1 तीमुथियुस 1:5 - सादरी नवाँ नियम

⁵ तोहरे के इ आगया देवेक केर मोर मकसद इ हेके कि तोहरे एक दोसर के सच्चा मन, शुद्ध बिवेक आउर पूरा बिसवास से प्रेम करा।

1 तीमुथियुस 1:5 Iomraidhean Croise

मत्ती 12:35

बेस आदमी अपन मन केर बेस भंडार से बेस गोइठमन के निकलायला आउर बुरा आदमी अपन मन केर बुरा भंडार से बुरा गोइठमन के निकलायला।

मत्ती 5:8

धाइन हेकैं उमन, जे मनक हृदय सफा अहे, उमन परमेश्‍वर के देखबैं।

खास चेलामन केर काम 15:9

आउर उमन केर बिसवास करेक से उ मनक मन के शुद्ध काइर के हमर में आउर उमन में कोनों फरक नी करलक।

खास चेलामन केर काम 23:1

पौलुस धरम महासभा केर आदमीमन बटे धेयान से देइख के कहलक, “हे भाईमन, मोंय आइज तक परमेश्‍वर लगिन बुद्धिमानी से जिंदगी बिताय हों।”

खास चेलामन केर काम 24:16

से लगिन मोंय परमेश्‍वर आउर आदमीमन केर नजइर में सोउब बेरा बिवेक से निरदोष बनल रहेक केर खुद हें कोशिश करोना।

रोमानियनमन 10:4

काले कि यीशु मसीह पहिलेहें मूसा केर नियम केर मकसद के जे लगिन उ देवल जाय हे, पूरा काइर देलक, से लगिन उ सोउब आदमीमन जेमन यीशु मसीह उपरे बिसवास करैना, परमेश्‍वर उमन के धरमी बनायला।

रोमानियनमन 12:9

दोसरमन के देखाएक ले प्रेम ना करा, बुराई से घिरना करा, लगातार भलाई करते रहा।

रोमानियनमन 14:15

अगर तोर बिसवासी भाई तोर खाएक केर चलते दुःखी होवेला, तो तोंय तोर बिसवासी भाई से प्रेम नी करिसला, अगर तोर खाएक केर चलते तोर भाई परमेश्‍वर केर आगया मानेक छोइड़ देवेला, तो तोंय उ खाएक केर चीज के ना खाबे, काले कि मसीह तोर बिसवासी भाई केर लगिन हों अपन जान के देई हे।

रोमानियनमन 9:1

जब, अगर कोनोवें चीजमन हमरे के परमेश्‍वर केर प्रेम से अलग करेक नी पारी, तो काले इसराइली आदमीमन परमेश्‍वर से अलग होई गेलैं? मोंय उमन केर लगिन ढेइर दुःखी अहों, आउर मोर हिरदय उमन केर लगिन सोउब बेरा पोड़ेला। आउर मोंय सचमुच में कहोना, मोंय खुद हें मोर अपन भाई बहिनमन केर मुक्ति लगिन दोषी गिनातों आउर मसीह से अलग होई जतो, मोंय एहे इच्छा कराथों। इ सोउब मोंय मसीह के अपन गवाह बनाय के सच्चाई से बताथों, आउर पवितर आत्मा आउर मोर दिल हों एहे गवाही देवाथे कि इ सोउब झूठा ना लगे।

1 कुरिनथियनमन 13:1

अगर मोंय आदमीमन आउर स्वरगदूतमन केर भाषामन के गोठियामूँ, आउर दोसरमन के प्रेम नी करमूँ, तो मोर गोइठ जोर से बाजेक वाला घंटा नियर या झुनझुनी झाँझ केर आवाज नियर कोनों मतलब नी होवी।

2 कुरिनथियनमन 1:12

हमरे के इ गोइठ उपरे घमंड अहे कि हमरे केर बिवेक बिसवास दिवायला कि हमरे आदमीमन केर साथ, आउर खास काइर के तोहरे केर साथ, जे ब्यवहार काइर ही उ दुनिया केर गेयान केर मोताबिक निहीं, बल्कि उ सच्चाई आउर ईमानदारी केर मोताबिक रहे, जे परमेश्‍वर केर किरपा केर बरदान हेके।

गलातियनमन 5:22

मगर उ गुणमन जे पवितर आत्मा से सिरजेला, इमन हेकैं: प्रेम, आनंद, शांति, धीरज,

गलातियनमन 5:6

अगर तोहरे मसीह यीशु केर चेलामन हेका तो इकर से कोनों फरक नी पड़ेला कि तोहरे केर खतना होई हे या निहीं। मगर खास गोइठ इ हेके कि हमरे मसीह उपरे बिसवास करिला, आउर परमेश्‍वर आउर दोसर आदमीमन से प्रेम करिला।

1 तीमुथियुस 1:18

हे बेटा तीमुथियुस, मोंय तोके उ गोइठमन के याइद करेक ले कहाथों, जे पहिले भविष्यवाणीमन में तोर बारे में कहल जाय रहे, मोंय तोके इ आगया सोपाथों कि तोंय उमन केर मोताबिक झूठा सिखाएक वालामन केर बिरोध में लड़ाई के लड़ते रह।

1 तीमुथियुस 1:19

आउर तोके मसीह उपरे बिसवास में बनल रहेक चाही आउर तोर में एगो शुद्ध बिवेक होवेक चाही। थोरेक आदमीमन उ शुद्ध बिवेक के छोइड़ देलैं जेकर नतीजा इ होलक कि अब उमन बिसवास में नखैं।

