1 तीमुथियुस 2:10 - सादरी नवाँ नियम

¹⁰ मगर उमन के दोसरमन लगिन भला काम काइर के खुद के सुन्दर बनाएक चाही, काले कि परमेश्‍वर केर नजइर में भक्ति करेक वाला जनानामन के एहे उचित अहे।

1 तीमुथियुस 2:10 Iomraidhean Croise

खास चेलामन केर काम 9:36

याफा नगर में तबिता नाँव केर एगो बिसवासी जनाना चेला रहत रहे, यूनानी भाषा में उकर नाँव दोरकास रहे। उ ढेइर बेस-बेस काम आउर गरीब आदमीमन केर मदइत करत रहे।

खास चेलामन केर काम 9:39

पतरस उइठ के उमन संगे चाइल गेलक। आउर जब पोंहइच गेलक, तो उमन उके उपरे केर कोठरी में लेई गेलैं, आउर हूवाँ सोउब बिधवामन उकर चाइरो बटे ठड़ाय के काँदत रहैं। उमन पतरस के झुला आउर लुगा देखाएक लगलैं, जेके दोरकास उमन संगे रइह के, उमन केर लगिन बनाय रहे।

इफिसियनमन 2:10

काले कि हमरे परमेश्‍वर केर बनाल हेकी, उ हमरे के यीशु मसीह में उकर भला काममन के करेक लगिन बनाय हे, जे काममन के करेक लगिन परमेश्‍वर हमरे के पहिले से तेयार काइर हे।

1 तीमुथियुस 2:11

जब केऊ, बिसवासीमन के सिखात रहबैं, तब सोउब जनानामन के चुपचाप आउर अधीन रइह के सुनेक आउर सिखेक चाही।

1 तीमुथियुस 2:9

ओहे नियर मोंय चाहोना कि बिसवासी जनानामन के हों, उचित तरीका से लुगा पिंधेक चाही, जे कि सभ्य आउर स्वीकार लायक होवोक, आउर बाल के एइसन गूँथोक कि जेके देखेक ले दोसरमन आकर्षित ना होवोक, आउर ना ही दोसरमन के देखाएक लगिन सोना आउर मोतीमन आउर ना महंगा लुगा पिंधोक।

तीतुस 2:14

जे खुद के हमर लगिन बलिदान काइर देलक, आउर हमरे के सोउब रकम केर अधरम से छुटकारा देलक आउर शुद्ध काइर के हमरे के अपन लगिन खास आदमी बनाय लेलक, जे भला काम करेक लगिन पूरा पुरी तेयार रहोक।

तीतुस 3:8

इ गोइठ सच हेके आउर मोंय चाहोना कि तोंय इ गोइठमन केर बारे में बिसवासीमन के पोक्ता से सिखाबे, इ लगिन कि जेमन परमेश्‍वर उपरे बिसवास काइर हैं, उमन भला काममन के करते रहेक में धेयान देवोक, इ गोइठमन बेस आउर आदमीमन लगिन फायदा केर हेके।

1 पतरस 2:12

परजाइत आदमीमन में तोहर चाइल-चलन भला होवोक, काले कि जे गोइठमन में उमन तोहरे के बुरा जाइन के बदनाम करैना, उमन तोहर भला काममन के देइख के, ओहे काममन केर चलते, न्याय केर दिन उमन परमेश्‍वर केर महिमा करोक।

2 पतरस 3:11

इ पक्का अहे कि परमेश्‍वर इ लेखे सोउब चीजमन के नाश काइर देवी तो सोचा तोहरे के कइसन चाल चलेक चाही? तोहरे के पवितर चाइल-चलन आउर धरमी जिंदगी जियेक चाही जेकर से परमेश्‍वर खुश होवेला।

प्रकाशितवाक्य 2:19

मोंय तोर काममन, तोर प्रेम आउर बिसवास आउर सेवा, आउर धीरज के जानोना, आउर एहो जानोना कि तोर पिछला काम पहिले केर काममन से बाइढ़ के अहे।