1 तीमुथियुस 1:15 - सादरी नवाँ नियम

¹⁵ इ गोइठ सच आउर सोउब रकम से मानेक केर लाएक अहे कि मसीह यीशु हमरे पापीमन के बचाएक लगिन दुनिया में आलक, जेमन में से सोउब से बगरा पापी मोंय हेकों।

1 तीमुथियुस 1:15 Iomraidhean Croise

मत्ती 1:21

उ बेटा जनम देवी आउर तोंय उकर नाँव यीशु रखबे, काले कि उ अपन आदमीमन के उ मनक पाप से बचाई।”

मत्ती 18:10

देखा, तोहरेमन इ छोटमन में से केखो तुच्छ ना मानबा, काले कि मोंय तोहर से कहाथों, स्वरग में उ मनक दूतमन मोर स्वरगीय आबा केर भीरे सोउब बेरा रहैना।

मत्ती 18:11

काले कि मोंय आदमी केर बेटा हेराल आदमीमन के बचाएक लगिन आय हों।

मत्ती 20:28

काले कि मोंय आदमी केर बेटा इकर लगिन नी आय हों कि मोर एगो महान राजा लेखे सेवा-सुसइर कराल जाई। मगर इकर लगिन आय हों कि मोंय खुद दोसर मनक सेवा-सुसइर करमूँ आउर ढेइर मनक पापमन से छुटकारा लगिन अपन जान देई देमूँ।”

मत्ती 9:13

से लगिन तोहरेमन जाय के सीख लेवा कि इकर का मतलब हेके। मोंय अपन लगिन बलिदान नी चाहोना मगर इ चाहोना कि तोहरेमन दोसर मनक उपरे दया करा। काले कि मोंय उ आदमीमन के पाप करेक से छोड़वाएक लगिन बोलाएक नी आय हों जेमन खुद के धरमी बुझैना, मगर मोंय उमन के पाप करेक से छोड़वाएक लगिन बोलाएक आय हों जेमन जानैना कि हमरे पापी अही।”

मरकुस 2:17

जब यीशु इ सुनलक तब उमन से कहलक, “भला-चंगा आदमीमन के बाइध केर दरकार नखे, मगर बेमरियामन के अहे। मोंय उमन के पाप करेक से छोड़वाय के बोलाएक नी आय हों, जेमन खुद के धरमी बुझैना, मगर मोंय उमन के पाप करेक से छोड़वाय के बोलाएक आय हों, जेमन जानैना कि हमरे पापी अही।”

लूका 15:2

इ देइख के फरीसी दल केर आदमीमन आउर मूसा केर नियम के सिखाएक वालामन कुड़कुड़ाय के कहेक लगलैं, “इ तो पापी आदमीमन केर स्वागत करेला आउर उमन केर संगे खायला-पियेला।”

लूका 19:10

काले कि मोंय आदमी केर बेटा हेराल आदमीमन के खोजेक आउर उमन के बचाएक लगिन आय हों।”

लूका 5:32

मोंय उमन के पाप करेक से छोड़वाएक लगिन बोलाएक नी आय हों, जेमन खुद के धरमी बुझैना, मगर मोंय उमन के पाप करेक से छोड़वाएक लगिन बोलाएक आय हों, जेमन जानैना कि हमरे पापी अही।”

यूहन्ना 1:12

मगर जेतना आदमीमन उके अपनालैं आउर उकर उपरे बिसवास करलैं, उ सोउबमन के परमेश्‍वर केर संतान बनेक केर अधिकार देलक।

यूहन्ना 1:29

दूसरा दिन यूहन्ना यीशु के अपन बटे आते देइख के कहलक, “देखा, इ परमेश्‍वर केर मेमना हेके, जे खुद के बलिदान काइर के दुनिया केर पाप के उठाय लेवी।

यूहन्ना 12:47

अगर केऊ मोर गोइठमन के सुइन के उके नी मानेला, तो मोंय उके दोषीदार नी ठहरावना काले कि मोंय दुनिया केर आदमीमन के दोषी ठहराएक लगिन नी आय हों, मगर उमन के बचाएक लगिन आय हों।

यूहन्ना 3:36

जे परमेश्‍वर केर बेटा उपरे बिसवास करेला, उ जुग-जुग केर जिंदगी पाय हे, मगर जे परमेश्‍वर केर बेटा उपरे बिसवास नी करेला, उके जुग-जुग केर जिंदगी नी मिली, मगर परमेश्‍वर केर खीस उकर उपरे बनल रहेला।

खास चेलामन केर काम 11:1

यहूदिया परदेस में खास चेलामन आउर बिसवासी भाई-बहिनमन के इ पता चललक कि परजाइत आदमीमन हों परमेश्‍वर केर बचन के माइन लेई हैं।

खास चेलामन केर काम 11:18

इ गोइठ सुइन के यहूदी बिसवासीमन चुप होई गेलैं आउर उमन इ कहते परमेश्‍वर केर बड़ाई करेक लगलैं, “परमेश्‍वर परजाइत आदमीमन के हों जुग-जुग केर जिंदगी लगिन अपन पाप काममन के छोड़ेक आउर यीशु मसीह केर उपरे बिसवास करेक केर मोका देई हे।”

खास चेलामन केर काम 3:26

परमेश्‍वर अपन सेवक के मोरलमन में से फिन जिंदा काइर के सोउब से पहिले तोहर ठिना भेजलक, ताकि तोहर में से हरेक झन के अपन जिंदगी केर बुरा काममन के छोड़ेक में मदइत करोक आउर आशीष देवोक।”