1 तीमुथियुस 3:9

मगर उके शुद्ध बिवेक से इ बिसवास करेक चाही कि परमेश्‍वर उके जे शिक्षामन के देई हे उ सच हेके।

2 तीमुथियुस 1:3

मोंय परमेश्‍वर के धन्यबाद देवोना, जेकर मोंय आउर मोर पुरखामन शुद्ध बिवेक से सेवा काइर ही। जखनोहों मोंय प्रार्थना करोना तो मोंय तोर नाँव केर चरचा करेक हमेशा याइद रखोना।

2 तीमुथियुस 1:5

मोके तोर उ सच्चा बिसवास केर खेयाल आवेला, जे पहिले तोर नानी लोइस, आउर तोर आयो यूनीके में रहे, आउर मोके पूरा भरसा अहे कि उ बिसवास तोर में हों अहे।

2 तीमुथियुस 2:22

जवानी केर बुरा लालसामन से बाइच के रह, आउर जेमन शुद्ध मन से प्रभु केर आराधना करैना, उमन संगे धरम, आउर बिसवास, आउर प्रेम, आउर मेल-मिलाप केर पिछा कर।

तीतुस 1:15

जेमन केर मन-दिल शुद्ध अहे उमन लगिन सोउब चीज शुद्ध हेके, मगर जेमन बुरा अहैं आउर यीशु मसीह उपरे बिसवासी नी करैना उमन कोनोवें करैना उ शुद्ध नखे, काले कि उमन केर मन-दिल बिलकुल बुरा अहे।

इब्रानीमन 10:22

तो आवा हमरे अपन मन के शुद्ध काइर के आउर मसीह केर लोहू के हिरदय में छिड़काय के, आउर सफा पानी से अपन काया के धोई के, सच्चा मन आउर पूरा बिसवास केर संगे परमेश्‍वर ठिना आवब।

इब्रानीमन 13:18

हमरे लगिन प्रार्थना करते रहा, काले कि हमरे पक्का जानिला कि हमरे केर बिवेक शुद्ध अहे, आउर हमरे सोउब काममन में जेके हमरे करिला, परमेश्‍वर के आदर देवेक चाहिला।

इब्रानीमन 9:14

तो सोचा, मसीह केर लोहू आउर केतना बगरा हमरे के उ काममन से शुद्ध करी, जेकर सजा माउत हेके, ताकि हमरे जिंदा परमेश्‍वर केर आराधना करेक पारब। काले कि मसीह खुद के परमेश्‍वर लगिन जुग-जुग केर आत्मा केर शक्ति से सिद्ध बलिदान केर रूप में हमरे केर पापमन केर खातिर चढ़ाय देलक।

याकूब 4:8

परमेश्‍वर केर भीरे आबा तो उ हों तोहर भीरे आवी। हे पापीमन, अपन जिंदगी के पापमन से दूर करा। हे दूई मन वाला आदमीमन, अपन हिरदय के पवितर करा।

1 पतरस 1:22

काले कि सच्चाई केर पालन करेक केर चलते तोहरे के तोहर पापमन से शुद्ध करल जाय हे, अब तोहरे एक दोसर से अपन भाई नियर तन-मन आउर पूरा दिल से प्रेम करते रहा।

1 पतरस 3:16

सोउब बेरा ओहे करा जे सही अहे, फिन अगर आदमीमन तोहर बिरोध में बुरा बोलैना, तो ओहेमन लाजिम होबैं, जब उमन मसीह केर संगे तोहर संबंध केर चलते तोहर बेस चाइल-चलन के देखबैं।

1 पतरस 3:21

पुरना समय में उ मनक छुटकारा, अब हमर छुटकारा केर एगो उदाहरन हेके, जे पानी में हमरे बपतिस्मा जल संस्कार लेविला, उ हमरे केर काया से मइला के दूर नी करेला, मगर इ एगो चिन्हा हेके। हमरेमन आबा परमेश्‍वर से माफी माँइग ही, ताकि आगे हमरे केर मन परेशान ना रहोक। हमरे के माफ करल जाएक पराई काले कि यीशु मसीह मोरेक केर पाछे फिन से जी उइठ हे।

1 पतरस 4:8

आउर सोउब से बेस गोइठ इ हेके कि एक दोसर से गहरा प्रेम करा काले कि अगर तोहरेमन आदमीमन से प्रेम कराला, तो तोहरे सोउब बेरा कोनोवें पाप काम के माफ करेक लगिन तेयार रहबा, जे उमन काइर हैं।

2 पतरस 1:7

तोहरे सिरिफ परमेश्‍वर के खुश करेक वाला ना बना, मगर तोहरे एक दोसर से अपन परिवार केर नियर प्रेम करेक वाला बना। तोहरे सिरिफ एक दोसर से अपन परिवार केर नियर प्रेम करेक वाला ना बना, मगर एक दोसर से प्रेम करेक वाला बना।

1 यूहन्ना 3:10

इकरे से परमेश्‍वर केर संतान आउर शैतान केर संतान चिन्हाल जायना, जे केऊ उ काममन के नी करेला जे परमेश्‍वर केर देखेक में ठीक अहे, तो उ परमेश्‍वर केर संतान ना लगे आउर ओहो ना लगे जे अपन भाई से प्रेम नी करेला।

1 यूहन्ना 3:23

आउर उकर आगया इ हेके कि हमरे उकर बेटा यीशु मसीह केर नाँव उपरे बिसवास करब आउर जइसन उ हमरे के आगया देई हे उकरे मोताबिक एक दोसर से प्रेम करब।

1 यूहन्ना 3:3

आउर जे केऊ मसीह उपरे इ आसरा रखेला उ खुद के तइसनेहें पवितर करेला जइसन उ पवितर अहे।