1 तीमुथियुस 1:17 - सादरी नवाँ नियम

¹⁷ अब जुग-जुग केर राजा जे सोउब दिन लगिन जिंदा अहे, जेके केऊ नी देइख हैं, जे एके गो सच्चा परमेश्‍वर हेके, उकर आदर आउर महिमा जुग-जुग होते रहोक। आमीन।

1 तीमुथियुस 1:17 Iomraidhean Croise

मत्ती 25:34

तब मोंय राजा अपन भतखाइया बटे केर आदमीमन से कहमूँ, ‘हे मोर आबा केर धाइन आदमीमन, आवा, स्वरग राइज केर अधिकारी बाइन जावा, जे दुनिया केर शुरु से तोहर लगिन तेयार करल अहे।

मत्ती 28:20

आउर उमन के सोउब गोइठमन के जे मोंय तोहरेमन के आगया देई हों, मानेक लगिन सिखावा: आउर देखा, मोंय दुनिया केर अंत तक सोउब बेरा तोहरेमन केर संगे अहों।”

मत्ती 6:13

आउर हमरे के परीक्षा में ना लान, मगर शैतान केर बहकाएक से बचाव, काले कि राइज आउर पराक्रम आउर महिमा सोउब बेरा तोर हें हेके। आमीन।

यूहन्ना 1:18

परमेश्‍वर के केऊ कहियो नी देइख हैं मगर एकलौता बेटा जे खुद परमेश्‍वर हेके, जे आबा केर कोरा में अहे, ओहे उके हमर उपरे दिस्तार काइर हे।

यूहन्ना 5:44

तोहरेमन मोर उपरे बिसवास नी करबा काले कि तोहरेमन एक दोसर से माइन चाहाला। आउर तोहरेमन उ माइन के पावेक केर कोशिश नी कराला जे सिरिफ आबा परमेश्‍वर बटे से मिलेला।

रोमानियनमन 1:20

काले कि परमेश्‍वर केर अनदेखा गुण, मतलब सनातन शक्ति, आउर परमेश्‍वर अहे इकर सबूत दुनिया केर सिरजन केर समय से उकर काममन से दिसेला, हिंयाँ तक कि उमन कोनों बहना बनाएक नी पारैना।

रोमानियनमन 1:23

आउर कहियो नी मोरेक वाला परमेश्‍वर केर महिमा के नाश होवेक वाला आदमी, आउर चरईमन, आउर चाइर गोड़वा जानवरमन, आउर रेंगेक वाला जीव-जंतुमन केर मूर्तिमन केर बराबइर में बदइल देलैं।

रोमानियनमन 11:36

काले कि सोउब कुछ उकरे बटे से आवेला, ओहे सोउब कुछ के बनाय हे, आउर उकरे लगिन सोउब कुछ अहे, उकरे महिमा जुग-जुग होते रहोक आमीन।

रोमानियनमन 16:27

एके गो बुद्धिमान परमेश्‍वर केर महिमा यीशु मसीह केर द्वारा जुग-जुग होते रहोक। आमीन।

रोमानियनमन 2:10

मगर महिमा आउर आदर आउर शांति हरेक झन के मिली, जे भला करेला, पहिले यहूदी के फिन उके जे यहूदी ना लगे।

रोमानियनमन 2:7

परमेश्‍वर उमन के जेमन बेस काम में स्थिर रइह के महिमा, आउर आदर, आउर नाश नी होवेक वाला जिंदगी केर खोजार में अहैं, उमन के उ जुग-जुग केर जिंदगी देवी।

कुलुसियनमन 1:15

केऊ हों परमेश्‍वर के देखेक नी पारैना, मगर जब उकर बेटा मनवा बनलक, तो उ परमेश्‍वर के आदमीमन केर माझे दिस्तार काइर देलक, उकरे ठिना परमेश्‍वर केर बनाल सोउब कुछ केर उपरे पूरा अधिकार अहे।

इब्रानीमन 11:27

बिसवास करेक केर चलते मूसा राजा केर खीस से नी डराय के मिसर देस के छोइड़ देलक, काले कि उ बुइझ जाय रहे, जइसन कि अनदिस्तार परमेश्‍वर के देइख रहे।

इब्रानीमन 2:7

तोंय उके स्वरगदूतमन से थोरहें समय लगिन कम बनाले, आउर तोंय उके एगो राजा नियर महिमा आउर आदर देई हिस।

1 पतरस 5:11

उ माइन पावेक केर लायक अहे, काले कि उकर शक्ति केर कोनों आखरी नखे। आमीन।

2 पतरस 3:18

मगर हमर प्रभु आउर छुटकारा देवाइया यीशु मसीह केर किरपा आउर गेयान में बढ़ते जावा। उकरे महिमा एखन हों होवोक, आउर युग-युग होते रहोक। आमीन।

1 यूहन्ना 4:12

परमेश्‍वर के कहियो केऊ नी देखलक, अगर हमरे एक दोसर से प्रेम करब, तो परमेश्‍वर हमर में बनल रही आउर उकर प्रेम हमर में सिद्ध होई जाय हे।

यहूदा 1:25

ओहे हमरे के यीशु मसीह जे कुछ हमरे लगिन काइर हे, उकर जरिया से छुटकारा देई हे। ओहे एक मात्र परमेश्‍वर हेके, उकरे ठिना महिमा, गौरव, पराक्रम आउर अधिकार शुरु से अहे, आउर एखन हो होवोक आउर जुग-जुग होते रहोक। आमीन।

प्रकाशितवाक्य 15:3

आउर उमन परमेश्‍वर केर सेवक मूसा केर द्वारा मेमना केर बारे में गावल गीत गाय-गाय के कहत रहैं, “हे सर्वशक्तिमान प्रभु परमेश्‍वर, तोर काम महान आउर अदभुत अहे, हे जुग-जुग केर राजा, तोर चाल ठीक आउर सच्चा अहे।

प्रकाशितवाक्य 17:14

इमन मेमना से लड़बैं, आउर मेमना उमन केर उपरे जीत जाई, काले कि उ प्रभुमन केर प्रभु आउर राजामन केर राजा हेके आउर जेमन बोलाल आउर चुनाल अहैं, आउर उकर परती बिसवास लायक अहैं, आउर उमन उकर संगे अहैं, उमन हों जीत जबैं।”

प्रकाशितवाक्य 19:1

जब बलवान स्वरगदूत कहेक बंद करलक, तब मोंय स्वरग में एगो बड़का भीड़ के ऊँचा आवाज में इ कहते सुनलों, “हाल्लेलूयाह! छुटकारा, आउर महिमा, आउर शक्ति हमर परमेश्‍वर हें केर हेके।

प्रकाशितवाक्य 19:16

उकर लुगा आउर जाँघ उपरे इ लिखल रहे: “राजामन केर राजा आउर प्रभुमन केर प्रभु।”

प्रकाशितवाक्य 19:6

फिन मोंय बड़का भीड़ केर नियर आवाज सुनलों। उ आवाज ढेइर पानी केर नियर आउर बदरी केर गरजेक केर नियर रहे। उमन कहलैं, “हाल्लेलूयाह! उकर स्तुति होवोक, काले कि प्रभु हमर परमेश्‍वर सर्वशक्तिमान राइज करेला।

प्रकाशितवाक्य 7:12

उमन कहलैं, “आमीन! हमर परमेश्‍वर केर स्तुति, महिमा, गेयान, धन्यबाद, आदर, अधिकार आउर शक्ति जुग-जुग बनल रहोक। आमीन।”