1 तीमुथियुस 2:5 - सादरी नवाँ नियम

⁵ काले कि सिरिफ एके गो परमेश्‍वर अहे, आउर परमेश्‍वर आउर आदमीमन केर माझे हों एके गो आदमी अहे, मतलब यीशु मसीह, जे आदमीमन के परमेश्‍वर से मिलाएक पारेला।

1 तीमुथियुस 2:5 Iomraidhean Croise

मत्ती 1:1

यीशु मसीह केर पुरखामन केर नाँव जेमन राजा दाऊद केर संतान रहैं, आउर राजा दाऊद अब्राहम केर संतान रहे, इ लेखे अहे:

मत्ती 1:23

“देखा, एगो कुँवारी गर्भवती होवी आउर एगो बेटा के जनम देवी आउर उकर नाँव इम्मानुएल रखल जाई” जेकर मतलब इ हेके “परमेश्‍वर हमर संगे अहे।”

लूका 14:22

धांगर जाय के तइसनेहें आदमीमन के बतालक, फिन घूइर आय के मालिक से कहलक, ‘हे मालिक, जइसन तोंय कइह रहिस, तइसनेहें मोंय करलों, मगर भोज घर में आउर हें ठाँव बचल अहे।’

यूहन्ना 1:14

आउर बचन एगो आदमी बनलक आउर उ आदमी किरपा आउर सच्चाई से भाइर के हमर माझे रहलक। आउर हमरे उकर एइसन महिमा देखली, जइसन परमेश्‍वर आबा केर बटे से आवल एकलौता बेटा केर महिमा।

यूहन्ना 17:3

आउर जुग-जुग केर जिंदगी इ हेके कि उमन तोके जे एके गो सच्चा परमेश्‍वर हेकिस आउर मोंय यीशु मसीह के, जेके तोंय भेइज हिस, जानोक।

खास चेलामन केर काम 4:12

यीशु केर अलावा आउर केऊ दोसर से छुटकारा नी मिली, काले कि गोटा दुनिया में आदमीमन केर माझे, कोनों दोसर नाँव नी देवल जाय हे, जेकर से हमरे के छुटकारा मिली।”

रोमानियनमन 1:3

इ शुभ समाचार उकर बेटा हमर प्रभु यीशु मसीह केर बारे में अहे, जे काया केर हिसाब से तो दाऊद केर बंश से जनमलक।

1 कुरिनथियनमन 8:4

मोंय मूर्तिमन लगिन बलि चढ़ाल चीजमन के खाएक केर बारे में पुछल सवाल केर जबाब देवेक चाहोना, हमरे जानिला कि मूर्तिमन सच्चा ईश्‍वरमन ना लगैं, आउर दुनिया में सिरिफ एके गो सच्चा परमेश्‍वर अहे।

1 कुरिनथियनमन 8:6

फिन भी हमरेमन लगिन एके गो परमेश्‍वर अहे, मतलब आबा जेकर बटले सोउब चीजमन अहे, आउर हमरे उकरे लगिन अही, आउर एके गो प्रभु अहे, मतलब यीशु मसीह जेकर द्वारा सोउब चीजमन होलक, आउर हमरे हों उकरे द्वारा अही।

गलातियनमन 3:20

एगो मिलाएक वाला केर जरुरत तब होवेला जब दूई गो आदमी केर माझे करार होवेला, मगर परमेश्‍वर जे एके गो अहे, अपन करार के अब्राहम के देवेक लगिन केऊ मिलाएक वाला के माझे में नी लानलक।

इफिसियनमन 4:6

आउर हमरे सोउब एके गो परमेश्‍वर केर आराधना करिला, जे सोउब केर आबा हेके, जे हमरे सोउब केर उपरे राइज करेला। आउर हमरे सोउब में होई के काम करेला, आउर सोउब में रहेला।

1 तीमुथियुस 6:13

मोंय परमेश्‍वर के गवाह बनाय के, जे सोउब के जिंदगी देवेला आउर साथ में मसीह यीशु के हों गवाह बनाय के जे मजबूती से सच कहलक जब उके पुन्तियुस पिलातुस केर सामने मुकद्दमा लगिन लानल गेलक, तोके इ आगया देवोना

इब्रानीमन 12:24

तोहरेमन यीशु ठिना आय हा, जे नवाँ करार में परमेश्‍वर से आदमीमन के मिलाएक लगिन बलिदान होलक आउर अपन लोहू से आदमीमन केर पाप के क्षमा करलक, यीशु केर लोहू हाबील केर लोहू नियर न्याय करेक केर माँग करेक वाला निहीं, बल्कि पाप क्षमा केर बारे में बतायला।

इब्रानीमन 7:25

इ लगिन जेमन यीशु केर जरिया परमेश्‍वर ठिना आवैना, यीशु उमन के पूरा-पूरा बचाएक पारेला, काले कि उ उमन लगिन बिनती करेक ले जुग-जुग जिंदा अहे।

इब्रानीमन 8:6

मगर जे महापुरोहित केर काम यीशु मसीह के देवल जाय हे, उ दोसर पुरोहितमन के देवल काम से बाइढ़ के अहे, काले कि उ जे करार के मिलाएक वाला हेके, उ पुरना करार से बेस अहे आउर बेस-बेस करारमन से टिकल अहे।

इब्रानीमन 9:15

एहे खातिर मसीह नवाँ करार केर मिलाएक वाला हेके, ताकि जेमन के परमेश्‍वर बटले बोलाल जाय हे उमन जुग-जुग केर आशीषमन के पाओक, जेकर करार परमेश्‍वर काइर हे। एइसन इ लगिन करेक परायला, काले कि मसीह उमन के, उ पापमन केर दंड से छुटकारा देवेक लगिन प्राण देलक, जे पापमन के उमन पहिला करार केर समय में काइर रहैं।

1 यूहन्ना 2:1

हे मोर छउवामन, मोंय इ गोइठ तोहरेमन के इ लगिन लिखाथों कि तोहरेमन पाप ना करा। अगर केऊ पाप करी तो आबा परमेश्‍वर ठिना हमर लगिन एगो मदइत करेक वाला अहे, जे हमरे केर पापमन के क्षमा करेक लगिन उकर से प्रार्थना करेला, मतलब उ यीशु मसीह हेके जे धरमी अहे।

प्रकाशितवाक्य 1:13

आउर उ दीया रखेक केर खूँटामन केर माझे मोंय एगो आदमी के देखलों, जे आदमी केर बेटा नियर केऊ आदमी रहे। उ अपन पाँव तक लम्बा लुगा पिंधल रहे। उकर छाती में सोना केर कसना बाँधल रहे।