1 तीमुथियुस 1:20 - सादरी नवाँ नियम

²⁰ ओहेमन में से हुमिनयुस आउर सिकंदर हेकैं, जेमन के मोंय कलीसिया से बाहरे निकलाय देलों आउर शैतान के सोंइप देलों कि उमन परमेश्‍वर केर निंदा करेक ना सिखाओक।

1 तीमुथियुस 1:20 Iomraidhean Croise

मत्ती 18:17

अगर उ ओहो मनक गोइठ के नी मानी, तो कलीसिया के बताय दे, अगर उ कलीसिया केर गोइठ के हों नी मानी, तो तोंय उकर संगे ओहे लेखे ब्यवहार कर जइसन अबिसवासी आउर मालगुजारी लेवेक वालामन संगे करिसला।

खास चेलामन केर काम 13:45

मगर यहूदी अगुवामन भीड़ के देइख के हिसिंगा से भाइर गेलैं आउर निंदा करते पौलुस केर गोइठमन केर बिरोध में कहेक लगलैं।

खास चेलामन केर काम 19:33

भीड़ में से थोरेक आदमीमन बुझलैं कि इ सिकंदर नाँव केर आदमी केर चलते होवाथे, काले कि थोरेक यहूदी आदमीमन उके भीड़ केर सामने ढेकइल के आगे काइर देई रहैं। सिकंदर हाँथ से इशारा काइर के आदमीमन के चुप रहेक लगिन कहलक, ताकि उ आदमीमन के समझाएक पारोक कि हिंयाँ का होवाथे।

1 कुरिनथियनमन 11:32

मगर प्रभु हमरे के इ नियर दंड देवेला, तो उ हमरे के सुधरायला, ताकि हमरे न्याय केर दिन दुनिया केर दोसर आदमीमन नियर दंड नी पावब।

2 कुरिनथियनमन 10:6

आउर तेयार रहिला कि जब तोहरे पूरा-पुरी मसीह केर आगयाकारी बिसवासी बाइन जबा, तब हरेक रकम केर आगया नी मानेक वाला आदमी के परमेश्‍वर दंड देवी।

2 कुरिनथियनमन 13:10

इ लगिन जब मोंय तोहर ठिना आवेक से पहिले इ गोइठमन के तोहरे के लिखाथों, तो मोके उ अधिकार केर मोताबिक जेके प्रभु देई हे, कड़ाई से कोनों करेक ना पड़ोक। काले कि मोके इ अधिकार तोहरे के बिगड़ाएक लगिन निहीं, मगर बनाएक लगिन देई हे।

2 थिस्सलुनीकियनमन 3:15

फिन भी उकर संगे दुश्मनमन नियर ब्यवहार ना करा, मगर अपन भाई-बहिन समइझ के चेतावनी देवा।

1 तीमुथियुस 5:15

काले कि थोरेक जवान बिधवामन पहिलेहें से परमेश्‍वर केर आगया मानेक छोइड़ देई हैं आउर शैतान केर पिछे चलाथैं।

2 तीमुथियुस 2:14

इ गोइठमन केर बारे में बिसवासीमन के घरी-घरी सिखाव, जेके मोंय तोके सिखाय हों। आउर परमेश्‍वर के एगो गवाह नियर माइन के उमन के चेताय दे कि उमन शबदमन केर अर्थमन उपरे बक-झक ना करोक। जेकर से कोनों फायदा नी होवेला, बल्कि सूनाइयामन बिगइड़ जायना।

2 तीमुथियुस 2:17

एइसन गोइठमन के बताएक वालामन केर गोइठ फाइल जायला, आउर जेमन उमन केर गोइठमन के सुनैना उमन केर बिसवास नाश होई जायला। हुमिनयुस आउर फिलेतुस ओहेमन में से हेकैं।

2 तीमुथियुस 3:2

काले कि आदमीमन सिरिफ अपनेहें चिंता करबैं, धन केर लोभी होबैं, बड़े-बड़े गोइठ गोठियाबैं, घमंडी होबैं, दोसर मनक निंदा करबैं, आयो-आबा केर आगया नी मानबैं, उमन मदइत करेक वालामन के हों धन्यबाद नी देबैं, आउर अपवितर होबैं,

इब्रानीमन 12:5

का तोहरे बिसवास में उसकाएक वाला परमेश्‍वर केर गोइठमन के, जेके तोहरे के उकर संतानमन नियर देवल जाय हे भुलाय गेला। जब प्रभु तोहरे के इ देखाई कि तोहरे गलती कराथा, तो उकर उपरे ढेइर धेयान देबा, आउर जब उ तोहरे के घुड़की तो हिम्मत ना छोइड़ देबा।

प्रकाशितवाक्य 13:1

तब मोंय समुदर में से खूंखार जानवर के निकलते देखलों। उकर दस गो सींग आउर सात गो मूँड़ रहे। उकर दसो सींगमन में एक-एक राजमुकुट रहे आउर उकर मूँड़मन उपरे परमेश्‍वर केर निंदा करेक वाला नाँव लिखल रहे।

प्रकाशितवाक्य 3:19

मोंय जे-जे आदमीमन से प्रेम रखोना, उ सोउब के डाँटोना आउर दंड हों देवोना, से लगिन उत्साहित हो, आउर पाप करेक छोइड़ दे।