1 तीमुथियुस 1:2 - सादरी नवाँ नियम

² मोंय इ चिट्ठी, हे तीमुथियुस तोके लिखाथों, तोंय मोर अपन बेटा नियर अहिस, काले कि तोंय हों यीशु मसीह में बिसवास करिसला। मोंय प्रार्थना करोना कि आबा परमेश्‍वर आउर हमर प्रभु यीशु मसीह बटले तोके किरपा, दया आउर शांति मिलते रहोक।

1 तीमुथियुस 1:2 Iomraidhean Croise

रोमानियनमन 1:7

तोहरे सोउबमन केर नाँव में मोंय चिट्ठी लिखाथों जेमन रोम देस में रहाला आउर परमेश्‍वर तोहरे के प्रेम करेला, आउर तोहरे के अपन पवितर आदमी बनेक लगिन बोलाय हे। हमर आबा परमेश्‍वर आउर प्रभु यीशु मसीह बटले तोहरे के किरपा आउर शांति मिलते रहोक।

गलातियनमन 1:3

मोंय प्रार्थना करोना कि हमर आबा परमेश्‍वर आउर प्रभु यीशु मसीह तोहरेमन उपरे किरपा करोक आउर शांति देओक।

1थिस्सलुनीकियनमन 3:2

आउर हमरे तीमुथियुस के जे मसीह केर शुभ समाचार में हमर भाई आउर परमेश्‍वर केर सेवक हेके तोहर ठिना भेजली, ताकि उ तोहरेमन के मसीह में पोक्ता बिसवास करेक लगिन सहायता करोक, आउर बिसवास में बनल रहेक लगिन तोहरे के समझाओक।

1 तीमुथियुस 1:12

मोंय अपन प्रभु यीशु मसीह के जे मोके शक्ति देई हे, धन्यबाद देवोना कि उ मोखे बिसवास लाएक समइझ के अपन सेवा करेक लगिन ठहरालक।

1 तीमुथियुस 1:18

हे बेटा तीमुथियुस, मोंय तोके उ गोइठमन के याइद करेक ले कहाथों, जे पहिले भविष्यवाणीमन में तोर बारे में कहल जाय रहे, मोंय तोके इ आगया सोपाथों कि तोंय उमन केर मोताबिक झूठा सिखाएक वालामन केर बिरोध में लड़ाई के लड़ते रह।

1 तीमुथियुस 6:20

हे तीमुथियुस, पक्का काइर ले कि तोंय ओहे करिसला जेके परमेश्‍वर तोके जिम्मा देई हे, तोंय एइसन गोइठमन आउर शिक्षामन से दूर रह जे परमेश्‍वर केर सच्चा शिक्षा केर बिरोध करेला, जेके उमन गलत तरीका से गेयान कहैना।

2 तीमुथियुस 1:2

हे तीमुथियुस, मोंय तोर नाँव से इ चिट्ठी के लिखाथों, तोंय मोर लगिन एगो दुलार बेटा नियर अहिस। मोंय प्रार्थना करोना कि आबा परमेश्‍वर आउर हमर प्रभु यीशु मसीह तोर उपरे किरपा आउर दया करते रहोक, आउर शांति देते रहोक।

2 तीमुथियुस 2:1

इ लगिन हे मोर बेटा तीमुथियुस, तोंय उ किरपा से जे यीशु मसीह में अहे, बलवान होई जा।

तीतुस 1:4

मोंय इ चिट्ठी, हे तीतुस तोके लिखाथों, तोंय मोर अपन बेटा नियर अहिस काले कि तोंय हों यीशु मसीह में बिसवास करिसला। मोंय प्रार्थना करोना कि आबा परमेश्‍वर आउर छुटकारा देवाइया यीशु मसीह बटले तोके किरपा आउर शांति मिलते रहोक।

तीतुस 2:2

मतलब बूढ़ा आदमी के संयम आउर एइसन समझदारी से ब्यवहार करेक चाही, ताकि आदमीमन उकर आदर करबैं। आउर उके परमेश्‍वर उपरे पक्का बिसवास करेक चाही, आउर दोसरमन के सच्चाई से प्रेम करेक आउर दुःखमन में धीरज धारेक चाही।

तीतुस 3:15

सोउब बिसवासीमन जेमन हिंयाँ मोर संगे अहैं, तोहरे के जोहार कहैना, आउर जे हमर संगी बिसवासीमन क्रेते टापू में अहैं आउर हमर से प्रेम करैना, उमन के हों जोहार, मोंय प्रार्थना करोना कि परमेश्‍वर तोहरे सोउब केर उपरे किरपा करोक।

1 पतरस 1:2

आबा परमेश्‍वर ढेइर पहिलेहें से तोहरेमन के चुइन लेलक आउर पवितर आत्मा केर द्वारा पवितर करलक। परमेश्‍वर एइसन इ लगिन करलक कि तोहरे यीशु मसीह केर आगया मानबा आउर उकर लोहू से शुद्ध होई जबा। मोंय प्रार्थना करोना कि परमेश्‍वर तोहरे के भरपूरी से किरपा आउर शांति देओक।

2 यूहन्ना 1:3

मोंय प्रार्थना करोना कि आबा परमेश्‍वर आउर उकर बेटा यीशु मसीह बटले किरपा, दया आउर शांति हमर संगे बनल रहोक, जे कि हमरे सच्चाई के जानिला आउर एक दोसर से प्रेम करिला।

3 यूहन्ना 1:4

मोके आउर कोनों गोइठ से एतना खुशी नी होतक जेतना इ सुइन के कि मोर छउवामन सच्चाई केर डहर में चलैना।

यहूदा 1:2

मोंय प्रार्थना करोना कि दया आउर शांति आउर प्रेम तोहरेमन के भरपूर से मिलते रहोक।