1 तीमुथियुस 2:2 - सादरी नवाँ नियम

² राजामन लगिन आउर उ सोउब आदमीमन केर लगिन प्रार्थना करा जेमन सरकारी अधिकारी हेकैं, ताकि उमन हमरे के शांति आउर चैन से रहेक में सहायता करोक, आउर हमरे परमेश्‍वर केर आराधना करेक पारब आउर दोसरमन से उचित ब्यवहार करब।

1 तीमुथियुस 2:2 Iomraidhean Croise

लूका 1:6

उमन दुयो परमेश्‍वर केर नजइर में धरमी रहैं, आउर प्रभु केर सोउब आगयामन आउर नियममन के माइन के उके खुश काइर रहैं।

लूका 2:25

उ बेरा यरुशलेम शहर में सिमोन नाँव केर एगो धरमी आउर भक्त आदमी रहे। उ मसीह केर आवेक केर आसरा देखत रहे कि उ आय के इसराइली आदमीमन के शांति देवी, आउर पवितर आत्मा उकर संगे रहे।

खास चेलामन केर काम 10:22

उमन इ जबाब देलैं, “हमरे के सूबेदार कुरनेलियुस तोर ठिना भेइज हे। उ परमेश्‍वर केर उपरे बिसवास करेक वाला आउर उकर डार मानेक वाला हेके, आउर सोउब यहूदी मनक समाज में इज्जतदार अहे। उके पवितर स्वरगदूत बटले इ आगया मिल हे कि उ तोके बोलाय के अपन परिवार केर सोउब आदमीमन केर संगे तोर से बचन सुनोक।”

खास चेलामन केर काम 24:16

से लगिन मोंय परमेश्‍वर आउर आदमीमन केर नजइर में सोउब बेरा बिवेक से निरदोष बनल रहेक केर खुद हें कोशिश करोना।

रोमानियनमन 12:18

जहाँ तक होवेक पराई तोहरेमन सोउब आदमीमन संगे मेल-मिलाप से रहा।

फिलिप्पियनमन 4:8

से लगिन हे संगी बिसवासी भाईमन, जे गोइठमन सच हेके, आउर जे गोइठमन आदर केर लायक हेके, आउर जे गोइठमन उचित हेके, आउर जे गोइठमन पवितर हेके, आउर जे गोइठमन दोसरमन के सुहायला, आउर जे गोइठमन मन के शोभेला, जे गोइठमन बढ़ियाँ हेके आउर जेके दोसरमन बेस पतियायना ओहे गोइठमन में तोहरे धेयान लगावा।

1थिस्सलुनीकियनमन 4:11

आउर जइसन हमरे तोहरेमन के आगया देई ही, तइसनेहें शांति से रहा आउर दोसरमन केर काम में दखल ना देवा आउर अपन-अपन हाँथ से कमाएक केर कोशिश करा।

इब्रानीमन 12:14

सोउब से मेल-जोल रखा आउर पवितर जिंदगी जियेक केर कोशिश करा, काले कि बेगर पवितर जिंदगी जिले केऊ परमेश्‍वर के देखेक नी पारबैं।