1 तीमुथियुस 1:18 - सादरी नवाँ नियम

¹⁸ हे बेटा तीमुथियुस, मोंय तोके उ गोइठमन के याइद करेक ले कहाथों, जे पहिले भविष्यवाणीमन में तोर बारे में कहल जाय रहे, मोंय तोके इ आगया सोपाथों कि तोंय उमन केर मोताबिक झूठा सिखाएक वालामन केर बिरोध में लड़ाई के लड़ते रह।

1 तीमुथियुस 1:18 Iomraidhean Croise

खास चेलामन केर काम 16:1

पौलुस फिन दिरबे नगर आउर लुस्त्रा नगर में हों गेलक, आउर हूवाँ तीमुथियुस नाँव केर एगो चेला रहे, जेकर आयो यहूदी रहे आउर आबा यूनान देस केर रहेक वाला रहे।

1 कुरिनथियनमन 4:17

इ लगिन मोंय तीमुथियुस के जे प्रभु में मोर दुलार आउर बिसवास लाएक बेटा हेके, तोहरे ठिना भेइज हों, उ तोहरेमन के यीशु मसीह में मोर ब्यवहार के याइद करवाई, जेके मोंय हर जगा आउर हरेक कलीसिया में उपदेस देवोना।

1 कुरिनथियनमन 9:7

केऊवे फौजी कहियो अपन तनखा खुद देई के फौज केर काम नी करेला, आउर केऊवे आदमी थोरको अंगूर बेगर खाले बारी में अंगूर नी रोपेला, केऊ भेड़ीमन केर दूध बेगर पिले, भेड़ीमन केर चरवाही नी करेला।

फिलिप्पियनमन 2:22

मगर तोहरे तीमुथियुस के तो जानाला कि उकर चरितर अच्छा अहे, जइसन बेटा आबा केर संगे करेला, तइसनेहें उ शुभ समाचार के फैलाएक में मोर संगे मेहनइत काइर हे।

1 तीमुथियुस 1:2

मोंय इ चिट्ठी, हे तीमुथियुस तोके लिखाथों, तोंय मोर अपन बेटा नियर अहिस, काले कि तोंय हों यीशु मसीह में बिसवास करिसला। मोंय प्रार्थना करोना कि आबा परमेश्‍वर आउर हमर प्रभु यीशु मसीह बटले तोके किरपा, दया आउर शांति मिलते रहोक।

1 तीमुथियुस 1:5

तोहरे के इ आगया देवेक केर मोर मकसद इ हेके कि तोहरे एक दोसर के सच्चा मन, शुद्ध बिवेक आउर पूरा बिसवास से प्रेम करा।

1 तीमुथियुस 4:14

उ गोइठ के याइद रख, जब कलीसिया केर अगुवामन तोर उपरे अपन हाँथ राइख रहैं, आउर परमेश्‍वर अपन बरदान के उमन से भविष्यवाणी करवाय के तोके देई रहे।

1 तीमुथियुस 4:4

काले कि परमेश्‍वर केर सिरजाल हरेक चीजमन बेस हेके, हमरे कोनोवें खाएक केर चीजमन के परमेश्‍वर के धन्यबाद देई के खाएक पारिला।

1 तीमुथियुस 6:20

हे तीमुथियुस, पक्का काइर ले कि तोंय ओहे करिसला जेके परमेश्‍वर तोके जिम्मा देई हे, तोंय एइसन गोइठमन आउर शिक्षामन से दूर रह जे परमेश्‍वर केर सच्चा शिक्षा केर बिरोध करेला, जेके उमन गलत तरीका से गेयान कहैना।

2 तीमुथियुस 1:2

हे तीमुथियुस, मोंय तोर नाँव से इ चिट्ठी के लिखाथों, तोंय मोर लगिन एगो दुलार बेटा नियर अहिस। मोंय प्रार्थना करोना कि आबा परमेश्‍वर आउर हमर प्रभु यीशु मसीह तोर उपरे किरपा आउर दया करते रहोक, आउर शांति देते रहोक।

2 तीमुथियुस 4:7

मोंय यीशु मसीह केर सेवा करेक में कड़ा मेहनइत काइर हों, जेके करेक लगिन यीशु मसीह मोके देई रहे, मोंय आखरी समय तक बिसवास में बनल अहों।

तीतुस 1:4

मोंय इ चिट्ठी, हे तीतुस तोके लिखाथों, तोंय मोर अपन बेटा नियर अहिस काले कि तोंय हों यीशु मसीह में बिसवास करिसला। मोंय प्रार्थना करोना कि आबा परमेश्‍वर आउर छुटकारा देवाइया यीशु मसीह बटले तोके किरपा आउर शांति मिलते रहोक।

फिलेमोन 1:10

मोंय उनेसिमुस केर लगिन तोर से बिनती करोना जे मोर बेटा नियर अहे। जब मोंय जेहेल में बंद रहों तब उ मसीह में मोर बेटा बाइन गेलक।