1 तीमुथियुस 1:3 - सादरी नवाँ नियम

^3-4 हे तीमुथियुस जइसन कि तोंय जानिसला कि इफिसुस शहर में थोरेक एइसन आदमीमन अहैं, जेमन गलत शिक्षा देवैना। उमन लगातार झूठा कहानीमन आउर पुरखामन केर लम्बा बंशावली के सिखायना, जब मोंय इफिसुस शहर से मकिदुनिया परदेस में जाएक लगिन तेयार रहों, तो मोंय तोके इफिसुस शहर में हें रहेक लगिन कहलों आउर उ आदमीमन के इ बताएक लगिन कहलों कि उमन एइसन शिक्षा ना देवोक। जब उमन एइसन गोइठ के सिखायना तो आदमीमन उमन केर बारे में बक-झक करैना। इकर नतीजा इ हेके कि उ सिखाएक वालामन उ काम के नी कराथैं, जेके परमेश्‍वर उमन के करेक ले देई रहे, उ काम के उमन सिरिफ परमेश्‍वर उपरे भरसा काइर के हें करेक पारैना।

1 तीमुथियुस 1:3 Iomraidhean Croise

खास चेलामन केर काम 18:19

पौलुस इफिसुस शहर में पोंहइच के प्रिस्किल्ला आउर अक्विला के हूवाँ छोइड़ देलक आउर खुद यहूदी मनक प्रार्थना घर में जाय के यहूदीमन से बहस करेक लगलक।

खास चेलामन केर काम 18:21

आउर इ कइह के उमन से बिदा होलक, “अगर परमेश्‍वर चाही तो मोंय तोहर ठिना फिन आमूँ।” तब उ इफिसुस शहर छोइड़ के पानी जहाज से आगे चाइल गेलक।

रोमानियनमन 15:26

काले कि मकिदुनिया आउर अखया परदेस केर आदमीमन अपन इच्छा से इ भला काम करेक केर फैसला करलैं कि जे परमेश्‍वर केर आदमीमन यरुशलेम शहर में अहैं आउर गरीब अहैं, उमन के थोरेक पैसा देवब।

रोमानियनमन 16:17

अब हे बिसवासी भाईमन, मोंय तोहरेमन से बिनती करोना कि जेमन एक दोसर से झगरा लाडै़ना, आउर जेमन एइसन काम करैना जेकर से बिसवासीमन ठोकर खायना, उमन के जाइन लेवा आउर उमन से दूर रहा।

2 कुरिनथियनमन 11:4

जब कभी केऊ तोहरे ठिना आय के, केऊ दोसर यीशु केर परचार करेला जेकर परचार हमरे नी काइर ही, चाहे कोनों दोसर आत्मा के पावाला जेके पहिले नी पाय रहा, चाहे तोहरेमन कोनों दोसर शुभ समाचार के सुनला जेके पहिले नी सुइन रहा, तो तोहरे तुरते उके ग्रहण काइर लेवाला जे कि गलत है।

इफिसियनमन 4:14

ताकि आगे हमरे छउवामन नियर नी रहब, आउर ना उ डोंगा नियर, जे पानी केर लहरा से हिने-हुने उछलत रहेला आउर हवा से कखनों इ दिशा, तो कखनों उ दिशा घूमते रहेला। हमरे के धोखेबाज आदमीमन केर झूठा शिक्षामन से, जे सच्चा नियर लगेला बहकेक नखे।

फिलिप्पियनमन 2:24

आउर मोके प्रभु में भरसा अहे कि मोंय खुद हें जल्दी आमूँ।

1 तीमुथियुस 4:11

बिसवासीमन के इ गोइठमन के सिखाव, ताकि उमन इकर पालन करोक।

1 तीमुथियुस 4:6

अगर तोंय सोउब बिसवासी भाईमन के लगातार इ गोइठमन के याइद करवाते रहबे, जेकर पालन काइर के तोंय बिसवास में मजबूत होई हिस, तो तोंय मसीह केर एगो अच्छा सेवक बनबे।

1 तीमुथियुस 5:7

बिसवासीमन के इ गोइठमन केर हों आगया देते रह, ताकि केऊ उमन उपरे कोनों दोष ना लगाओक।

1 तीमुथियुस 6:10

धन केर लोभ सोउब रकम केर बुराईमन केर जाइर हेके, थोरेक आदमीमन एहे धन के पावेक केर कोशिश करते धीरे-धीरे मसीह केर शिक्षामन केर उपरे बिसवास करेक छोइड़ देलैं आउर उमन बरने-बरन केर दुःख से पीड़ित अहैं, एगो एइसन आदमी नियर जे खुद के एगो हँथियार से बेइध लेई हे।

1 तीमुथियुस 6:17

इ दुनिया केर धनी आदमीमन के आगया दे कि उमन घमंडी ना बनोक आउर जल्दी सिराएक वाला धन उपरे आसरा ना राइख के परमेश्‍वर उपरे आसरा रखोक, जे हमर सोउब जरुरत केर चीजमन के भरपूर देवेला।

1 तीमुथियुस 6:3

अगर केऊ झूठा शिक्षा देवेला, आउर उ सही शिक्षामन से सहमत नी होवेला जे परमेश्‍वर के आदर देवेला, आउर जेके हमर प्रभु यीशु मसीह देई रहे।

2 तीमुथियुस 1:18

न्याय केर दिन प्रभु उनेसिफुरुस केर उपरे अपन महान दया देखाओक। तोंय बढ़ियाँ से जानिसला कि उ इफिसुस शहर में मोर कतइ मदइत काइर हे।

2 यूहन्ना 1:7

मोंय इके इ लगिन कहाथों काले कि ढेइर झूठा शिक्षा देवेक वालामन दुनिया में आय हैं, जे इ नी मानैना कि यीशु मसीह आदमी बाइन के आय हे। एइसन कहेक वालामन हें बहकाएक वाला आउर मसीह केर बिरोधी हेकैं।

प्रकाशितवाक्य 2:14

मगर मोके तोर बिरोध में थोरेक गोइठमन के कहेक अहे, काले कि तोर हिंयाँ थोरेक आदमीमन एइसन अहैं, जे बिलाम केर शिक्षा के मानैना, जे बालाक के सिखालक कि उ इसराइली आदमीमन के बहकाओक, जेकर से उमन मूर्तिमन लगिन बलि चढ़ाल चीजमन के खाओक आउर ब्यभिचार करोक।

प्रकाशितवाक्य 2:20

मगर मोके तोर बिरोध में इ कहेक अहे कि तोंय उ जनाना इजेबेल के रहेक देविसला जे खुद के परमेश्‍वर केर संदेश बताएक वाला कहेला, आउर मोर सेवकमन के ब्यभिचार करेक आउर मूर्तिमन लगिन बलि चढ़ाल चीजमन के खाएक लगिन सिखाय के बहकायला।