1 तीमुथियुस 1:13 - सादरी नवाँ नियम

¹³ मोंय तो बिसवासी बनेक से पहिले मसीह केर बारे में निंदा करेक वाला, आउर बिसवासीमन के सताएक वाला, आउर उमन केर नोकसान करेक वाला रहों, फिन भी परमेश्‍वर केर दया मोर उपरे होलक, काले कि इ काम मोंय अनजाने में करत रहों आउर यीशु मसीह उपरे बिसवास नी करत रहों।

1 तीमुथियुस 1:13 Iomraidhean Croise

लूका 12:47

आउर उ धांगर जे अपन मालिक केर इच्छा के जाइन के हों, खुद के तेयार नी करलक, आउर अपन मालिक केर इच्छा केर मोताबिक काम नी करलक, उ मुरुक माउर खाई।

लूका 23:34

तब यीशु कहलक, “हे आबा इमन के क्षमा कर, काले कि इमन नी जानैना कि का कराथैं?” इकर पाछे उमन यीशु केर लुगामन के बाँटेक लगिन चिट्ठी साजलैं कि केके का लुगा भेटाई, तब उमन लुगा के बाँइट लेलैं।

खास चेलामन केर काम 22:4

मोंय यीशु मसीह केर डहर में चलेक वाला आदमीमन के जान लेवेक तक सतात रहों, मरदाना आउर जनाना दुयो के बाइंध-बाइंध के जेहेल घर में साइज देवत रहों।

खास चेलामन केर काम 3:17

अब हे भाईमन, मोंय जानोना कि तोहरे आउर तोहर अगुवामन यीशु के अनजान से माइर मोराला, काले कि तोहरे के पता नी रहे कि उ मसीह हेके।

खास चेलामन केर काम 8:3

शाऊल उ समय कलीसिया केर आदमीमन के सतात रहे। उ घर-घर ढूइक के बिसवासी मरदानामन आउर जनानामन के घिसराय-घिसराय के जेहेल घर में साइज देवत रहे।

खास चेलामन केर काम 9:1

इ समय शाऊल प्रभु यीशु केर चेलामन के धमकाएक आउर मोराएक केर धुन में रहे, उ यहूदी महापुरोहित ठिना गेलक।

खास चेलामन केर काम 9:13

मगर हनन्याह जबाब देलक, “हे प्रभु, मोंय इ आदमी केर बारे में ढेइर आदमीमन से सुइन हों कि इ यरुशलेम शहर में तोर पवितर आदमीमन केर उपरे बड़का-बड़का बुराई काइर हे।

खास चेलामन केर काम 9:5

शाऊल पूछलक, “हे प्रभु, तोंय के हेकिस?” उ जबाब देलक, “मोंय यीशु हेकों, जेके तोंय सताथिस।

1 कुरिनथियनमन 15:9

काले कि मोंय यीशु केर चुनल खास चेलामन में सोउब से छोट हेकों, बल्कि चेला कहाएक केर लायक हों नखों, काले कि मोंय परमेश्‍वर केर कलीसिया केर बिसवासीमन के सताय रहों।

1 कुरिनथियनमन 7:25

डिंड़ा कन्यामन केर बारे में प्रभु केर कोनों आगया मोके नी मिललक, मगर प्रभु अपन दया से मोके बुद्धि देई हे जे बिसवास लायक अहे, जेकर से मोंय सलहा देवोना।

गलातियनमन 1:13

तोहरेमन सुइन हा कि कइसन मोंय यहूदीमन केर नियम के मानत रहों, आउर परमेश्‍वर केर कलीसिया केर बिसवासीमन के ढेइर हें सतात रहों आउर नाश करेक केर कोशिश करत रहों।

फिलिप्पियनमन 3:6

उत्साह केर बारे में अगर कहबा तो कलीसिया के सताएक वाला, आउर यहूदी नियममन के मानेक में एगो धरमी आदमी रहों, काले कि मोंय सोउब मूसा केर नियममन के माइन हों।

1 तीमुथियुस 1:16

मगर यीशु मसीह मोर उपरे दया करलक आउर मोर सोउब से बगरा पापमन के क्षमा काइर के, इ देखाएक चाहेला कि उ केतना सहनशील अहे। ताकि उमन लगिन मोंय एगो नमूना बनमूँ, जेमन पाछे से जुग-जुग केर जिंदगी पावेक लगिन उकर उपरे बिसवास करबैं।

इब्रानीमन 4:16

इ लगिन आवा, हमरे साहस काइर के परमेश्‍वर ठिना आवब जे किरपा से भरल अहे, ताकि परमेश्‍वर हमरे के अपन दया आउर किरपा के देखाई, आउर जब हमरे के मदइत केर जरुरत होवी तब उ हमर मदइत करी।

1 पतरस 2:10

पहिले तोहरेमन परमेश्‍वर केर आदमी नी रहा मगर अब उकर आदमी बाइन गेला, पहिले तोहरे परमेश्‍वर केर दया के नी जानत रहा, मगर अब जानाला, काले कि उ तोहर उपरे अपन दया के देखाय हे।