1 तीमुथियुस 1:9 - सादरी नवाँ नियम

⁹ इ जाइन के कि मूसा केर नियम धरमी आदमीमन लगिन निहीं मगर अधरमीमन आउर अत्याचारीमन, भक्तिहीनमन आउर पापीमन, अपवितरमन आउर अशुद्ध आदमीमन, आयो-आबा के मोराएक वालामन आउर हत्यारामन,

1 तीमुथियुस 1:9 Iomraidhean Croise

मत्ती 10:21

उ बेरा जे आदमीमन मोर उपरे बिसवास नी करैना, उमन अपनेहें भाईमन के जे मोर उपरे बिसवास करैना धरुवाय के मरुवाय देबैं। आउर आबामन हों अपन बेटामन संगे एइसनेहें करबैं आउर छउवा पुतामन हों अपन आयो-आबा केर बिरोध में उठबैं आउर उमन के मरुवाबैं।

रोमानियनमन 1:30

आउर उमन एक दोसर के बदनाम करेक वाला, परमेश्‍वर से घिरना करेक वाला, अहंकारी, घमंडी, आउर डींग मारेक वाला हेकैं, उमन बुरा काम करेक केर योजना बनायना आउर अपन आयो आबा केर आगया के नी मानैना।

रोमानियनमन 4:13

परमेश्‍वर अब्राहम आउर उकर बंशमन से इ करार काइर रहे कि उमन के दुनिया केर उपरे अधिकार देवी, इ करार, इ लगिन नी देवल जाय रहे कि अब्राहम मूसा केर नियम के पूरा काइर रहे। मगर परमेश्‍वर उपरे बिसवास करेक केर चलते उ धरमी ठहराल गेलक।

रोमानियनमन 5:20

आउर मूसा केर नियम इ लगिन देवल गेलक, ताकि सोउब आदमीमन देखेक पारबैं कि उमन कइसन पापी रहैं। मगर जब आदमीमन ढेइर पाप करलैं, हूवाँ किरपा जेके परमेश्‍वर देखालक उकर से हों बगरा होलक।

रोमानियनमन 6:14

तब तोहर उपरे पाप केर शक्ति नी होवी, काले कि तोहरेमन मूसा केर नियम केर अधीन निहीं बल्कि परमेश्‍वर केर किरपा केर अधीन अहा।

गलातियनमन 3:19

तो फिन मूसा केर नियम से का फायदा होलक? मूसा केर नियम तो आदमीमन के इ देखाएक लगिन देवल गेलक कि सचमुच में पाप का हेके, इ तो मसीह केर आवेक तक ले देवल जाय रहे जे अब्राहम केर बंश हेके, आउर जेकर बारे में करार करल जाय रहे, परमेश्‍वर अपन नियम के स्वरगदूतमन केर जरिया से मूसा के देई रहे, जे परमेश्‍वर आउर आदमीमन केर माझे एक दोसर के मिलाएक वाला बनलक।

गलातियनमन 5:18

आउर तोहरेमन पवितर आत्मा केर अगुवाई केर मोताबिक चलबा, तो मूसा केर नियम के मानेक केर कोशिश नी करबा।

गलातियनमन 5:21

डाह, मतवारी, रीझ-रंग आउर एहे नियर आउर रकम-रकम केर बुरा काम अहे, मोंय तोहरेमन के चेतावनी देवाथों जइसन आगे हों देई चुइक हों कि एइसन-एइसन काम करेक वालामन परमेश्‍वर केर राइज केर हकदार नी होबैं।

गलातियनमन 5:23

किरपा, भलाई, बिसवास लायक होवेक, नरम भाव आउर संयम, एइसन ब्यवहारमन के रोकेक लगिन कोनों नियम नखे।

2 थिस्सलुनीकियनमन 2:8

इकर पाछे उ अधरमी मरद दिस्तार होवी, मगर पाछे से जब प्रभु यीशु आवी, तो अपन मुँह केर फूक से उके माइर मोराई, आउर अपन आवेक केर तेज चमक से भसम करी।

1 तीमुथियुस 4:7

अशुद्ध आउर झूठा कहानीमन में अपन समय के ना गवाँव, मगर परमेश्‍वर के आदर देवेक वाला जिंदगी जी के, खुद के लगातार सिखाते रह।

1 तीमुथियुस 6:20

हे तीमुथियुस, पक्का काइर ले कि तोंय ओहे करिसला जेके परमेश्‍वर तोके जिम्मा देई हे, तोंय एइसन गोइठमन आउर शिक्षामन से दूर रह जे परमेश्‍वर केर सच्चा शिक्षा केर बिरोध करेला, जेके उमन गलत तरीका से गेयान कहैना।

2 तीमुथियुस 2:16

मगर बेकार गोइठमन के ना सुन, जेकर से परमेश्‍वर के कोनों आदर नी मिलेला। बल्कि एइसन गोइठमन आदमीमन के परमेश्‍वर से आउर बगरा दूर लेई जायला।

