1 तीमुथियुस 2:1 - सादरी नवाँ नियम

¹ अब मोंय सोउब से बाइढ़ के इ अरजी करोना कि बिनती, आउर प्रार्थना, आउर अरजी, आउर धन्यबाद, सोउब आदमीमन केर लगिन करल जाओक।

1 तीमुथियुस 2:1 Iomraidhean Croise

खास चेलामन केर काम 17:30

अब तक तो परमेश्‍वर आदमीमन केर नी जानेक केर चलते इके अनदेखा करते आय हे, मगर अब उकर आगया इ हेके कि हर ठाँव केर सोउब आदमीमन पाप करेक छोइड़ देवोक।

रोमानियनमन 1:8

पहिले मोंय तोहरे सोउबमन केर लगिन यीशु मसीह केर द्वारा अपन परमेश्‍वर के धन्यबाद देवोना, काले कि ढेइर ठाँवमन में यीशु मसीह उपरे तोहर बिसवास केर बारे में चरचा होवाथे।

रोमानियनमन 6:17

पहिले तोहरे तो पाप केर गुलाम रहा, मगर अब उ उपदेस के मानेक वाला होई गेला जेके तोहरे लगिन देवल गेलक, इकर लगिन मोंय परमेश्‍वर के धन्यबाद देवोना।

1 कुरिनथियनमन 15:3

एहे लगिन मोंय तोहरे के सोउब से खास संदेश के सुनालों, जेके मोंय प्रभु यीशु मसीह से पाय रहों, उ संदेश इ हेके, पवितर किताब केर बचन केर मोताबिक यीशु मसीह हमरे केर पापमन केर खातिर मोइर गेलक,

2 कुरिनथियनमन 8:6

इ लगिन हमरे तीतुस के समझाली कि जइसन उ पहिले शुरु काइर रहे, तइसनेहें तोहर माझे में इ दान केर काम के हों पूरा काइर लेवोक।

इफिसियनमन 3:13

इ लगिन मोंय बिनती करोना कि तोहर लगिन जे दुःख मोंय सहाथों उकर चलते निराश ना होबा, काले कि इकर से तोहरे केर फायदा होवी।

इफिसियनमन 5:20

आउर जे कोनों हमर प्रभु यीशु मसीह हमर लगिन काइर हे उकर चलते सोउब बेरा परमेश्‍वर आबा के सोउब गोइठ में धन्यबाद देते रहा।

इफिसियनमन 6:18

आउर जइसन पवितर आत्मा तोहरे के अगुवाई करेला, सोउब बेरा प्रार्थना आउर बिनती करते रहा, आउर सोउब पवितर आदमीमन लगिन लगातार बिनती करेक ले जागते रहा।

फिलिप्पियनमन 1:3

मोंय जब-जब तोहरेमन के याइद करोना, तब-तब अपन परमेश्‍वर के धन्यबाद देवोना।

फिलिप्पियनमन 4:6

कोनोवें गोइठ केर चिंता ना करा, मगर हरेक दशा में तोहर अरजी, प्रार्थना आउर बिनती केर द्वारा धन्यबाद केर संगे परमेश्‍वर केर सामने हाजिर करल जाओक।

1थिस्सलुनीकियनमन 3:12

हमरे एहो प्रार्थना करिला कि प्रभु यीशु एक दोसर से प्रेम करेक में तोहर मदइत करोक, आउर तोहर प्रेम बढ़ते जाओक जइसन हमर प्रेम हों तोहर लगिन पहिले से अहे।

2 थिस्सलुनीकियनमन 1:3

हे भाईमन, तोहर बारे में हमरे के लगातार परमेश्‍वर के धन्यबाद देवेक चाही, एइसन करेक हमरे लगिन उचित अहे, इ लगिन कि तोहरे प्रभु यीशु मसीह में ढेइर बिसवास कराला, आउर एक दोसर केर लगिन तोहर प्रेम ढेइर बगरा बढ़ते जाथे।

1 तीमुथियुस 2:4

उ चाहेला कि सोउब आदमीमन बाइच जाओक आउर सच्चाई के बढ़ियाँ से जाइन जाओक।

1 तीमुथियुस 5:5

जे बिधवामन केर सचमुच में केऊ देख रेख करेक वाला नखैं उमन परमेश्‍वर हें उपरे आसरा रखैना, आउर राइत-दिन प्रार्थना बिनती काइर के, परमेश्‍वर से हें अपन ले मदइत माँगैना।

2 तीमुथियुस 2:24

आउर प्रभु केर सेवक के झगरा करेक वाला नी होवेक चाही, मगर सोउब केर संगे नरम आउर सिखाएक में होशियार आउर बिरोध करेक वालामन के सहेक वाला होवेक चाही।

तीतुस 2:11

काले कि परमेश्‍वर हरेक आदमीमन लगिन छुटकारा पावेक केर डहर देखाय के, इ बताय देई हे कि उ केतना किरपा करेक वाला हेके।

तीतुस 3:2

केखो बदनाम ना करोक आउर ना केकरो से झगरा लड़ोक, मगर किरपा करेक वाला स्वभाव से रहोक, आउर सोउब आदमीमन केर संगे नरम बाइन के रहोक।

इब्रानीमन 6:11

से लगिन तोहरे कड़ा मेहनइत करा आउर कोढ़िया ना होवा, तोहरे के धीरज आउर बिसवास केर साथ लगातार इ भला काममन के आखरी तक करते रहेक चाही। आउर परमेश्‍वर जे आशीषमन के देवेक लगिन करार काइर हे उके पावेक लगिन उकर उपरे पक्का आसरा करा।

याकूब 5:16

से लगिन तोहरेमन आपस में एक दोसर केर सामने अपन-अपन पापमन के माइन लेवा आउर एक दोसर लगिन प्रार्थना करा, जेकर से तोहरे ठीक होई जबा। धरमी आदमी केर प्रार्थना केर असर से ढेइर कोनों होवेक पारेला।