1 तीमुथियुस 1:7 - सादरी नवाँ नियम

⁷ आउर उमन मूसा केर नियम के सिखाएक वाला तो बनेक चाहैना, मगर जे गोइठमन के उमन सिखायना आउर ढेइर जोर देई के सिखायना, उके उमन खुद हें नी बुझैना।

1 तीमुथियुस 1:7 Iomraidhean Croise

मत्ती 15:14

उमन के जाएक देवा, उमन अंधरामन के डहर देखाएक वाला अंधरामन हेकैं आउर अंधरा, अगर अंधरा के डहर देखाई, तो दुयो गढ़हा में गिर जबैं।”

मत्ती 21:27

से लगिन उमन यीशु के जबाब देलैं, “हमरे नी जानिला कि यूहन्ना के बपतिस्मा जल संस्कार देवेक केर अधिकार केहर देई रहे।” यीशु उमन के जबाब देलक, “मोंय हों तोहरेमन के नी बतामूँ, इ काम कोन अधिकार से करोना।”

लूका 2:46

आउर तीन दिन केर पाछे उमन यीशु के यहूदी मनक मंदिर में, धरमगुरुमन केर माझे बइठल आउर उमन केर संगे सवाल-जबाब करते देखलैं।

खास चेलामन केर काम 15:1

थोरेक यहूदी बिसवासी आदमीमन यहूदिया परदेस से अन्ताकिया शहर में आलैं आउर बिसवासी भाईमन के सिखाएक लगलैं, “अगर मूसा केर देवल नियम केर मोताबिक तोहर खतना नी होवी तो तोहरे के छुटकारा नी मिली।”

रोमानियनमन 1:22

उमन खुद के बुद्धिमान माइन के निरबुद्धि बाइन गेलैं।

गलातियनमन 3:2

मोंय तोहरेमन से सिरिफ इ जानेक चाहोना कि तोहरेमन पवितर आत्मा के मूसा केर नियम के माइन के या बिसवास केर समाचार से पाला?

गलातियनमन 3:5

जे तोहरेमन के पवितर आत्मा दान देवेला आउर तोहर में चमत्कार केर काम करेला, उ का, मूसा केर नियम के पूरा करेक से या शुभ समाचार उपरे बिसवास करेक से एइसन करेला?

गलातियनमन 4:21

तोहरे से मोंय एगो सवाल पूछेक चाहोना जेमन मूसा केर नियम केर अधीन में रहेक चाहाला, का तोहरे सचमुच में मूसा केर नियम का कहेला सेके समझाला?

1 तीमुथियुस 6:4

तो उ आदमी घमंडी होई गेलक, आउर कोनों नी समझेला। एइसन आदमी बेकार गोइठमन आउर शबदमन केर बारे में बक-झक आउर झगरा करेक केर इच्छा रखेला, जेकर से जलन, झगरा, आउर परमेश्‍वर केर निंदा, आउर उकर सच्चाई केर बारे में शंका होवेला,

2 तीमुथियुस 3:7

इ जनानामन लगातार नवाँ चीजमन के सीखते तो रहैना, मगर मसीह केर बारे में सच्चा शिक्षामन के कहियो बुझेक नी पारैना।

याकूब 3:1

हे मोर भाईमन, तोहर में से ढेइरमन परमेश्‍वर केर बचन के सिखाएक वाला ना बनबा, काले कि तोहरे जानाला कि हमरे सिखाएक वालामन केर आउर हें कड़ाई से फैसला करल जाई।

2 पतरस 2:12

मगर इमन निरबुद्धिया जानवरमन नियर काम करैना, ठीक उइसनेहें करैना जइसन उमन केर काया चाहेला आउर जे इ लगिन जनम होवैना कि आदमीमन उमन के फँसाय के मोराएक पारोक। उमन उ चीजमन केर अपमान करैना जेकर बारे में उमन हकीकत में कोनोवें नी जानैना। परमेश्‍वर इमन के तइसनेहें हें नाश करी जइसन आदमीमन जानवरमन के मोरायना।