीशु केर हेकैं।

1थिस्सलुनीकियनमन 5:14

आउर हे भाईमन, हमरे तोहरेमन से अरजी करिला कि जेमन आलसी अहैं उमन के चेतावनी देवा, आउर उमन के उसकावा जेमन डरपोक अहैं, कमजोरमन केर सहायता करा, आउर सोउब कर लगिन सहेक वाला बना।

1 तीमुथियुस 1:15

इ गोइठ सच आउर सोउब रकम से मानेक केर लाएक अहे कि मसीह यीशु हमरे पापीमन के बचाएक लगिन दुनिया में आलक, जेमन में से सोउब से बगरा पापी मोंय हेकों।

1 तीमुथियुस 4:9

आउर इ गोइठ सच आउर सोउब रकम से मानेक केर लाएक अहे।

2 तीमुथियुस 2:11

इ गोइठ सच हेके कि अगर हमरे उकर संगे मोइर जाय ही, तो उकर संगे जियब हों।

तीतुस 1:7

काले कि अगुवा के परमेश्‍वर केर काम सोंपल जाएक केर चलते निरदोष होवेक चाही, उके ना घमंडी, ना तुरते खिसाएक वाला, ना पियंक्कड़, ना मार पीट करेक वाला, आउर ना ही रुपया केर लालची होवेक चाही।

तीतुस 3:8

इ गोइठ सच हेके आउर मोंय चाहोना कि तोंय इ गोइठमन केर बारे में बिसवासीमन के पोक्ता से सिखाबे, इ लगिन कि जेमन परमेश्‍वर उपरे बिसवास काइर हैं, उमन भला काममन के करते रहेक में धेयान देवोक, इ गोइठमन बेस आउर आदमीमन लगिन फायदा केर हेके।

इब्रानीमन 12:15

आउर सावधान रहा, एइसन ना होवोक कि केऊ परमेश्‍वर केर किरपा से अलग होई जाओक, आउर तोहरे के दुःख देवेक वाला ना बाइन जाओक। काले कि एइसन आदमी ढेइर आदमीमन केर जिंदगी के नाश करेक पारेला।

1 पतरस 2:25

पहिले तोहरेमन हेराल भेड़ीमन नियर रहा, मगर अब तोहरेमन तोहर आत्मामन केर चरवाही आउर देखभाल करेक वाला अगुवा मसीह ठिना घूइर जाय हा।

1 पतरस 4:15

तोहर में से केऊ आदमी हत्यारा चाहे चोर, चाहे बुरा काम करेक से चाहे दोसर मनक काम के रोकेक केर चलते दुःख ना पाओक।

1 पतरस 5:2

उ बिसवासीमन केर उ झूँड़ केर देखभाल करा, जे परमेश्‍वर केर हेके आउर जेके तोहरे के देखभाल करेक ले जिमा देवल जाय हे। खुशी से उमन केर देख-भाल करा, इ लगिन निहीं कि तोहरे मजबूर अहा। एहे परमेश्‍वर चाहेला कि तोहरे करा, इ काम नीच कमाई लगिन ना करा मगर परमेश्‍वर आउर आदमीमन केर सेवा करेक केर इच्छा से करा।