रोमानियनमन 11:14

ताकि कोनों नियर मोंय अपन इसराइली आदमीमन में हिसिंगा करुवाय के उमन में से कायनों झन के बचाय लेमूँ।

रोमानियनमन 5:6

काले कि जब हमरे कमजोर हें रही, तो मसीह परमेश्‍वर केर ठीक ठहराल समय में पापीमन लगिन प्राण देलक।

1 कुरिनथियनमन 15:9

काले कि मोंय यीशु केर चुनल खास चेलामन में सोउब से छोट हेकों, बल्कि चेला कहाएक केर लायक हों नखों, काले कि मोंय परमेश्‍वर केर कलीसिया केर बिसवासीमन के सताय रहों।

इफिसियनमन 3:8

जबकि मोंय परमेश्‍वर केर आदमीमन में से सोउब से छोट अहों, फिन भी मोर उपरे परमेश्‍वर केर किरपा होलक कि मोंय परजाइत आदमीमन के मसीह केर शुभ समाचार सुनामूँ।

1 तीमुथियुस 1:13

मोंय तो बिसवासी बनेक से पहिले मसीह केर बारे में निंदा करेक वाला, आउर बिसवासीमन के सताएक वाला, आउर उमन केर नोकसान करेक वाला रहों, फिन भी परमेश्‍वर केर दया मोर उपरे होलक, काले कि इ काम मोंय अनजाने में करत रहों आउर यीशु मसीह उपरे बिसवास नी करत रहों।

1 तीमुथियुस 1:19

आउर तोके मसीह उपरे बिसवास में बनल रहेक चाही आउर तोर में एगो शुद्ध बिवेक होवेक चाही। थोरेक आदमीमन उ शुद्ध बिवेक के छोइड़ देलैं जेकर नतीजा इ होलक कि अब उमन बिसवास में नखैं।

1 तीमुथियुस 3:1

आउर इ गोइठ सच हेके कि जे अगुवा बनेक चाहेला, उ भला काम केर इच्छा रखेला।

1 तीमुथियुस 4:9

आउर इ गोइठ सच आउर सोउब रकम से मानेक केर लाएक अहे।

1 तीमुथियुस 6:13

मोंय परमेश्‍वर के गवाह बनाय के, जे सोउब के जिंदगी देवेला आउर साथ में मसीह यीशु के हों गवाह बनाय के जे मजबूती से सच कहलक जब उके पुन्तियुस पिलातुस केर सामने मुकद्दमा लगिन लानल गेलक, तोके इ आगया देवोना

2 तीमुथियुस 2:11

इ गोइठ सच हेके कि अगर हमरे उकर संगे मोइर जाय ही, तो उकर संगे जियब हों।

तीतुस 3:8

इ गोइठ सच हेके आउर मोंय चाहोना कि तोंय इ गोइठमन केर बारे में बिसवासीमन के पोक्ता से सिखाबे, इ लगिन कि जेमन परमेश्‍वर उपरे बिसवास काइर हैं, उमन भला काममन के करते रहेक में धेयान देवोक, इ गोइठमन बेस आउर आदमीमन लगिन फायदा केर हेके।

इब्रानीमन 7:25

इ लगिन जेमन यीशु केर जरिया परमेश्‍वर ठिना आवैना, यीशु उमन के पूरा-पूरा बचाएक पारेला, काले कि उ उमन लगिन बिनती करेक ले जुग-जुग जिंदा अहे।

1 यूहन्ना 3:5

तोहरेमन जानाला कि यीशु मसीह दुनिया में इ लगिन आलक कि पापमन के मेटाय देवोक, आउर यीशु मसीह में कोनोवें पाप नखे।

1 यूहन्ना 3:8

जे केऊ पाप करते हें रहेला उ शैतान बटले हेके, काले कि शैतान शुरु हें से पाप करते आय हे। परमेश्‍वर केर बेटा इ लगिन आलक कि शैतान केर काममन के नाश करोक।

1 यूहन्ना 5:11

आउर उ गवाही इ हेके कि परमेश्‍वर हमरेमन के जुग-जुग केर जिंदगी देई हे, इ जिंदगी उकर बेटा यीशु में अहे।

प्रकाशितवाक्य 21:5

जे सिंहासन उपरे बाइठ रहे, उ कहलक, “देख, मोंय सोउब कुछ नवाँ काइर देवाथों।” फिन उ कहलक, “लीख ले, काले कि इ बचन बिसवास केर लायक आउर सच्चा हेके।”

प्रकाशितवाक्य 22:6

फिन उ मोर से कहलक, “इ गोइठमन बिसवास केर लायक आउर सच्चा हेके। प्रभु जे उकर संदेश के बताएक वालामन केर आत्मामन केर परमेश्‍वर हेके, अपन स्वरगदूत के इ लगिन भेजलक कि अपन सेवकमन के उ गोइठमन जेमन केर जल्दी पूरा होवेक जरुरी अहे, देखाओक।”

प्रकाशितवाक्य 5:9

आउर उमन इ नवाँ गीत गावेक लगलैं: “तोंय इ किताब के लेवेक आउर इकर मोहर के खोलेक केर लायक अहिस, काले कि तोंय बलि होई के अपन लोहू से हरेक गोतर, भाषा, आदमीमन, आउर जाइत में से परमेश्‍वर केर लगिन आदमीमन के कीन लेई हिस।