2 तीमुथियुस 3:2

काले कि आदमीमन सिरिफ अपनेहें चिंता करबैं, धन केर लोभी होबैं, बड़े-बड़े गोइठ गोठियाबैं, घमंडी होबैं, दोसर मनक निंदा करबैं, आयो-आबा केर आगया नी मानबैं, उमन मदइत करेक वालामन के हों धन्यबाद नी देबैं, आउर अपवितर होबैं,

तीतुस 1:10

मोंय एइसन इ लगिन कहाथों, काले कि ढेइर आदमीमन सही शिक्षा केर बिरोध में ठड़ाय हैं, जेमन बेकार गोइठमन के सिखायना आउर दोसरमन के धोखा देवैना। खास काइर के उ यहूदीमन एइसन करैना जेमन बिसवासी बाइन हैं। उमन इ चाहैना कि सोउब बिसवासीमन यहूदी नियम केर मोताबिक खतना करवाओक।

तीतुस 1:16

झूठा सिखाएक वलामन कहैना, हमरे परमेश्‍वर के जानिला, मगर उ मनक काम सफा-सफा बतायला कि उमन परमेश्‍वर के नी जानैना। काले कि उमन घिनघिना आउर आगया नी मानेक वाला हेकैं, आउर कोनों बेस काम केर लाएक नखैं।

तीतुस 1:6

एगो सेवक के निरदोष आउर सिरिफ एके गो जनाना केर पति होवेक चाही, जेकर छउवामन बिसवासी होवोक, आउर जेकर में लुच्चा आउर मनमानी होवेक केर दोष नखे।

तीतुस 3:3

काले कि हमरे हों बिसवासी बनेक से पहिले निरबुद्धि, आउर आगया नी मानेक वाला, आउर भ्रम में पड़ल रही, आउर लगातार रकम-रकम केर बुरा काममन के करत रही, आउर सुख बिलास केर काममन के करेक में बंधाल रही, आउर हमरे अपन समय के दुष्ट काममन के करेक में बितात रही, आउर दोसरमन से हिसिंगा-डाह करेक में जिंदगी के बितात रही, दोसरमन हमरे से नफरत करत रहैं आउर हमरे एक दोसर संगे नफरत करत रही।

इब्रानीमन 11:31

बिसवास से हें राहाब बेश्या परमेश्‍वर केर आगया नी मानेक वालामन केर संगे नाश नी होलक, उ इसराइली भेद लेवाइयामन केर स्वागत काइर रहे, जेमन चुपे-चुपे यरीहो नगर के देखेक आय रहैं।

इब्रानीमन 12:16

आउर ना केऊ ब्यभिचारी, या तोहर में से केऊ अब्राहम केर नाती एसाव नियर अधरमी ना होवोक, जे एक बेर केर खाएक केर बदली में, पहिलौठा होवेक केर अपन हक के बेइच देलक।

1 पतरस 2:7

जेमन यीशु मसीह उपरे बिसवास करैना, उमन लगिन इ पखना ढेइर किमती अहे। मगर जे आदमीमन बिसवास नी करैना, उमन केर बारे में पवितर किताब में लिखल अहे, “जे पखना के राज मिस्त्रीमन बेकार ठहराय रहैं, ओहे पखना घर केर नेव केर सोउब से मुध पखना बाइन गेलक।”

1 पतरस 3:20

इ उ मनक आत्मा रहे, जेमन ढेइर समय पहिले परमेश्‍वर केर आगया के तोइर रहैं, जब नूह अपन जहाज के बनात रहे तब परमेश्‍वर धीरज से इंतजार काइर के देखत रहे कि का उमन पाप करेक छोइड़ देबैं, मगर जब पानी दुनिया के नाश काइर देलक तब जहाज में ढूकेक वालामन सिरिफ आठ आदमीमन के बचाल जाय रहे।

1 पतरस 4:18

जइसन कि पवितर किताब कहेला, “अगर एक बेस आदमी केर बचाल जाएक एतना कठिन अहे, तो दुष्ट आउर पापी आदमी केर का होवी?”

यहूदा 1:15

सोउब आदमीमन केर फैसला करेक लगिन आवाथे। ताकि आदमीमन जे बुरा काम काइर हैं आउर जेमन परमेश्‍वर केर बिरोध बुरा गोइठ कइह हैं, इ सोउब पापीमन के दंड देओक।”

प्रकाशितवाक्य 21:8

मगर डरपोकमन, अबिसवासीमन, घिनघिना काम करेक वालामन, आउर हत्यारामन, ब्यभिचारीमन, ओझामन, मूर्ति पूजा करेक वालामन आउर सोउब झूठा आदमीमन केर हिस्सा उ झील में मिली, जे आइग आउर गंधक से बरते रहेला: इ दूसरा माउत हेके।”

प्रकाशितवाक्य 22:15

मगर अपवितरमन, ओझामन, ब्यभिचारीमन, हत्यारामन, मूर्ति पूजा करेक वालामन, हरेक झूठ के चाहेक वालामन आउर झूठ बनाएक वालामन बाहरे रहबैं।